19 Oktyabr 2019, Şənbə

2014-cü il üçün tələb olunan ərzaq məhsullarının satın alınması üzrə açıq tender elan edir

Naxçıvan Muxtar Respublikası Fövqəladə Hallar Nazirliyi tərəfindən ərzaq məhsulları üzrə açıq tender üsulu ilə satınalma həyata keçirilir.
Tenderdə iştirak etmək istəyənlər 25 yanvar 2014-cü il tarixdə saat 1300-dək Azərbaycan dilində tərtib olunmuş tenderin “Əsas şərtlər” toplusunu Naxçıvan şəhəri, Cəlil Məmmədquluzadə küçəsində yerləşən Naxçıvan Muxtar Respublikası Fövqəladə Hallar Nazirliyindən ala bilərlər.
Tender iştirakçıları müqaviləni yerinə yetirmək üçün lazımi maliyyə və texniki imkanlara malik olmalıdırlar.
Bütün iddiaçılar tenderdə iştirak etmək üçün aşağıdakı sənədləri təqdim etməlidirlər:
– tenderdə iştirak etmək üçün ərizə (ərizədə müəssisənin (fiziki şəxsin) adı, yerləşdiyi ünvan, poçt indeksi, telefon nömrəsi, rəhbərinin adı, soyadı göstərilməklə möhürlənmiş və imzalanmış olmalıdır)
– tender təklifi (tender proseduru keçirildiyi tarixdən sonra azı 30 bank günü qüvvədə olmalıdır)
– iddiaçının tam adı, hüquqi statusu, qeydiyyatdan keçdiyi ölkə və rekvizitləri
– iddiaçının son bir ildəki (əgər daha az müddət fəaliyyət göstərirsə, bütün fəaliyyəti dövründəki) maliyyə vəziyyəti barədə bank tərəfindən verilmiş arayış.
Tender iştirakçıları öz tender təkliflərini möhürlənmiş, imzalanmış ikiqat zərfdə yazılı surətdə 1 fevral 2014-cü il tarixdə saat 1300-dək təqdim etməlidirlər. Təklif zərfləri 1 fevral 2014-cü il tarixdə saat 1400-də qeyd olunan ünvanda açılacaqdır. İddiaçıların səlahiyyətli nümayəndələri iştirak edə bilərlər.
Tender haqqında əlavə məlumatları aşağıdakı ünvandan almaq olar:

Naxçıvan şəhəri, Cəlil Məmmədquluzadə küçəsi
Əlaqələndirici şəxs: Cabbarov Murad Rasim oğlu Telefon: 544-48-34

Naxçıvan Şəhər Peşə Liseyi 2013-2014-cü dərs ilində tələb olunan ərzaq məhsullarının satın alınması üçün kotirovka sorğusu elan edir. Kotirovka zərfi 13 yanvar 2014-cü il tarixdə saat 1100-də açılacaq. İddiaçıların səlahiyyətli nümayəndələri iştirak edə bilərlər.

Əlaqələndirici: Abbasov Həsən Saleh oğlu, telefon 545-25-80

Qeyd: Dekabr ayında texniki itki nəzərə alınmaqla daxil olan 33  milyon 297 min kilovat-saat elektrik enerjisinin dəyəri 1 milyon 997 min 800 manat olmuş, cəmi 2 milyon 52 min 800 manat vəsait toplanmışdır ki, bu da istifadə olunan enerjinin dəyərinin 102,8 faizini təşkil edir.

Yeni il bayramı münasibətlə şəhərimizdəki mədəniyyət müəssisələri bir sıra tədbirlər keçirəcək. M.T.Sidqi adına Naxçıvan Dövlət Kukla Teatrında 1-5 yanvar tarixlərində “Xoş gəlmisən, yeni il” bədii-əyləncəli proqram təşkil olunacaq. Tədbir saat 1100 və 1400-də başlanacaq. Şaxta baba və Qar qız balacaların görüşünə gələcək, pro­qramda uşaqlar nağıl qəhrəmanları ilə görüşəcək, şən musiqi nömrələri isə tədbirə sevinc qatacaq.

*     *     *

Naxçıvan Dövlət Uşaq Teatrı da 1-5 yanvar tarixlərində saat 1100 və 1400-də “Şaxta babanın yuxusu” adlı səhnələşdirilmiş əyləncəli proqramla uşaqların görüşünə gələcək.

*     *     *

Naxçıvan Dövlət Filarmoniyasında isə 1-5 yanvar tarixlərində hər gün saat 1100-də “Yeni il şənlikləri” adlı musiqili-əyləncəli pro­qram təqdim ediləcək.
Yeni il şənliklərində uşaqlar üçün əyləncəli oyunlar, mahnı və rəqslər də hazırlanmışdır. Sizi mədəniyyət müəssisələrində təşkil olunacaq yeni il şənliklərinə dəvət edirik.

*     *     *

Naxçıvan Dövlət Film Fondunda məktəblilərin qış tətili günlərində 1 yanvar 2014-cü il tarixdən “Azərbaycanfilm” kinostudiyasında və xarici ölkələrin kinostudiyalarında istehsal olunmuş bədii, cizgi və qısametrajlı filmlər nümayiş etdiriləcək. Seanslar saat 1100-də başlanacaq. Məktəblilər Azərbaycan filmlərindən “Cin mikrorayonda”, “Gəmi saatının sirri”, “Qaladan tapılan mücrü”, “Biz qayıdacağıq”, “Ağ atlı oğlan”, “Sehrli xalat”, “Dolu” və xarici ölkələrdə istehsal olunmuş “Dost”, “Saat hələ vurur” kimi filmlərə baxa bilərlər.

ARXİV

Oktyabr 2019
Be Ça Ç Ca C Ş B
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

MÜƏLLİFLƏR

KEÇİDLƏR