25 Oktyabr 2021, Bazar ertəsi

AMEA Naxçıvan Bölməsi, Naxçıvan Dövlət Universiteti və Naxçıvan Müəllimlər İnstitutunun birgə təşkilatçılığı ilə Azərbaycan dekorativ-tətbiqi sənətinin tanınmış nümayəndəsi, Xalq rəssamı Kamil Əliyevin anadan olmasının 100-cü ildönümü münasibətilə elmi konfrans keçirilib.

Ardını oxu...

Naxçıvan Muxtar Respublikası Ali Məclisi Sədrinin “Naxçıvan Muxtar Respublikasında STEAM təhsil metodunun tətbiqi ilə bağlı tədbirlər haqqında” 2021-ci il 7 iyun tarixli Sərəncamının icrası ilə bağlı muxtar respublikanın 50-dən çox təhsil müəssisəsində STEAM kabinələri yaradılmış, STEAM təhsil metoduna aid dərsliklər hazırlanmış, 200-dən çox müəllimə STEAM metodologiyasına aid təlimlər keçirilmişdir.

Ardını oxu...

Naxçıvan Müəllimlər İnstitutunda keçirilən müşavirədə II kurs magistrantlar və elmi rəhbərlər iştirak etmişdir. Müşavirəni giriş sözü ilə institutun rektoru Azad Novruzov açaraq bildirmişdir ki, ölkəmizdə, o cümlədən muxtar respublikamızda elmi və pedaqoji kadrların hazırlanmasına böyük diqqət və qayğı var. Naxçıvan Müəllimlər İnstitutunda 5 istiqamət üzrə doktorantura səviyyəsinə qəbulun aparılması və pedaqoji elmlər üzrə Dissertasiya Şurasının fəaliyyəti bunun bariz nümunəsidir. Magistratura səviyyəsi elmi tədqiqata yönəlmənin əsas mərhələlərindən biri kimi qiymətləndirilir. Hazırda institutda II kurs magistratura pilləsi üzrə 40 nəfər müxtəlif mövzularda dissertasiya işi yerinə yetirir. İxtisas kafedralarından verilən məlumatlar bunu deməyə əsas verir ki, dissertasiyaların işlənmə vəziyyəti eksperimental hissənin işlənməsi mərhələsindədir. Rektor vurğulamışdır ki, bundan sonra da elmi rəhbərlərin və magistrantların fəaliyyəti daim diqqət mərkəzində saxlanılmalı, monitorinq və qiymətləndirilmə aparılmalı, müntəzəm olaraq dissertasiyaların işlənmə vəziyyətləri müzakirə olunmalıdır.
Müşavirədə institutun prorektoru, psixologiya üzrə fəlsəfə doktoru Çapay Quliyev, elmi katibi, dosent Qurban Qurbanlı, Pedaqogika və psixologiya kafedrasının müdiri, professor İsmayıl Əliyev, Riyaziyyat və tədrisi metodikası kafedrasının müdiri, professor Yaqub Məmmədov, Magistratura və doktorantura üzrə mütəxəssis, dosent Qızıltac Şahbazova çıxış etmişlər. Müşavirə magistrantların fəallığı ilə müzakirə formasında davam etdirilmişdir.

Naxçıvan Müəllimlər İnstitutunun mətbuat xidməti

 

 

 

İnkişaf etmiş ölkələrin təhsil sistemində elm, texnologiya, mühəndislik, incəsənət və riyaziyyatın birgə inteqrasiyası üzərində qurulan STEAM təlim metodu 2020-2021-ci tədris ilindən etibarən Naxçıvan Muxtar Respublikasında uğurla tətbiq olunur.
Naxçıvan Muxtar Respublikası Ali Məclisi Sədrinin “Naxçıvan Muxtar Respublikasında STEAM təhsil metodunun tətbiqi ilə bağlı tədbirlər haqqında” 2021-ci il 7 iyun tarixli Sərəncamının icrası ilə əlaqədar muxtar respublikanın 50-dən çox təhsil müəssisəsində STEAM kabinələri, Heydər Əliyev adına tam orta məktəbdə isə STEAM Tədris Mərkəzi yaradılmış, kabinələr zəruri təlim avadanlığı və inventarlar ilə təmin edilmişdir. STEAM dərslərinin tədris edilməsi üçün xarici ədəbiyyatlar Azərbaycan dilinə tərcümə olunaraq STEAM təhsil metoduna aid, ümumilikdə, 1349 ədəd kitab ümumtəhsil məktəblərinə verilmişdir.
Dərslərin STEAM əsaslı qurulması üçün müəllimlərdən xüsusi bilik və bacarıqlar tələb olunur. Bu amil nəzərə alınaraq Təhsil Nazirliyi tərəfindən yerli və beynəlxalq təcrübəyə malik təlimçilərin iştirakı ilə müəllim-mütəxəssislərin hazırlanması məqsədilə 200-dən çox müəllimə STEAM metodologiyasına aid təlimlər keçirilmişdir. Görülən işlərin davamı olaraq oktyabrın 18-dən başlayaraq Heydər Əliyev adına tam orta məktəbdə yaradılan STEAM Tədris Mərkəzində bir ay müddətində STEAM dərslərini tədris edən 75 müəllim üçün təlimlərə start verilmişdir. Ötən tədris ilində olduğu kimi yeni təşkil olunan təlimlərə muxtar respublikanın ümumtəhsil məktəbləri ilə yanaşı, ali təhsil müəssisələrinin müəllimləri də cəlb olunmuşdur.
STEAM təhsil layihəsində nəzərdə tutulmuş məqsədlərə nail olunmasında mühüm əhəmiyyət kəsb edən təlimlərdə müəllimlərə STEAM metodikası, fənlərarası əlaqə, layihə əsaslı öyrənmə, innovativ təlim metodikaları, micro:bit vasitəsilə kodlama, müxtəlif mühəndis-dizayn həllərinin prototipləşdirilməsi və digər istiqamətlərdə praktik biliklər veriləcək, müəllimlərə STEAM dərslərində şagirdlər tərəfindən layihələrin hazırlanması zamanı effektiv üsullar və innovativ yanaşmalar öyrədiləcəkdir.
STEAM dərslərini tədris edəcək müəllimlərin hazırlanması ilə bağlı təlimlər Təhsil Nazirliyi tərəfindən davam etdiriləcəkdir.

Naxçıvan Muxtar Respublikası
Təhsil Nazirliyinin mətbuat xidməti

 

 

 

Ümummilli liderimiz Heydər Əliyev həmişə müəllim əməyini yüksək qiymətləndirirdi. Dahi şəxsiyyət öz müəllimlərini minnətdarlıqla xatırlayar, onların xidmətləri haqqında ürəkdolusu danışardı. Ulu öndər ölkəmizə rəhbərlik etdiyi bütün dövrlərdə həmişə müəllimə hörmət və ehtiramla yanaşıb, onların maddi rifah halının qayğısına qalıb. 

“Mən yer üzündə müəllimdən yüksək ad tanımıram. Hər birimizdə müəllimin hərarətli qəlbinin bir zərrəciyi vardır. Məhz müəllim doğma yurdumuzu sevməyi, hamının rifahı naminə vicdanla işləməyi müdrikliklə və səbirlə bizə öyrətmiş və öyrədir. Hər birimizin öz müəllimi vardır və biz bütün ömrümüz boyu onun xatirəsini hörmətlə, minnətdarlıqla qəlbimizdə yaşadırıq”, – deyən dahi rəhbərin təhsil sahəsinə göstərdiyi diqqətin nəticəsidir ki, Azərbaycan müəlliminin yetişdirdiyi gənclər Vətən torpağının bir qarışı üçün canından keçdi, xalqımızın başını uca etdi. Bəli, müəllimlik şərəfli işdir.

Ardını oxu...

Naxçıvan Dövlət Universitetində Hüquqşünaslıq ixtisasının fəaliyyətə başlamasının 25 illiyi münasibətilə “Gələcəyin hüquq­şünasları” mövzusunda elmi-praktik konfrans keçirilib.
Tədbiri giriş sözü ilə açan universitetin rektoru Elbrus İsayev qeyd edib ki, Hüquqşünaslıq ixtisası 1996-cı ildə Tarix-filologiya fakültəsinin tərkibində tədrisə başlayıb, 1998-ci ildə isə İqtisad fakültəsinin nəzdində fəaliyyətini davam etdirib. Hazırda Beynəlxalq münasibətlər və hüquq fakültəsinin tərkibində fəaliyyətini davam etdirən ixtisas daim dövlət qayğısının əhatəsində olub. Rektor bildirib ki, tələbələr ixtisasa dair nəzəri bilikləri mənimsəməklə bərabər, müasir tədris üsullarının təcrübi bazası rolunu oynayan laboratoriyalarda tədrisdə aldıqları nəzəri biliklərinin möhkəmləndirilməsi, yoxlanılması, təcrübi bacarıq və vərdişlərlə əlaqələndirilməsini öyrənirlər. Rektor ixtisasın 25 illiyi münasibətilə müəllim və tələbələri təbrik edib.

Hüquq fənləri kafedrasının dosenti Şükür Məmmədov bildirib ki, Naxçıvan Muxtar Respublikası Ali Məclisinin Sədri cənab Vasif Talıbovun tövsiyəsi əsasında yaradılan fakültəyə ilk illər muxtar respublikanın hüquq-mühafizə orqanlarında və dövlət strukturlarında çalışan səriştəli və təcrübəli mütəxəssislər cəlb olunub və 1997-ci ilin iyununda Hüquq fənləri kafedrası təşkil edilib.
Naxçıvan Muxtar Respublikası Ədliyyə Nazir­liyinin şöbə müdiri Səttar Zamanov, Hüquq fənləri kafedrasının müəllimi Əziz Qasımov həm bu ixtisasın məzunları, həm də kafedranın müəllimləri olmaqdan qürur duyduqlarını bildiriblər.
Naxçıvan Muxtar Respublikası Prokurorluğunun şöbə rəisi Faiq Səfərov, Naxçıvan Muxtar Respublikası Ali Məhkəməsinin şöbə müdiri Cahan Bayramova, türkiyəli məzun, İstanbul Ticarət Məhkəməsinin müdiri Abdurrahman Eyuboğlu universitetin peşəkar hüquqşünas kadr hazırlığındakı rolundan danışıblar.
Tədbirə onlayn olaraq qatılan Yasamal Rayon Məhkəməsinin sədri İslam Əliyev, Azərbaycan Respublikası Ədliyyə Nazirliyinin Penitensiar Xidmətinin şöbə rəisi, ədliyyə polkovniki Fikrət Vəliyev təbriklərini çatdırıb, uğurlar diləyiblər.

Naxçıvan Dövlət Universitetinin

Televiziya, mətbuat və ictimaiyyətlə əlaqələr bölməsi

Ümummilli liderimiz Heydər Əliyev həmişə müəllim əməyini yüksək qiymətləndirirdi. Dahi şəxsiyyət öz müəllimlərini minnətdarlıqla xatırlayar, onların xidmətləri haqqında ürəkdolusu danışardı. Ulu öndər ölkəmizə rəhbərlik etdiyi bütün dövrlərdə həmişə müəllimə hörmət və ehtiramla yanaşıb, onların maddi rifah halının qayğısına qalıb. 

“Mən yer üzündə müəllimdən yüksək ad tanımıram. Hər birimizdə müəllimin hərarətli qəlbinin bir zərrəciyi vardır. Məhz müəllim doğma yurdumuzu sevməyi, hamının rifahı naminə vicdanla işləməyi müdrikliklə və səbirlə bizə öyrətmiş və öyrədir. Hər birimizin öz müəllimi vardır və biz bütün ömrümüz boyu onun xatirəsini hörmətlə, minnətdarlıqla qəlbimizdə yaşadırıq”, – deyən dahi rəhbərin təhsil sahəsinə göstərdiyi diqqətin nəticəsidir ki, Azərbaycan müəlliminin yetişdirdiyi gənclər Vətən torpağının bir qarışı üçün canından keçdi, xalqımızın başını uca etdi. Bəli, müəllimlik şərəfli işdir.

Ardını oxu...

Naxçıvan Dövlət Universitetində Hüquqşünaslıq ixtisasının fəaliyyətə başlamasının 25 illiyi münasibətilə “Gələcəyin hüquqşünasları” mövzusunda elmi-praktik konfrans keçirilib.
Tədbiri giriş sözü ilə açan universitetin rektoru Elbrus İsayev qeyd edib ki, Hüquqşünaslıq ixtisası 1996-cı ildə Tarix-filologiya fakültəsinin tərkibində tədrisə başlayıb, 1998-ci ildə isə İqtisad fakültəsinin nəzdində fəaliyyətini davam etdirib. Hazırda Beynəlxalq münasibətlər və xarici dillər fakültəsinin tərkibində fəaliyyətini davam etdirən ixtisas daim dövlət qayğısının əhatəsində olub. Rektor bildirib ki, tələbələr ixtisasa dair nəzəri bilikləri mənimsəməklə bərabər, müasir tədris üsullarının təcrübi bazası rolunu oynayan laboratoriyalarda tədrisdə aldıqları nəzəri biliklərinin möhkəmləndirilməsi, yoxlanılması, təcrübi bacarıq və vərdişlərlə əlaqələndirilməsini öyrənirlər. Rektor ixtisasın 25 illiyi münasibətilə müəllim və tələbələri təbrik edib.

Ardını oxu...

Bunu Naxçıvan Dövlət Universitetinin timsalında daha aydın görmək mümkündür

Azərbaycan Respublikasının Prezidenti cənab İlham Əliyevin ölkəmizin ali təhsil müəssisələri sırasında özünəməxsus yeri olan Naxçıvan Dövlət Universiteti haqqında dediyi sözlər hər birimizdə qürur hissi yaradır: “Naxçıvan Dövlət Universiteti zəngin maarifçilik ənənələrinə malik Naxçıvan diyarında yüksəkixtisaslı kadrların yetişdirilməsinə, elmi mühitin formalaşdırılmasına və bütövlükdə, regionun tərəqqisinə öz müsbət təsirini göstərmişdir. Onun məzunları bu gün Azərbaycanda milli dövlət quruculuğunun ən müxtəlif sahələrində yaxından iştirak edir, ölkəmizin iqtisadi, elmi və mədəni potensialının gücləndirilməsinə layiqli töhfələr verirlər”.

Ardını oxu...

 

“Naxçıvan” Universitetində “Müasir dünya siyasətində Azərbaycanın yeri və geosiyasi reallıqlar” mövzusunda elmi konfrans keçirilib.
Konfransı giriş sözü ilə universitetin rektoru, dosent Nurlana Əliyeva açaraq tədbirin əhəmiyyətindən danışıb. Rektor 44 günlük Vətən müharibəsindəki tarixi qələbəmizdən bəhs edərək qeyd edib ki, Azərbaycan bu gün regionda lider dövlətdir. Azərbaycan xalqı Vətən müharibəsində ordusunun və Ali Baş Komandanın ətrafında sıx birləşərək məhz bugünkü tarixi zəfəri əldə edib.

Ardını oxu...

Naxçıvan Müəllimlər İnstitutunda muxtar respublikamızın orta ümumtəhsil məktəblərində Təsviri incəsənət fənnini tədris edən müəllimlər üçün ixtisasartırma kursuna start verilib. 18-26 oktyabr tarixlərini əhatə edəcək ixtisasartırma kursunun açılış tədbirində institutun İxtisasartırma və hazırlanma üzrə prorektoru Çapay Quliyev çıxış edərək ixtisasartırma kurslarının əhəmiyyəti barədə danışıb.

Ardını oxu...

Naxçıvan Muxtar Respublikası Ali Məclisi Sədrinin “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” 2019-cu il 3 aprel tarixli Sərəncamının icrasının təmin edilməsi məqsədilə Naxçıvan Muxtar Respublikası Dövlət İmtahan Mərkəzi əməkdaşlarının Naxçıvan Dövlət Universitetinin Dövlət və bələdiyyə idarəetməsi ixtisasında təhsil alan tələbələrlə görüşü keçirilib.
Tədbirdə Naxçıvan Dövlət Universitetinin kafedra müdiri Flora Kərimova çıxışında müxtəlif ixtisasların aidiyyəti orqanlara hamiliyə verilməsinin önəmini qeyd edib. Bildirib ki, bu, ali və orta ixtisas təhsili müəssisələrində təhsil alan tələbələrin təcrübə qazanmaları, onların bacarıqlı mütəxəssis kimi yetişmələri üçün xüsusi əhəmiyyət daşıyır və yüksəkixtisaslı kadr hazırlığına böyük töhfə verir. Müasir dünyada hər bir sahədə inkişafın əsas hərəkətverici qüvvəsi ixtisaslı kadrlar hesab olunur.
Sonra Dövlət İmtahan Mərkəzinin əməkdaşları Razi Məmmədov “Azərbaycanda dövlət qulluğunun təşəkkülü və əsas tarixi mərhələləri”, Məmməd Babayev isə “Dövlət qulluğu və dövlət qulluqçusu” mövzularında hazırlanmış slaydlar vasitəsilə tələbələrə geniş məlumat veriblər.
Tədbirin sonunda tələbələri maraqlandıran suallar cavablandırılıb.

Naxçıvan Muxtar Respublikası
Dövlət İmtahan Mərkəzinin mətbuat xidməti

Naxçıvan Dövlət Universiteti Magistratura mərkəzində “Müstəqilliyimiz əbədidir, dönməzdir” adlı ədəbi-bədii kompozisiya keçirilib. Birinci kurs magistrantların təşkil etdiyi tədbirdə əvvəlcə Azərbaycan Respublikasının Dövlət Himni səsləndirilib. Şəhidlərin əziz xatirəsi bir dəqiqəlik sükutla yad edilib. Tədbirdə Müstəqilliyin Bərpası Gününə həsr olunmuş videoçarx nümayiş olunub.

Ardını oxu...

XX əsrdə Azərbaycan ədəbiyyatşünaslıq elmi özünün böyük korifeylərini yetirmişdir: Məmməd Cəfər Cəfərov, Mehdi Məmmədov, Həmid Araslı, Bəkir Nəbiyev, Əli Sultanlı, Mikayıl Rəfili, Cəfər Xəndan, Abbas Zamanov, Əziz Mirəhmədov, Yaşar Qarayev və başqalarının ədəbiyyatşünaslıq əsərləri son yüzillikdə milli ədəbiyyatşünaslıq elminin inkişafında mühüm rol oynamışdır. Bu dövrdə qədim elm və sənət mərkəzlərindən olan Naxçıvan Muxtar Respublikası da Azərbaycan ədəbiyyatşünaslıq elminin inkişafına mühüm töhfələr vermişdir. Adlarını qeyd etdiyimiz görkəmli alimlərimizdən Məmməd Cəfər Cəfərov, Abbas Zamanov, Məhəmmədhüseyn Təhmasib, Yəhya Seyidov və başqaları məhz Naxçıvan diyarında formalaşmışdılar.

Ardını oxu...

Muxtar respublikamızda bütün sahələrin inkişafı ilə yanaşı, təhsil sahəsi də yüksək qayğı ilə əhatə edilib. Bu sahədə həyata keçirilən tədbirlər gələcəyimizə hesablanmış islahatdır. Təhsil müəssisələri üçün yeni binalar tikilir, ümumtəhsil məktəbləri ən müasir informasiya və kommunikasiya texnologiyaları ilə təmin edilir. Bu gün təkcə Naxçıvan şəhərində yox, həm də bütün rayon və kəndlərimizdə belə məktəb binaları ali təhsil ocaqlarının binalarından heç də seçilməyən geniş, işıqlı, elektron lövhəli sinif otaqları, laboratoriyalar, fənn kabinələri, kompüter sinifləri, müasir idman zalları olan tədris ocaqları müəllim və şagirdlərin ixtiyarına verilir.

Ardını oxu...

Ali təhsil ocağında Elm və innovasiyalar bölməsi və Tələbə Elmi Cəmiyyətinin təşkil etdiyi 2021-2022-ci tədris ilində magistrant adını qazanmış təhsilalanlarla görüş keçirilib.
Naxçıvan Dövlət Universitetinin rektoru, dosent Elbrus İsayev ali məktəbə magistrant kimi təhsil almağa başlayanları təbrik edib və onlara uğurlar arzulayıb. Rektor bu il magistraturaya 250 yerə qarşı 226 magistrantın qəbul olduğunu bildirərək qəbul faizinin 90 faizdən artıq olduğunu qeyd edib. Diqqətə çatdırılıb ki, bu da indiyə qədər əldə olunan ən yüksək nəticədir. İxtisaslı kadrların hazırlanmasında magistr pilləsinin mühüm əhəmiyyətindən danışan rektor bu gün universitetin magistraturasını bitirən məzunların muxtar respublikanın təhsil sahəsinə mühüm töhfələr verdiyini vurğulayıb. Qeyd edilib ki, muxtar respublikada təhsilə göstərilən yüksək qayğı həm də qarşıya çox böyük məsuliyyət qoyur. Ali təhsil ocağında magistr hazırlığı sahəsində görülən işlərdən danışan Elbrus İsayev magistrantların hazırlanması sahəsində ciddi işlərin həyata keçirildiyini diqqətə çəkib. Qeyd olunub ki, universitetdə bu tədris ilindən etibarən magistr dissertasiyalarının xüsusi proqram vasitəsilə yoxlanılması həyata keçiriləcək.

Ardını oxu...

Muxtar respublikamızda milli iqtisadi inkişafa hədəflənən sənayeləşmə prosesləri yüksələn dinamika ilə davam etməkdədir. Elmə söykənən iqtisadiyyat qarşısında duran ən mühüm məsələ vaxt və məhsul itkisinə yol vermədən əmək məhsuldarlığına imkanlar açacaq istehsal proseslərinin fasiləsiz şəkildə qurulması, təminat qabiliyyətli olması və bütün tərəfləri ilə qənaətçiliyə önəm verilməsindən ibarətdir. Başqa sözlə, insanların fəaliyyətinin stimullaşdırılması, asanlaşdırılması və səmərəli təşkili mühüm məqsəd olaraq çıxış etməkdədir ki, burada da robototexnikanın rolu və önəmindən bəhs etmək yerinə düşər. Elə təsadüfi deyildir ki, qloballaşan dünya iqtisadiyyatı dayanıqlılığa və antiböhran sahəsindəki yetkinliyə meyillənməklə, eyni zamanda iqtisadi imkanlar sahəsində alternativliliyə də böyük həcmdə həm xərc nəzərdə tutur, həm də onu reallaşdırır. Bu sahədə robota dayanan avadanlıqların – robototexnikanın rolu hər addımda özünü göstərməkdədir.

Ardını oxu...

“Naxçıvan” Universitetində Turizm işinin təşkili və Turizm və otelçilik ixtisasları üzrə təhsil alan tələbələrə “Peşəkar bələdçi” təliminin I modulu keçirilib.
Tədbirdə “Naxçıvan” Universitetinin rektoru, dosent Nurlana Əliyeva çıxış edərək bildirilib ki, Naxçıvan Muxtar Respublikası Ali Məclisi Sədrinin “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” 2019-cu il 3 aprel tarixli Sərəncamına uyğun olaraq “Naxçıvan” Universitetinin Turizm işinin təşkili ixtisası Naxçıvan Muxtar Respublikasının Turizm Departamentinə hamiliyə verilib. Rektor bu gün turizmin ölkə iqtisadiyyatı üçün nə qədər vacib bir sahə olduğunu vurğulayaraq bu sahədə “Naxçıvan” Universitetində də ixtisaslı kadrlar hazırlandığını bildirib.

Ardını oxu...

AMEA Naxçıvan Bölməsində 2021-ci ilin doqquzaylıq elmi və elmi-təşkilati fəaliyyətinin yekunları ilə bağlı hesabat yığıncağı olub.
Bölmənin sədri, akademik İsmayıl Hacı­yev iclası giriş sözü ilə açaraq cari ilin doqquz ayı ərzində yerinə yetirilən işlərdən, qazanılan elmi nəticələrdən bəhs edib.
AMEA Naxçıvan Bölməsi aparatının Elm və təhsil şöbəsinin müdiri, aqrar elmlər üzrə fəlsəfə doktoru, dosent Orxan Bağırov bölmənin cari ilin doqquz ayı ərzində göstərdiyi elmi və elmi-təşkilati fəaliyyəti ilə bağlı məruzə edib. O bildirib ki, AMEA Naxçıvan Bölməsi hesabat dövrü ərzində Naxçıvan Muxtar Respublikası Ali Məclisinin və Nazirlər Kabinetinin, Azərbaycan Milli Elmlər Akademiyası Rəyasət Heyətinin verdiyi tapşırıq və tövsiyələri layiqincə yerinə yetirməyə çalışıb. Elmi tədqiqatlar 2 akademik, 4 müxbir üzv, 4 elmlər doktoru, 50 fəlsəfə doktoru, 30 doktorant və dissertantın iştirakı ilə davam etdirilib.

Ardını oxu...

“Naxçıvan Muxtar Respublikası Ali Məclisi Sədrinin diqqət və qayğısı ilə muxtar respublikada təhsilin inkişafı istiqamətində mühüm işlər görülmüş, müasir standartlara cavab verən təhsil müəssisələri tikilmiş, həmin müəssisələrin maddi tədris bazası möhkəmləndirilmiş, infrastrukturu yenilənmişdir. Məhz “Naxçıvan” Universiteti də bu diqqət və qayğıdan öz payını almışdır”.

Ardını oxu...

Naxçıvan Muxtar Respublikasında aparılan genişmiqyaslı işlər sırasında elmə, o cümlədən tarix və mədəniyyətimizin öyrənilməsinə diqqət və qayğı xüsusi yer tutur. Buna görə də elmi-tədqiqat işləri genişlənir, aparılan tədqiqatların səmərəliliyi artır, nəticədə, bölgə tarixinin müxtəlif problemləri ilə əlaqədar çoxlu əsərlər yazılır. Azərbaycan xalqının ümummilli lideri Heydər Əliyevin Sərəncamı ilə Azərbaycan Milli Elmlər Akademiyası Naxçıvan Bölməsi yaradıldıqdan sonra bu iş daha sistemli şəkil almış, müxtəlif istiqamətlərdə elmi-tədqiqat işləri aparılmağa başlanılmışdır. Bu işlərin nəticələri nəşr olunan kitab və monoqrafiyalarda, məqalələrdə öz əksini tapır. Muxtar respublikada yazılan kitab və monoqrafiyaların nəşri məsələsi də yüksək səviyyədə həll olunmuşdur. Hazırda muxtar respublikada yaradılan münbit şərait, xüsusilə “Əcəmi” Nəşriyyat-Poliqrafiya Birliyi kimi möhtəşəm nəşriyyatın fəaliyyəti kitab nəşrinin yüksək səviyyədə həyata keçirilməsinə imkan verir. Bu günlərdə Azərbaycanşünaslığın tərkib hissəsi kimi Naxçıvanşünaslıq elmi xəzinəsi yeni bir sanballı əsər ilə zənginləşmişdir. Akademik İsmayıl Hacıyevin “Araz-Türk Cümhuriyyəti” kitabı “Əcəmi” Nəşriyyat-Poliqrafiya Birliyində nəşr olunaraq elmi dövriyyəyə daxil edilmişdir. 

Ardını oxu...

Muxtar respublikanın ali təhsil ocaqlarında 5 oktyabr – Beynəlxalq Müəllimlər Gününə həsr olunmuş tədbirlər keçirilib.
Naxçıvan Dövlət Universitetində keçirilən tədbiri giriş sözü ilə açan universitetin rektoru, dosent Elbrus İsayev qeyd edib ki, Beynəlxalq Müəllimlər Günü həyatını xalqın işıqlı gələcəyinə həsr edən müqəddəs peşə sahiblərinin bayramıdır. Ümummilli lider Heydər Əliyev Azərbaycana rəhbərlik etdiyi bütün illərdə müəllim əməyini yüksək qiymətləndirib, onlara böyük hörmətlə yanaşıb, təhsil işçilərinin maddi vəziyyətinin, rifah halının yaxşılaşdırılmasının qayğısına qalıb. Vurğulanıb ki, ölkəmizdə son illərdə təhsilin inkişafı ilə bağlı həyata keçirilən kompleks tədbirlər ölkə Prezidenti cənab İlham Əliyevin bu amili dövlət siyasətinin mühüm prinsipləri sırasına daxil etməsini bir daha təsdiq edir. Ölkəmizdə təhsilin inkişafının dövlət siyasətinin prioritet istiqamətlərindən birinə çevrilməsinin nəticəsidir ki, bu sahədə mühüm Dövlət pro­qramları icra olunur və kompleks tədbirlər həyata keçirilir. Rektor Beynəlxalq Müəllimlər Günü münasibətilə bütün müəllimləri təbrik edib, onlara pedaqoji və elmi fəaliyyətlərində uğurlar arzulayıb.

Ardını oxu...

“Naxçıvan” Universitetində pedaqoji profilli ixtisaslarda təhsil alan tələbələrlə təcrübəqabağı konfrans keçirilib. Konfransda universitetin rektoru, dosent Nurlana Əliyeva çıxış edərək Naxçıvan Muxtar Respublikası Təhsil Nazirliyinin hamiliyinə verilmiş Azərbaycan dili və ədəbiyyat, Tarix, Coğrafiya, informatika, xarici dil müəllimliyi, Riyaziyyat və informatika müəllimliyi ixtisaslarının müvafiq kurs tələbələri ilə keçirilən təcrübəqabağı konfransın əhəmiyyətindən danışıb.
Konfransda Naxçıvan Muxtar Respublikasının təhsil naziri Rəhman Məmmədov qeyd edib ki, “Naxçıvan” Universitetində yaradılan müasir təhsil və yüksək sosial məişət şəraitinin nəticəsidir ki, ötən il məzunlardan ixtisas seçimi zamanı bu təhsil ocağına üstünlük verənlər çoxluq təşkil edib.

Ardını oxu...

Oktyabrın 5-də Naxçıvan Muxtar Respublikası Təhsil Nazirliyi tərəfindən 5 oktyabr – Beynəlxalq Müəllimlər Günü və “Naxçıvan Gənc Müəllimlər Assosiasiyası” İctimai Birliyinin təsis edilməsi ilə bağlı konfrans keçirilib.
Konfransı giriş sözü ilə açan təhsil naziri Rəhman Məmmədov Naxçıvan Muxtar Respublikası Ali Məclisi Sədrinin “Əməkdar müəllim” fəxri adının verilməsi haqqında 2021-ci il 4 oktyabr tarixli Sərəncamı ilə konfrans iştirakçılarını tanış edib, müəllim əməyinə verdiyi qiymətə görə minnətdarlığını bildirib, təltif olunan müəllimləri, həmçinin konfrans iştirakçılarını Beynəlxalq Müəllimlər Günü münasibətilə təbrik edib.

Ardını oxu...

Hər il oktyabrın 5-i “Beynəlxalq Müəllimlər Günü” kimi qeyd olunur.
Bir xalqın, millətin formalaşmasının əsas mənbəyi elm və təhsildirsə, elmin inkişaf etdirilməsinin, müxtəlif istiqamətlərdə və peşələrdə xalqa layiqli vətəndaşlar yetişdirilməsində əldə olunan nailiyyətlərin mənbəyi isə məhz müəllimdir. Müəllimin verdiyi bilik sayəsində cəmiyyətdə təhsil, təhsildən isə inkişaf doğulmuşdur. Azərbaycan xalqının təfəkküründə müəllim adı hər zaman ziyalılıq və mənəvi saflıq rəmzi olmuş, bu şərəfli peşə sahiblərinin əməyi həmişə yüksək qiymətləndirilmişdir.

Ardını oxu...

Müəllim… İlk baxışda sadə bir peşəni xatırlatsa da bu söz, dərin bir məna kəsb edir, əslində. Elə bir məna ki onu Platon “Tanrının şah əsəri” olaraq dəyərləndirib, Henri Bruks Adams isə “əbədiyyətə hökm edən insan”. Məhəmməd Peyğəmbər bilik öyrətməyi hər cür ibadətdən üstün sayıb, Həzrəti Əli isə “mənə bir hərf öyrədənin qulu olmağa hazıram”, – deyib. Nizami Gəncəvi müəllimi Günəşə bənzədib, Viktor Hüqo isə insanları aydınlığa çıxaran işığa… Daha kimlər, kimlər müəllimlə bağlı dahiyanə fikirlər səsləndirib. İnsan həyatında, mənəviyyatında, insani keyfiyyətlərin formalaşmasında müəllimin əvəzolunmaz əməyi, zəhməti var. Çünki əsl müəllim təkcə bilik verən deyil, məşhur rus yazıçısı Nikolay Vasilyeviç Qoqolun da dediyi kimi, ruhu tərbiyə edəndir...

Ardını oxu...

AMEA Naxçıvan Bölməsində çalışan gənc əməkdaşlarla görüş keçirilib. Bölmənin sədri, akademik İsmayıl Hacıyev yığıncaqda çıxış edərək 21 sentyabr 2021-ci il tarixdə keçirilən müşavirədən irəli gələn vəzifələrlə bağlı gənc tədqiqatçıları məlumatlandırıb.

Ardını oxu...

“ Naxçıvan” Universitetində, “Uğura doğru” layihəsi çərçivəsində “Motivasiya Forumu – 2021” adlı forum keçirilib. Forumda motivator olaraq Naxçıvan Sahibkarlar Konfederasiyasının sədri, “Cahan” Holdinq KŞİ-nin prezidenti Vüqar Abbasov iştirak edib. Forumun keçirilməsində əsas məqsəd gənclərə yaradılan şəraitdən və onlara verilən imkanlardan düzgün faydalanaraq öz bacarıq və qabiliyyətlərini inkişaf etdirmək, biznes sahəsində hədəfləri düzgün seçmək və bütün şəraitdə uğurlu nəticələr əldə etməyin yollarını aşılamaqdır.

Ardını oxu...

Həmkarımız Rauf Əliyev 7 ilə yaxın bir müddətdə doğma “Şərq qapısı” qəzetində çalışıb, öz zəhmətkeşliyi ilə kollektivin hörmətini qazanıb. O, Azərbaycan Dövlət İnformasiya Agentliyinin (AZƏRTAC) Naxçıvan bürosunun rəhbəri kimi muxtar respublika ilə bağlı informasiyaların mərkəzi informasiya agentlikləri vasitəsilə ölkə ictimaiyyətinə operativ və dolğun çatdırılması istiqamətində səmərəli fəaliyyət göstərir, təcrübəli jurnalist kimi gənc əməkdaşların yetişməsində fəallıq göstərib. Öz üzərinə düşən vəzifələrin yerinə yetirilməsinə məsuliyyətlə yanaşıb.

Ardını oxu...

Naxçıvan Muxtar Respublikası Ali Məclisi Sədrinin “Naxçıvan Muxtar Respublikasında STEAM təhsil metodunun tətbiqi ilə bağlı tədbirlər haqqında” 2021-ci il 7 iyun tarixli Sərəncamı ilə muxtar respublikanın təhsil müəssisələrində STEAM təhsilinin tətbiqi sahəsində işlər davam etdirilir. Görülən tədbirlərin davamı olaraq ümumtəhsil məktəbləri ilə yanaşı, Naxçıvan Dövlət Texniki Kollecində də STEAM kabinəsi yaradılmış, sentyabrın 22-də həmin kabinənin təqdimatı keçirilib.

Ardını oxu...

Dünən Naxçıvan Muxtar Respublikası Gənclər Fondunda sağlamlıq imkanları məhdud gənc yazıçı Nail Nəvainin fondun dəstəyi ilə nəşr olunmuş “Rəngli xəyallar” kitabının təqdimat mərasimi keçirilib.

Ardını oxu...

Muxtar respublikamızın tanınmış ali təhsil ocaqlarından olan “Naxçıvan” Universiteti dünya təcrübəsindən yararlanaraq təhsilin keyfiyyətini yüksəltmək və ümumilikdə, Azərbaycanda bu prosesin həyata keçirilməsinə dəstək olmaq məqsədilə üzərinə düşən vəzifəni layiqincə yerinə yetirməyə çalışır. Qeyd edək ki, qədim diyarda təhsil sahəsinə göstərilən diqqətdən “Naxçıvan” Universiteti də öz payını alıb. Burada müasir şərait yaradılıb, ali təhsil ocağının maddi-texniki bazası gücləndirilib. Universitetdə Keyfiyyət Təminatı Mərkəzi yaradılıb.

Mərkəzin yaradılmasında məqsəd tələbəyönümlülük, tədrisdə və öyrənmədə geridönümlülük və rəy mexanizmlərinin formalaşdırılması və istər akademik, istərsə də inzibati heyətin peşəkarlığının təmin olunmasından ibarətdir. Universitetin beynəlmiləlləşməyə və beynəlxalq keyfiyyət standartlarına nail olmağa olan böyük istəyini nəzərə alaraq bu yöndə addımların atılması zərurətindən, həmçinin qarşıya qoyulan məqsədlərin müəyyənləşdirilməsi, həmin məqsədlərə nail olunması, habelə universitetin davamlı inkişafının təmin edilməsi məqsədilə keyfiyyət təminatı sisteminin qurulması məqsədəuyğundur. “Naxçıvan” Universiteti uğurlu keyfiyyət təminatı sistemi yaradılması ilə universitetin beynəlxalq keyfiyyət standartlarına uyğunluğunun təmin edilməsinə, təhsilin keyfiyyətinin yüksəldilməsinə, əmək bazarı üçün yüksək səviyyəli mütəxəssislərin hazırlanması, idarəçiliyin keyfiyyətinin yüksəldilməsinə, universitet daxilində hesabatlılığın və davamlı monitorinqin təmin olunmasına, universitetin cəmiyyətə verdiyi töhfələrin artırılmasına nail olmağı hədəfləyir.

“Naxçıvan” Universitetinin mətbuat xidməti

 

 

 

Ölkəmizdə təhsilin inkişafı sahəsində yaranmış ənənələrin milli məqsədə yönəldilməsi, bu ənənələrin müasir dövrün tələbləri səviyyəsində inkişafı  müstəqil Azərbaycan dövlətinin memarı və qurucusu, ulu öndər Heydər Əliyevin adı ilə bağlıdır. “Bizim gördüyümüz işlər, təhsil sahəsində həyata keçirdiyimiz islahatlar Azərbaycan dövlətini daha da yüksəltməyə yönəldilibdir”, – deyən görkəmli dövlət xadiminin ötən əsrin 70-ci illərində müəyyənləşdirdiyi təhsil strategiyası ölkəmizdə bu sahənin davamlı inkişafının təməlini yaradıb, müstəqillik illərində isə təhsillə bağlı daha geniş islahatlar həyata keçirilib,  təhsil yeni inkişaf mərhələsinə qədəm qoyub.

Ardını oxu...

Salam olsun ruhuna, Azərbaycanın ölməz şairi Nizami Gəncəvi! Salam olsun o müqəddəs ruhuna ki özündən sonra qoyub getdiyin iz heç bir zaman silinməyəcək. Dahi Nizami, ruhun xəbər gətirmişdir sənə 2021-ci ilin “Nizami Gəncəvi ili” elan olunduğundan. Bununla bağlı imzalanmış Sərəncamda deyilir: “Dünya ədəbiyyatının görkəmli nümayəndəsi, dahi Azərbaycan şairi Nizami Gəncəvi bəşəriyyətin bədii fikir salnaməsində yeni səhifə açmış nadir şəxsiyyətlərdəndir. Nəhəng sənətkarın xalqımızın mənəvi həyatının ayrılmaz hissəsinə çevrilmiş parlaq irsi əsrlərdən bəri Şərqin misilsiz mədəni sərvətlər xəzinəsində özünəməxsus layiqli yerini qoruyub saxlamaqdadır”.

Ardını oxu...

Təhsil millətin gələcəyidir

   Ölkəmizdə, eləcə də onun ayrılmaz hissəsi olan muxtar respublikamızda təhsilə göstərilən diqqət onun dinamik inkişafını təmin etməklə yanaşı, həm də gənclərimizin gələcək uğurlarının ən gözəl təminatçısıdır. Yurdumuzun bütün yaşayış məntəqələrində gənclərin inkişafı üçün təhsil sisteminin dövrün tələblərinə uyğun qurulması, formalaşması yüksək təhsil strategiyasının uğurlu inkişafından xəbər verir. Belə ki, lazımi avadanlıqlarla təchiz edilmiş yaraşıqlı məktəb binalarında ən müasir tədris resurslarının, informasiya və kommunikasiya texnologiyalarının istifadəyə verilməsi, o cümlədən ayrı-ayrı sahələr və fənlər üzrə yeni standartların tətbiq olunması ilbəil artan uğurlarla, ölkəmizə müsbət nəticələr qazandırmaqda davam edir. Bu mənada, sözügedən inkişaf və tərəqqidən lazımi səviyyədə bəhrələnən gənclərimiz istər ailəsinə, istər Vətəninə, istərsə də təhsil aldığı məktəbə böyük sevinc, xoşbəxtlik bəxş edir. Eynilə Naxçıvan şəhər 11 nömrəli tam orta məktəbin məzunları kimi. Diqqətə çatdıraq ki, artıq iki ildir, ali məktəblərə keçirilən qəbul imtahanlarında şəhərimizdəki 17 ümumtəhsil məktəbi sırasında öz şagirdlərinin uğurlu nəticələri ilə 11 nömrəli məktəb muxtar respublika birinciliyi qazanıb. Elə biz də həmin təhsil ocağının peşəkar müəllim kollektivi ilə yaxından tanış olmaq, yüksək nəticə əldə etməklə ailələrinə sevinc bəxş edib tələbə adını qazanan gənclərimizdən  uğurlarının sirrini öyrənmək üçün sözügedən ünvanın yolunu tutduq.

Ardını oxu...

Türkiyə Texnologiya Komandası Vəqfi və Türkiyə Respublikasının Sənaye və Texnologiya Nazirliyi tərəfindən 21-26 sentyabr tarixlərində aviasiya, kosmos və texnologiya festivalı –“TEKNOFEST – 2021” keçirilib. İstanbul şəhərində 84 ölkənin iştirakı ilə keçirilən “TEKNOFEST – 2021”də ilk dəfə olaraq Naxçıvan Muxtar Respublikasından da nümayəndə heyəti iştirak edib. Festivalda iştirak edən Naxçıvan Muxtar Respublikasının təhsil naziri Rəhman Məmmədov və Əlahiddə Ümumqoşun Ordunun zabiti, general-mayor Rəhim Cəfərov səfər çərçivəsində Türkiyə Respublikasının sənaye və texnologiyalar naziri Mustafa Varank və Türkiyənin “Baykar” şirkətinin texniki direktoru Selçuk Bayraktarla görüşüb, festivalda sərgilənən STEAM layihələri ilə tanış olublar.

Ardını oxu...

Sentyabrın 27-də muxtar respublikanın ümumtəhsil məktəbləri ilə Xatirə Muzeyi arasında 27 sentyabrAnım Günü ilə bağlı interaktiv dərs keçirilib.

İnteraktiv dərsi Naxçıvan şəhər 5 nömrəli məktəbin tarix müəllimi Şəhla Əliyeva aparıb. Bildirilib ki, 2021-2022-ci tədris ilindən muxtar respublikanın ümumi təhsil müəssisələrinin IX siniflərində “Zəfər tarixi” tədris olunur. Şəhla Əliyeva qələbə qazandığımız 44 günlük vətən müharibəsi barədə şagirdlərə ətraflı məlumat verib.

Ardını oxu...

Naxçıvan Dövlət Universitetində Memarlıq və mühəndislik fakültəsinin dekanı, Elektronika və informasiya texnologiyaları kafedrasının professoru Cavanşir Zeynalovun “Robototexnikanın əsasları” adlı dərs vəsaitinin təqdimatı keçirilib.

Ardını oxu...

Son illərdə Kəngərli rayonunda təhsil müəssisələrinin yenidən qurulması, onların zəruri avadanlıq və informasiya-kommunikasiya texnologiyaları ilə təmin olunması təhsilin səviyyəsinin yüksəlməsinə imkan vermiş, yeni uğurların qazanılmasına şərait yaratmışdır. Ötən illərdə olduğu kimi, 2020-2021-ci tədris ilində də Kəngərli rayonunun tam orta məktəblərini bitirən məzunlar uğurlu nəticələr əldə etmişlər. Qəbul imtahanlarında yüksək nəticə göstərmiş məzunlar artıq ali məktəb auditoriyalarında həvəslə elmin sirlərinə yiyələnəcəklər. Biz də onların sevincini oxucularımızla bölüşürük.

Ulxansoy Sərvan Mərdan oğlu: – Kəngərli rayonunun Xok kəndində böyüyüb boya-başa çatmışam. Elə ilk təhsilimi də doğma kəndimizdəki tam orta məktəbdə almış və bu il həmin məktəbin XI sinfini xüsusi nailiyyətlərlə başa vuraraq, “Gümüş” nişanla təltif olunmuşam. Qəbul imtahanlarında III ixtisas qrupu üzrə iştirak edərək 650,8 bal toplamışam. Əldə etdiyim nəticə ilə uşaqlıqdan bəri hüquqşünas olmaq istəyimi gerçəkləşdirmişəm. Təhsilimi Naxçıvan Dövlət Universitetində Hüquq ixtisası üzrə davam etdirəcəyəm.

Ardını oxu...

Məlum olduğu kimi, Naxçıvan Muxtar Respublikası Ali Məclisi Sədrinin 2017-ci il 28 avqust tarixli Sərəncamı ilə  “Oxunması zəruri olan kitabların Siyahısı” təsdiq olunmuşdur. Ötən dövrdə həmin kitablar nəşr olunaraq muxtar respublikamızın bütün ümumtəhsil məktəblərinin kitabxanalarına verilmiş, oxunması zəruri olan kitablardan ibarət guşələr yaradılmışdır. Siyahıda diqqəti cəlb edən kitablardan biri də “Pedaqoji fikir tarixindən” kitabıdır. Bu kitab da Naxçıvan Muxtar Respublikası Ali Məclisi Sədrinin tövsiyəsi ilə yenidən nəşr olunmuş və muxtar respublikanın bütün ümumtəhsil məktəblərinin kitabxanalarına və pedaqoji heyətinə hədiyyə edilmişdir.

Ardını oxu...

Naxçıvan Muxtar Respublikası Nazirlər Kabinetinin “Naxçıvan Muxtar Respublikasında müəllimlərin dövlət musiqi təhsili müəssisələrinə işə qəbulu, bilik və bacarıqlarının qiymətləndirilməsinin aparılması Qaydaları”nın təsdiq edilməsi haqqında 8 may 2019-cu il tarixli qərarına uyğun olaraq sentyabrın 22-dən başlayaraq müəllimlərin dövlət musiqi təhsili müəssisələrinə işə qəbulu müsabiqəsinin müsahibə mərhələsinə start verilib

Ardını oxu...

Naxçıvan Dövlət Universitetində “Şərq qapısı” qəzetinin baş redaktoru, Jurnalistika və xarici ölkələr ədəbiyyatı kafedrasının dosenti Mehriban Sultanın “Müasir Naxçıvan” adlı dərs vəsaitinin təqdimatı keçirilib.

Ardını oxu...

“Şərq qapısı” – 100

Birəsrlik tarixi olan və 100 illik yubileyinə hazırlaşdığımız muxtar respublikamızın bütün sahələrini özündə əks etdirən “Şərq qapısı” qəzetində müxtəlif dövrlərdə bir-birindən dəyişik qələm sahibləri fəaliyyət göstərmişdir. Onlardan biri də haqqında danışacağım babam Məmməd Rzayevdir.

Ardını oxu...

Naxçıvan Muxtar Respublikası Təhsil Nazirliyi tərəfindən sentyabrın 21-də Naxçıvan Texniki Peşə və Sürücülük Məktəbində təhsil müəssisələrində qurulan STEAM kabinələri üçün alınan avadanlıqların təqdimatı keçirilib.

Ardını oxu...

“Şərq qapısı” – 100

(“Şərq qapısı”nın materialları əsasında)


“Mən həmişə Naxçıvanda təhsil aldığım illəri xatırlayıram. Bu illər mənim yaddaşımdan heç vaxt silinməyəcək. Mən burada mükəmməl təhsil almışam, özü də elə həvəs və aludəçiliklə oxumuşam ki, sonralar digər ali təhsil müəssisələrində oxumaq mənim üçün çətin olmayıb” – Təhsil sahəsini xalqımızın bu günü, millətimizin, dövlətimizin gələcəyi üçün ən vacib bir sahə kimi qiymətləndirən ulu öndərimiz Heydər Əliyev ölkəmizə istər birinci, istərsə də ikinci rəhbərliyi dövründə digər bütün sahələr kimi elm və təhsil sahəsini də daim diqqət mərkəzində saxlamışdır. Muxtar respublikamızda elm və təhsil sahəsində qazanılan nailiyyətlərdə görkəmli dövlət xadiminin böyük payı olmuşdur. Onun Naxçıvanda yaşayıb fəaliyyət göstərdiyi 1990-1993-cü illər ağır blokada vəziyyətində olan diyarımızda elm və təhsil sahəsində də dirçəlişə səbəb olub. 

Ardını oxu...

AMEA Naxçıvan Bölməsində AMEA-nın müxbir üzvü, professor Kərim Kərimovun anadan olmasının 100 illiyi münasibətilə “Sənətşünaslıq elminin görkəmli siması” mövzusunda elmi konfrans keçirilib.

Ardını oxu...

Dünən “Naxçıvanın səsi” radiosunun 20 illiyi və Naxçıvan Muxtar Respublikası Təhsil Nazirliyinin Televiziya və Radio Verilişləri Redaksiyasına alınan yeni avadanlıqların təqdimatı ilə bağlı tədbir keçirilib.

Ardını oxu...

Universitetin Konservatoriyasında açıq havada yeni yaradılan Tələbə simfonik orkestrnin Milli Musiqi Günü ilə bağlı keçirilən konsertindəgiriş sözü iləçıxış edən universitetin rektoru Elbrus İsayev Azərbaycan musiqisinin klassiki, opera sənətimizin banisi, görkəmli alim, dramaturq, pedaqoq və ictimai xadim olan Üzeyir Hacıbəylinin milli musiqimizin inkişafındakı misilsiz xidmətlərindən danışıb. Bildirlib ki, Azərbaycan musiqisinin klassiki Üzeyir Hacıbəylinin milli musiqi mədəniyyətinin inkişafında görkəmli ictimai xadim, dramaturq, alim, folklorşünas, pedaqoq kimi əvəzsiz rolu olub. Rektor qeyd edib ki, Azərbaycanda, eləcə də müsəlman Şərqində ilk Ali musiqi təhsil ocağı Konservatoriyanın 1921-ci ildə Üzeyirbəyin sayəsində yaradıldığını qeyd edərək universitetdə fəaliyyət göstərən Konservatoriyanın muxtar respublikada musiqiçi kadrların yetişməsində müstəsna rola malik olduğunu diqqətə çəkib. Bundan başqa universitetin nəzdində fəaliyyət göstərən Musiqi Kolleci də peşəkar musiqiçi kadrların yetişməsinə zəmin yaradacaq-deyən Elbrus İsayev universitetdə bütün sahələrdə olduğu kimi musiqi sahəsindəki uğurlardan danışıb və İncəsənət fakültəsində yaradılan orkestrların milli musiqimizin inkişafında öz səylərini göstərdiyini bildirib. Rektor eyni zamanda vurğulayıb ki, Respublikamızda hər il bəstəkarın sənət dünyasına həsr olunan mühüm tədbirlər keçirilir. Bu tədbirlər silsiləsi universitetdə də layiqincə davam etdirilir.

Ardını oxu...

Təhsil millətin gələcəyidir


Azərbaycanda dövlət müstəqilliyi əldə edildikdən sonra Naxçıvan Muxtar Respublikasında bütün sahələrdə olduğu kimi, təhsil sahəsi də dövlət qayğısı ilə əhatə edilmişdir. Təhsil sahəsindəki inkişafın, təhsilə dövlət qayğısının ən bariz nümunəsi isə Naxçıvan Dövlət Universitetidir. 1967-ci ildə Azərbaycan Dövlət Pedaqoji İnstitutunun Naxçıvan filialı kimi fəaliyyətə başlayan ali təhsil ocağı böyük inkişaf yolu keçmişdir. 1972-ci ildə ümummilli liderimiz Heydər Əliyevin qərarı ilə filialın bazasında Naxçıvan Dövlət Pedaqoji İnstitutu yaradılmış, 1990-cı ildə isə institut Naxçıvan Dövlət Universiteti adlandırılaraq pedaqoji profilli dövlət universitetinə çevrilmişdir. 

Ardını oxu...

AMEA Naxçıvan Bölməsində akademik İsmayıl Hacıyevin müəllifi olduğu “Araz-Türk Cümhuriyyəti” kitabının təqdimatı keçirilib.

Ardını oxu...

ARXİV

Oktyabr 2021
Be Ça Ç Ca C Ş B
27 28 29 30 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

MÜƏLLİFLƏR

KEÇİDLƏR