14 Dekabr 2019, Şənbə

Son illərdə muxtar respublika ümumtəhsil məktəblərində oxuyan şagirdlərin bilik və bacarıqlarının üzə çıxarılması istiqamətində müxtəlif tədbirlər keçirilir. Bu tədbirlərdən biri də olimpiadalardır. Muxtar respublika və respublika fənn olimpiadaları istedadlı şagirdlərin üzə çıxarılmasında mühüm rol oynayır.

 Şagirdlərin Beynəlxalq səviyyəli olimpiadalarda özlərini sınamaları da diqqətdə saxlanılır. Bu məqsədlə noyabrın 16-da muxtar respublikada ilk dəfə olaraq Beynəlxalq Riyaziyyat Olimpiadası keçirilib. Olimpiadanın keçirilməsində məqsəd istedadlı şagirdlərin üzə çıxarılması və onların potensialının inkişaf etdirilməsidir.

VII, VIII və IX sinif şagirdləri üçün keçirilən olimpiadada Heydər Əliyev adına tam orta məktəbdən 8, Naxçıvan Qızlar Liseyindən 10, Şərur şəhər Fizika-Riyaziyyat Təmayüllü Liseydən 15, Naxçıvan Qarnizonu tam orta məktəbindən 6, Naxçıvan Şəhər ümumtəhsil məktəblərindən100 olmaqla, ümumilikdə 139 nəfər iştirak edib. Bunlardan 45-i VII, 50-si VIII, 44-ü isə IX sinif şagidləridir.Olimpiada iştirakçıları test formatında 25 sualı 60 dəqiqə ərzində cavablandırıblar.

 Olimpiadada yüksək nəticə əldə edən hər bir şagirdə və həmin şagirdlərin oxuduğu məktəbə beynəlxalq sertifikat təqdim ediləcəkdir.

Qeyd edək ki, Beynəlxalq Riyaziyyat Olimpiadası Amerika Riyaziyyatçılar Assosiasiyası tərəfindən təşkil olunur  və dünyanın 70-dən çox ölkəsində keçirilir. Azərbaycanda isə bu olimpiada Azərbaycan Respublikasi Təhsil Nazirliyi tərəfindən keçirilir.

                                                     Naxçıvan Muxtar Respublikası

Təhsil Nazirliyinin mətbuat xidməti

ARXİV

Dekabr 2019
Be Ça Ç Ca C Ş B
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

MÜƏLLİFLƏR

KEÇİDLƏR