05 Avqust 2020, Çərşənbə

Naxçıvan Dövlət Universitetində “Ekoloji tarazlığın qorunub saxlanılmasına müasir baxış : Problemlər, faktlar, təkliflər” mövzusunda onlayn respublika elmi konfransı keçirilib. Tədbirdə giriş sözü ilə çıxış edən univеrsitеtin rektoru Elbrus İsayev bildirib ki, ölkəmizdə təbii ehtiyatlardan səmərəli istifadə və ekoloji tarazlığın qorunması istiqamətində görülən tədbirlərdən danışıb. Qeyd olunub ki, muxtar respublika ərazisində də ekoloji tarazlığın qorunması, əlverişli ekoloji mühitin yaradılması, insanların sağlam ətraf mühitdə yaşamasının təmin edilməsi məqsədilə uğurlu sosial-ekoloji siyasət həyata keçirilir. Rektor universitetdə Ekologiya mühəndisliyi, Meliorasiya və su təsərrüfatı tikindisliyi mühəndisliyi ixtisasları üzrə bakalavr, magistr, doktorant hazırlığının həyata keçirilməsindən danışıb. Diqqətə çatdırılıb ki, ali təhsil ocağında yaradılan müasir tədris şərait gələcək təcrübələrin, tədqiqatların aparılması üçün mühüm elmi-təcrübi əhəmiyyətə malikdir.

 

AMEA Həsən Əliyev adına Coğrafiya İnstitutunun direktoru, akademik Ramiz Məmmədov“Azərbaycanın su ehtiyatlarının və iqlim dəyişmələrinin dayanıqlı inkişafa təsiri”adlı çıxışında ölkəmizdə su ehtiyatlarının azalmasının iqlim dəyişmələrinə təsirinin aradan qaldırılması üçün üzrə ölkəmizdə bir sıra tədbirlər müəyyənləşdirilib. Akademik vurğulayıb ki, su ehtiyatının tükənməsinə yol verilməmək üçün çaylar mühafizə olunmalı, onların ekoloji axını bərpa olunmalı, yaşıl texnologiyaların, eyni zamanda suya qənaetedici texnologiyaların geniş tətbiqinə üstünlük verilməli, sudan qənaətlə, lazım gəldikdə təkrar istifadə edilməlidir.

AMEA-nın müxbir üzvü, Torpaq və Aqrokimya İnstitutunun direktoru, aqrar elmlər üzrə elmlər doktoru, professor Əlövsət Quliyev “Naxçıvan Muxtar Respublikasında torpaq ehtiyatlarından istifadə zamanı suvarma və su problemləri” mövzusunda çıxışında qeyd edib ki, muxtar respublikada suvarma problemləri bir çox üsulla həll edilir, qapalı suvarma şəbəkəsi, subartezian quyuları və kəhrizlərdən yararlanılır. Muxtar respublikada sudan səmərəli istifadə olunması, torpaqların münbitliyinin qorunması, şoranlaşma və eroziyaya qarşı mübarizə aparılması, relyefi müxtəlif olan ərazilərdə düzgün suvarma tədbirlərinin icra edilməsi məqsədilə 2007-ci ildən damcı üsulu ilə suvarma sisteminə üstünlük verilir. Müsbət haldır ki, son dövrlər muxtar respublikda xeyli bərpa işləri aparılıb, yeni-yeni meyvə bağları və meşə-parklar yaradılıb. Nəticədə Naxçıvan şəhəri MDB ölkələri içərisində təmiz şəhərlər siyahısına düşüb.

Onlayn konfransda “Coğrafiya” kafedrasının müdiri, coğrafiya üzrə fəlsəfə doktoru, dosent Əli Həsənovun, Ekoloji və Təbii Sərvətlər Nazirliyinin Ətraf mühit və təbii sərvətlərdən istifadənin dövlət nəzarəti şöbəsinin müdiri  Azər Məmmədovun  da çıxışları dinlənilib.

Səadət Əliyeva

ARXİV

Avqust 2020
Be Ça Ç Ca C Ş B
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

MÜƏLLİFLƏR

KEÇİDLƏR