30 Noyabr 2021, Çərşənbə axşamı

Naxçıvan Müəllimlər İnstitutunda muxtar respublikamızın orta ümumtəhsil məktəblərində Təsviri incəsənət fənnini tədris edən müəllimlər üçün ixtisasartırma kursuna start verilib. 18-26 oktyabr tarixlərini əhatə edəcək ixtisasartırma kursunun açılış tədbirində institutun İxtisasartırma və hazırlanma üzrə prorektoru Çapay Quliyev çıxış edərək ixtisasartırma kurslarının əhəmiyyəti barədə danışıb.

Naxçıvan Muxtar Respublikası Təhsil Nazirliyinin şöbə müdiri Abdulla Əsgərov çıxışında bildirib ki, dövlətimizin qayğısı və diqqəti nəticəsində muxtar respublikamızda kadrların ixtisas səviyyəsinin yüksəldilməsi diqqət mərkəzində saxlanılır, bu istiqamətdə məqsədyönlü tədbirlər görülür.
Sonra müdavimlər institutun Təsviri incəsənət müəllimliyi ixtisası tələbələrinin rəsm əsərləri və əl işlərindən ibarət sərgiyə baxıblar.
Qeyd edək ki, ixtisasartırma kursunda bir sıra mövzularda təlimlərin keçirilməsi planlaşdırılıb. İlk dərs İncəsənət kafedrasının müdiri, sənətşünaslıq üzrə fəlsəfə doktoru, Əməkdar rəssam Həbibə Allahverdiyevanın və kafedranın baş müəllimi Ləman Məmmədovanın təqdimatında olub.

Naxçıvan Müəllimlər İnstitutunun
mətbuat xidməti

ARXİV

Noyabr 2021
Be Ça Ç Ca C Ş B
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

MÜƏLLİFLƏR

KEÇİDLƏR