19 Fevral 2020, Çərşənbə

“İRS-Herıtage” beynəlxalq jurnalın növbəti sayında AMEA Naxçıvan Bölməsinin Tarix, Etnoqrafiya və Arxeologiya İnstitutunun Qafqaz tarixi şöbəsinin müdiri, tarix üzrə fəlsəfə doktoru, dosent Emin Şıxəliyevin “Xristianlığın ilk şəhid milləti ermənilərdirmi?” mövzusunda məqaləsi dərc ­olunub.
Rus dilində çap olunan məqalədə “böyük erməni tarixi”ni yaratmaq üçün “Nuhun nəvələri və varisləri”, “vəd olunmuş torpaqlar”, “yer üzünün ilk xristian etnosu və dövləti” kimi iddialar ortaya atan, tarixlərini real olaraq deyil, görmək istədikləri kimi dəyişdirməyə çalışan saxtakar erməni yalanlarından bəhs edilir.
Qeyd olunur ki, erməni iddialardan biri də “xris­tianlığın ilk şəhid milləti” iddiasıdır ki, bu da 1915-ci il hadisələrini müsəlman-xristian toqquşması kimi bütün dünya ictimaiyyətinə təhrif olunmuş şəkildə ­tanıtmaqdır.

AMEA Naxçıvan Bölməsinin
İnformasiya şöbəsi

AFFA-nın dəstəyi, Naxçıvan Muxtar Respublikası  Gənclər İdman Nazirliyi və Naxçıvan Futbol Federasiyasının birgə təşkilatçılığı ilə Şərur rayonunda hakimlər üçün 5 günlük təlim-məşq toplanışı başa çatıb. Naxçıvan Muxtar Respublikasının Gənclər və İdman naziri, Naxçıvan Futbol Federasiyasının  sədri Azad Cabbarov bu münasibətlə hakimlərlə görüş zamanı regionun və ümumilikdə ölkənin futbol mühiti, nailiyyətlər inkişaf perspektivləri ilə bağlı fikirlərini bölüşüb. Qazanılan uğurlarla yanaşı, daha yüksək hədəflərin reallaşması üçün regional idman federasiyalarının da böyük məsuliyyət daşıdığını diqqətə çatdıran federasiya sədri bu istiqamətdə birgə və səmərəli fəaliyyətin önəmli olduğunu deyib.

NFF olaraq Azərbaycan Futbol Federasiyaları Assosiasiyası və digər idman qurumları ilə sıx əməkdaşlıq etməklə ötən dövr ərzində futbolun müəyyən istiqamətlərində çoxsaylı layihələr, yarışlar, kurs və seminarlar təşkil olunub. Ölkə futboluna inteqrasiya prosesləri regionda bu sahənin inkişafına mühüm töhfədir. Hakimlik sahəsinə də xüsusi önəmlə yanaşıldığını vurğulayan Azad Cabbarov qeyd edib ki, 6 aya yaxın bir zamanda müntəzəm şəkildə keçirilən seminar, kurs və taktiki-texniki məşğələlər nəticəsində Naxçıvan futbolundakı hakimlərin say məhdudiyyəti və təhsilsizlik amili həllini tapıb. Təlim-məşq toplanışı məqsədi ilə Bakıdan dəvət olunan qonaqlara təşəkkürünü bildirən federasiya sədri hakimlərimizin mütəxəssislərin bilik və bacarıqlarından maksimum yararlanmalı olduqlarını və gələcək perspektivləri nəzərə alaraq xarici dillərə də  yiyələnmələrinin vacib olduğunu deyib. Uğurlu karyera qura bilmələri üçün onlara hər cür şərait yaradılacağını və dəstək veriləcəyini diqqətə çatdırıb. Görüş zamanı FİFA referiləri Anar Salmanov, Ömər Paşayev və fiziki hazırlıq üzrə məşqçi Rüstəm Rüstəmli Naxçıvan futbolunun inkişafında göstərdikləri xidmətlərə görə təltif olunublar. AFFA Hakimlər Komitəsinin üzvü Anar Salmanov göstərilən diqqətə görə minnətdarlıq edərək, Naxçıvan hakimlərinin peşəkar səviyyəyə çatması üçün bundan sonra da səylə çalışacaqlarını deyib. Mövcud imkanlar, görülən işlər və gələcəklə bağlı inkişaf perspektivləri barədə məlumatlar diqqətə çatdırılıb.

“Naxçıvan” Universitetinin müəllim kollektivi universitetin tərəfdaş olduğu və Avropa Komissiyası tərəfindən maliyyələşən ERASMUS+EQAC (Azərbaycan universitetlərində keyfiyyətin təminatı mərkəzlərinin qurulması və inkişaf etdirilməsi) layihəsi çərçivəsində Bakı Biznes Universitetində baş tutan təlimdə iştirak edib. Beşgünlük təlim keyfiyyət təminatı üzrə avropalı ekspert İnga Juknyte-Petreikiene tərəfindən keçirilib. Təlimdə müəllim kollektivi ilə avropalı təhsil eksperti arasında təhsilin keyfiyyəti barədə müzakirələr aparılıb. Təlimin məqsədi tədris prosesinin tələbəyönümlü təhsil əsasında qurulmasını praktik olaraq nümayiş etdirmək olub.
Müəllim heyəti qruplar şəklində yeni tədris metodlarına uyğun olaraq təqdimatlar hazırlayaraq nümayiş etdirib. Təlim iştirakçılarına sertifikatlar verilib.

Seyfur Hacımuradov


"Naxçıvan" Universitetinin müəllim kollektivi, universitetin tərəfdaş olduğu və Avropa Komissiyası tərəfindən maliyyələşən ERASMUS+EQAC (Azərbaycan Universitetlərində Keyfiyyətin Təminatı Mərkəzlərinin Qurulması və İnkişaf etdirilməsi) layihəsi çərçivəsində Bakı Biznes Universitetində baş tutan təlimdə iştirak ediblər.

Ardını oxu...

Muxtar respublika fənn olimpiadasının qaliblərinin mükafatlandırılması mərasimi keçirilib.
Tədbirdə Naxçıvan Muxtar Respublikasının Təhsil naziri Rəhman Məmmədov çıxış edərək bildirib ki, məktəblilərin muxtar respublika fənn olimpiadalarının keçirilməsi onların ölkə səviyyəli fənn olimpiadalarına hazırlığında və yüksək nəticələr qazanmalarında mühüm əhəmiyyətə malikdir. Bu zaman şagirdlərin əldə etdikləri nəticələr müvafiq fənn müəllimlərinin, eləcə də məktəbin fəaliyyətinin qiymətləndirilməsində əsas meyarlardan biri kimi ­nəzərə alınır.

Ardını oxu...

ARXİV

Fevral 2020
Be Ça Ç Ca C Ş B
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 1

MÜƏLLİFLƏR

KEÇİDLƏR