20 İyul 2019, Şənbə

 

ARXİV

İyul 2019
Be Ça Ç Ca C Ş B
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

 

 

LİNKLƏR

 

 

Naxçıvan Muxtar Respublikasının Təhsil Nazirliyi tərəfindən Naxçıvan Müəllimlər İnstitutunun əməkdaşlarının iştirakı ilə pedaqoji mühazirələrə həsr olunmuş konfrans-müsabiqə keçirilib.
Konfransı giriş sözü ilə Təhsil naziri Rəhman Məmmədov açaraq qeyd edib ki, bu gün muxtar respublikada təhsilin inkişafı sahəsində ardıcıl tədbirlər həyata keçirilir, bu sahədə keyfiyyət göstəriciləri yaxşı­laşdırılır, muxtar respublika təhsili özünün uğurlu inkişaf dövrünü yaşayır.
Bildirilib ki, pedaqoji mühazirələrin yazılmasında ümumi təhsil sistemində çalışan müəllimlər, məktəb rəhbərləri, metodistlər, psixoloqlar, kitabxanaçılar və uşaq birliyi rəhbərləri iştirak ediblər. Pedaqoji mühazirələr 2 mərhələdə – rayon (şəhər) və muxtar respublika mərhələləri üzrə təşkil olunub. Ümumilikdə, ümumtəhsil məktəblərinin hazırladıqları 257 pedaqoji mühazirə dinlənilib. Mövzunun aktuallığı, təcrübi əhəmiyyəti, orijinallığı baxımından uyğun gələn və innovativ xarakterə, səmərəli təcrübəyə əsaslanan 29 pedaqoji mühazirə müəllifi muxtar respublika üzrə seçimlərdə iştirak etmək hüququ qazanıb. Nazir bölmələr üzrə pedaqoji mühazirələrin müzakirələrinin aparılacağını, bunun da müəllimlərin bilik və bacarıqlarının artırılmasında mühüm rol oynayacağını bildirib.

Ardını oxu...

Naxçıvan Dövlət Universiteti və “Naxçıvan” Universitetinin Turizm və otelçilik ixtisasları üzrə III kurs tələbələrinin 15 aprel 2019-cu il tarixdən 31 may 2019-cu il tarixədək Naxçıvan Muxtar Respublikasının Turizm Departamenti tərəfindən mehmanxanalarda, muzeylərdə və turoperatorlarda istehsalat təcrübəsi keçmələri təmin edilir. Tələbələr müəyyən edilmiş qrafikə uyğun olaraq mayın 3-dən Gəmiqaya Turizm Agentliyində turoperatorun iş prosesi ilə yaxından tanış olublar. Burada tələbələrə turizm məhsulunun formalaşdırılması, işlənib hazırlanması, hərəkətə gətirilməsi və satışının təşkili haqqında ətraflı məlumat verilib. Həmçinin turoperatorların iş funksiyası, müştərilərin turlara olan tələbatlarının öyrənilməsi, xidmət proqramlarının hazırlanması, turoperatorların xidmət təminatçıları olan yerləşdirmə, qidalanma obyektləri, ayrı-ayrı nəqliyyat sahibləri ilə etdiyi əməkdaşlıq və bu sahədə bağlanmış müqavilələr haqqında da danışılıb. Turoperatorlar tərəfindən vətəndaşların xarici ölkələrə göndərilməsi və həmin ölkələrdə onların turizm xidmətləri ilə təmin edilməsi, həmçinin xarici turistlərin ölkəmizdə qəbulu və onlara turizm xidmətlərinin göstərilməsi, eləcə də muxtar respublika ərazisində daxili turizm xidmətlərinin təşkili haqqında tələbələrə ətraflı məlumat verilib.
Təcrübənin sonunda tələbələri maraqlandıran suallar cavablandırılıb.

Xəbərlər şöbəsi

Muxtar respublika ümumtəhsil məktəblərinin IX-XI sinif şagirdləri arasında ümummilli lider Heydər Əliyevin anadan olmasının 96-cı ildönümünə həsr edilmiş “Gənclər Azərbaycanın gələcəyidir” mövzusunda inşa yazı müsabiqəsi keçirilib.
Müsabiqə iki mərhələdə təşkil olunub. Belə ki, birinci – şəhər (rayon) mərhələsi 1-19 aprel 2019-cu il tarixlərdə ümumtəhsil məktəblərinin şagirdləri arasında keçirilib və 63 şagird qalib olaraq muxtar respublika mərhələsində iştirak etmək hüququ qazanıb. Muxtar respublika mərhələsi isə 1 may 2019-cu il tarixdə keçirilib və biri I, ikisi II, üçü III, üçü isə həvəsləndirici yer olmaqla, cəmi 9 qalib müəyyən edilib.

Naxçıvan Muxtar Respublikası
Təhsil Nazirliyinin mətbuat xidməti

Naxçıvan Dövlət Universitetində Naxçıvan Muxtar Respublikası Rabitə və Yeni Texnologiyalar Nazirliyinin əməkdaşları ilə birgə startap layihələri müzakirə olunub. Tədbiri giriş sözü ilə universitetin rektoru, AMEA-nın müxbir üzvü Saleh Məhərrəmov açaraq bildirib ki, müvafiq sərəncamın məqsədi muxtar respublikada investisiya mühitini yaxşılaşdırmaq, yaradıcı düşüncəni və inkişafa xidmət edən ən yaxşı layihələri üzə çıxarmaq, innovativ ideyaların uğurlu biznes sahəsinə çevrilməsinə dəstək ­olmaqdır.
Naxçıvan Muxtar Respublikası Rabitə və Yeni Texnologiyalar naziri Rövşən Məmmədov çıxışında qeyd edib ki, müvafiq sərəncamın icrası məqsədilə artıq nazirlik və aid təşkilatların təklifləri əsasında startap layihələrinə nəzarət mexanizmini asanlaşdıran internet portalının layihəsi hazırlanıb və baxılmaq üçün təqdim olunub. Portalın yaradılmasında əsas məqsəd layihələri birləşdirib yaxşı ideya müəllifini ortaya ­çıxarmaqdır.
Nazir diqqətə çatdırıb ki, hami təşkilatlara birbaşa müraciət etmək fürsəti portalın imkanlarını daha da səmərəli edəcək və aparılan müzakirələrin sonunda ən yaxşı ideya müəllifi seçiləcək. Vurğulanıb ki, “İdeyadan biznesə” layihəsini irəli sürən startap müəllifləri may ayının 8-də keçiriləcək Azərbaycan milli turunun komandasına seçiləcək, oktyabr ayında isə ölkə turuna vəsiqə almış olacaqlar. Nazir layihələri qiymətləndirəcək ekspert qrupunu təqdim edib.
Sonra startap müəllifləri təqdimatla çıxış ediblər. 31 layihənin qatıldığı təqdimatda 100-123 arası bal toplayan 15 layihə mayın 8-də keçiriləcək final mərhələsinə vəsiqə qazanıb.

Səadət Əliyeva

“Vətənin müdafiəsinə hazıram” poliatlon çoxnövçülüyü üzrə respublika final mərhələsinin qalibi olan Babək rayon Payız kənd tam orta məktəbinin komandasının mükafatlandırılması mərasimi keçirilib.
Tədbiri giriş sözü ilə açan Naxçıvan Muxtar Respublikasının təhsil naziri Rəhman Məmmədov qeyd edib ki, ümumtəhsil məktəblərində şagirdlərdə hərbi-vətənpərvərlik tərbiyəsinin formalaşdırılması məqsədilə müxtəlif müsabiqələr və yarışlar keçirilir. Həmin yarışlardan biri də “Vətənin müdafiəsinə hazıram” poli­atlon çoxnövçülüyüdür. Bu yarış üzrə əvvəlcə ümumtəhsil məktəbliləri arasında zona yarışları keçirilib, orada yüksək nəticə əldə edən 8 komanda aprelin 17-də muxtar respublika birinciliyi uğrunda mübarizə aparıblar. Babək rayon Payız kənd tam orta məktəbinin komandası qalib olaraq respublika final mərhələsində muxtar respublikanı təmsil etmək hüququ qazanıb. 24-29 aprel tarixdə Göygöl rayonunda ölkəmizin müxtəlif bölgələrinin 16 komandası arasında keçirilən yaz çağırışına həsr olunmuş poliatlon çoxnövçülüyü üzrə respublika çempionatında Payız kənd tam orta məktəbinin komandası uğurla çıxış edərək çempionatın qalibi olub. Həmçinin komandanın üzvlərindən Fərid Əsədov və Sənan Əşrəfov 100 və 2000 metr məsafəyə qaçış mərhələlərində ən yüksək nəticə göstərdiklərinə görə kubokla mükafatlandırılıblar.

Ardını oxu...

QƏZETİN BUGÜNKÜ NÖMRƏSİ

4277841
Bu gün
Dünən
Bu həftə
Bu ay
Cəmi
806
5856
31006
109199
4277841

Submit to FacebookSubmit to Google PlusSubmit to Twitter