26 Fevral 2020, Çərşənbə

Naxçıvan təbii sərvətlərlə zəngindir. Bu qədim diyarda çoxsaylı faydalı qazıntı yataqları, mineral su mənbələri mövcuddur. Bunun nəticəsidir ki, muxtar respublikamız tarixi və təbiət abidələri ilə yanaşı, həm də belə sərvətləri ilə məşhurdur. Bunlardan biri də müalicəvi xüsusiyyətləri ilə seçilən Darıdağ arsenli mineral suyudur.
Ulu öndər Heydər Əliyevin Azərbaycana rəhbərliyinin birinci dövründə ölkəmizdə müalicəvi suların olduğu yerlərdə səhiyyə ocaqlarının, sanatoriyaların tikilməsi istiqamətində həyata keçirilən tədbirlər 1978-ci ildə Darıdağda da müalicəxananın yaradılmasına imkan verib. Culfa şəhərindən 8-9 kilometr şimal-şərqdə, Darıdağın sıldırım yamacları arasında, dəniz səviyyəsindən 800-900 metr hündürlükdə yerləşən müalicəxananın fəaliyyətində ötən əsrin 90-cı illərində məhdudiyyətlər yaransa da, 2005-ci ildə müəssisə yenidən qurularaq istifadəyə verilib.
Ötən müddətdə müalicəxana ölkə vətəndaşları ilə yanaşı, xarici ölkələrdən gələnlərin də sağlamlığının bərpa olunmasında mühüm rol oynayıb, müalicə turizminin inkişafına geniş imkanlar açıb. Son dövrlərdə isə muxtar respublikanın səhiyyə sistemində həyata keçirilən tədbirlərin davamı kimi Naxçıvan Muxtar Respublikası Ali Məclisi Sədrinin 2017-ci il 16 oktyabr tarixli Sərəncamı ilə Darıdağ Arsenli Su Müalicəxanası yenidən təşkil edilərək publik hüquqi şəxs statusu alıb.

Ardını oxu...

Dünyamızın bəzəyi sayılan, gözlərindəki sevinc ilə ömrümüzü gözəlləşdirən uşaqların həyatı ilə birbaşa bağlı olan pediatr işi həddindən artıq savad, məsuliyyət, bacarıq və həssaslıq tələb etdiyi üçün bu sahədə uğur qazanmaq çətindir. Yazımın qəhrəmanı Turac Xudiyevanın 60 ildən artıq ömür səhifələrini vərəqlədikdə, seçdiyi peşədə keçdiyi yola qısaca nəzər saldıqda onu müvəffəqiyyət əldə edən pediatrlar arasında görmək olur.

Turac həkim haqqında oxuculara da məlumat verərək qeyd edim ki, o, 1958-ci il avqustun 25-də Şahbuz şəhərində ziyalı ailəsində dünyaya göz açıb. Atası Qulam Xudiyev tarix müəllimi olub, ömrünü xalqın gələcəyi sayılan uşaqların savadlı, dünyagörüşlü, tarixini, mədəniyyətini bilən vətəndaş kimi yetişməsi işinə həsr edib. Tale elə gətirib ki, Turacın anası Əsmər xanım cavan yaşlarından xəstəliklərə düçar olub.Tez-tez həkimlərlə ünsiyyətdə olub, onların sayəsində sağlamlığına qovuşduqca tibb işçilərinə bəslədiyi inamı çoxalıb. Bu, bir ana kimi onda övladlarından birini həkim görmək arzusunu yaradıb. Hər dəfə səhiyyə ocağına müraciət edəndən sonra qızı Turacı yanına çağıraraq deyib ki, qızım, həkim peşəsi müqəddəsdir, cəmiyyətimiz üçün ən faydalı sahələrdən biridir. Çox istəyirəm ki, böyüyəndə sən də elə bu peşənin yolçularından olasan.

Ardını oxu...

Naxçıvan Muxtar Respublikası Səhiyyə Nazirliyinin iş planına əsasən bu il də yoluxucu xəstəliklərə qarşı profilaktik tədbirlər keçirilir.
Muxtar respublika ərazisində fəaliyyət göstərən istehsal, topdan və pərakəndə satış məntəqələri, ictimai iaşə müəssisələri, şadlıq sarayları, bərbərxana və gözəllik salonları, təhsil müəssisələri, mehmanxana, həmçinin digər sənaye, kommunal və bütün tibb müəssisələrinin sanitar-gigiyenik vəziyyətinə gigiyena və epidemiologiya mərkəzləri tərəfindən nəzarət olunur. Bu obyektlərdə çalışan işçilər obliqat qrupu kimi gigiyena və epidemiologiya mərkəzləri tərəfindən qeydiyyata götürülür. Bütün obliqat qrupları hər altı aydan bir QİÇS, dəri-zöhrəvi, bağırsaq və qurd xəstəliklərinə görə müayinəyə cəlb edilir.
Bundan başqa, Naxçıvan Muxtar Respublikası Gigiyena və Epidemiologiya Mərkəzinin iş planına əsasən hər il may ayının 1-dən oktyabr ayının sonunadək muxtar respublika ərazisində mövcud olan bütün su mənbələrindən həftədə iki dəfədən az olmayaraq su və torpaq nümunələri götürülərək mərkəzin Xüsusi təhlükəli infeksiyalara nəzarət laboratoriyasında yoxlanılır.
Həmçinin muxtar respublika ərazisində yerləşən artezian və su quyularından, mərkəzləşdirilmiş su mənbələri və bulaq sularından mütəmadi olaraq su nümunələri mərkəzin Bakterioloji və kommunal gigiyena laboratoriyasına yoxlanmaq üçün göndərilir. Həmin nəzarət, xüsusilə çirkab və kanalizasiya sularının çay sularına qarışmaması məqsədini daşıyır. Bu məqsədlə iyul ayı ərzində bütün rayonlarda çaylar boyunca inzibati ərazi dairəsi üzrə nümayəndəliklərin və daxili işlər orqanlarının əməkdaşları ilə birlikdə Gigiyena və Epidemiologiya mərkəzləri monitorinqlər keçiriblər.

Ardını oxu...

  Həkimlik ən humanist peşələrdən biridir. Şübhəsiz, bu həyatda sağlam yaşamaq nə qədər xoşbəxtlikdirsə, insanları yenidən sağlamlığına qovuşdurmaq da o qədər gözəl hissdir. Bəlkə, buna görədir ki, bir həkim haqqında düşünəndə onu haradasa ağrılardan əziyyət çəkən bir xəstənin sağalmaq üçün Uca Yaradanın mükafatı kimi görürük. Şübhəsiz, indiyə qədər diş ağrısından kimsə dünyasını dəyişməsə də, bir gecə yarısı qəfil başlayan bu ağrıdan çəkilən əziyyət bir çoxlarına tanışdır. Odur ki, sağlamlıq, əslində, ağız boşluğundan başlayır, – deyəndə bu fikir, sadəcə, dişlərin qorunması və müalicəsi ilə bağlı deyildir. Belə ki, insan orqanizminin bir çox xəstəliklərinin məhz dişlə əlaqəli olduğu müasir tibb elminin gəldiyi qənaətlərdəndir. Buna görə də bu gün də olmasa, sabah diş və ağız boşluğu ilə bağlı problemlərlə hökmən rastlaşacağı üçün hər kəsin stomatoloqlara və onların dəyərli ­məsləhətlərinə ehtiyacı var. 

Rauf Cəfərov Naxçıvanın tanınmış stomatoloqlarındandır. O, Babək rayonunun Nehrəm kəndində ziyalı ailəsində doğulub. Hələ uşaq ikən onda həkim olmaq arzusu yaranıb. Bu da təsadüfi deyil. Nehrəm yaxın keçmişdə və bu gün də məşhur həkimləri ilə tanınır. Elə bu arzu ilə də 1984-cü ildə Nəriman Nərimanov adına Azərbaycan Dövlət Tibb İnstitutunun Stomatologiya fakültəsinə daxil olan Rauf Cəfərov 1991-ci ildə həmin fakültəni bitirib. Bundan sonra o, muxtar respublikadakı müxtəlif tibb müəssisələrində həkim-stomatoloq kimi fəaliyyət göstərib və 2005-ci ildən “İmplant-Dent-Naxçıvan” özəl stomatoloji klinikasının baş həkimdir.

Ardını oxu...

Dünən Kəngərli rayonunda icbari tibbi sığortanın tətbiqi ilə bağlı tibb işçiləri üçün maarifləndirici tədbir keçirilib.
Naxçıvan Muxtar Respublikası Ali Məclisi Sədrinin “Kəngərli rayonunda icbari tibbi sığortanın tətbiqi ilə bağlı tədbirlər haqqında” 2019-cu il 5 iyul tarixli Sərəncamından irəli gələn vəzifələrin icrası çərçivəsində keçirilən tədbiri giriş sözü ilə Naxçıvan Muxtar Respublikası Səhiyyə nazirinin müavini Samrat Gəncəyeva açıb. O, bu il Kəngərli rayonunda icbari tibbi sığortanın tətbiqi ilə bağlı müşavirədə qarşıya qoyulan tapşırıqların və müvafiq sərəncamın icrası istiqamətində görülən işlərdən danışıb.
Naxçıvan Muxtar Respublikasının Nazirlər Kabineti yanında İcbari Tibbi Sığorta üzrə Dövlət Agentliyinin direktoru Samiq Sadıxov çıxışında bildirib ki, Naxçıvan Muxtar Respublikası Ali Məclisi Sədrinin müvafiq fərman və sərəncamına əsasən 1 iyul 2017-ci il tarixdən Sədərək rayonunda və 1 iyun 2019-cu il tarixdən Şərur rayonunda icbari tibbi sığortanın tətbiqinə başlanılıb.
Qeyd olunub ki, agentlik sığorta­olunanlara baza zərfinə əsasən xidmət göstərir. Baza zərfinə 18 ilkin səhiyyə, 5 təcili və təxirəsalınmaz, 471 ambulator, 285 laborator müayinə, 23 fizioterapevtik, 600 stasionar və 123 həyativacib olmaqla, ümumilikdə, 1525 tibbi xidmət daxil edilib. Agentliyin qeydiyyat məntəqələri yaradılıb və fəaliyyəti təmin olunub. Müraciət edən sığortaolunanlara icbari tibbi sığortanın tətbiq edildiyi ərazilərdə yerləşən tibb müəssisələri tərəfindən yüksəkkeyfiyyətli tibbi xidmət göstərilib, həmin rayondakı tibb müəssisələrində icrası mümkün olmayan tibbi xidmətlər isə göndəriş vasitəsilə icbari tibbi sığortanın tətbiqində iştirak edən digər tibb müəssisələrində həyata keçirilib. Ötən dövr ərzində Sədərək və Şərur rayonlarında yaşayan əhaliyə göstərilən tibbi xidmətin maliyyələşməsi agentlik tərəfindən aparılıb.

Ardını oxu...

ARXİV

Fevral 2020
Be Ça Ç Ca C Ş B
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 1

MÜƏLLİFLƏR

KEÇİDLƏR