20 İyul 2019, Şənbə

 

ARXİV

İyul 2019
Be Ça Ç Ca C Ş B
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

 

 

LİNKLƏR

 

 

Babək rayonu ulu öndərimiz Heydər Əliyevin hərtərəfli diqqət və qayğısı sayəsində inkişaf yolu keçən və tərəqqiyə qovuşan bölgələrimizdən biridir. Müstəqillik qazandığımız illərdə də bu qayğı davam etdirilib, həm rayon mərkəzində, həm də kənd yaşayış məntəqələrində xeyli quruculuq və abadlıq tədbirləri həyata keçirilib. Rayonda diqqəti ilk cəlb edən məqamlardan biri isə kəndlə şəhər arasındakı fərqin aradan qaldırılması istiqamətində görülən işlərdir. Naxçıvan şəhərinin 13 kilometrliyində qərar tutan Şıxmahmud kəndi belə yaşayış məntəqələrindən biridir. Son illər Şıxmahmud kəndində bir neçə yeni obyektin istifadəyə verilməsi sakinlərə böyük dövlət qayğısının ifadəsi kimi yadda qalıb.

Tarixi mənbələr kənd və kəndin adı barədə nə deyir?

Əvvəlcə onu deyim ki, kompleks quruculuq tədbirləri hesabına bu gün siması dəyişən Şıxmahmud kəndi muxtar respublikanın qədim yaşayış məntəqələrindən biridir. Üz tutduğum bütün yaşayış məntəqələrində ilk olaraq həmin yaşayış məntəqələrinin tarixi və daşıdığı adın etimologiyası ilə maraqlanmağım bir adətə çevrilib. Bu kəndin “Şıxmahmud” adlandırılması barədə ilk məlumatı qəzetimizdə dərc olunan yazılardan birində oxumuşdum.

Ardını oxu...

XXI əsrin on üçüncü ili min illərdir ki, yaşayan bir deyimin üstündən xətt çəkdi. Çoxlarının nəhs saydığı 13 rəqəmi uğurlar ili kimi muxtar respublikanın tarixinə yazıldı. Tarix üçün çox da böyük müddət olmayan bir ilin də necə gəlib keçdiyinin fərqinə vara bilməsək də, diyarımızın salnaməsinə həkk olunan saysız-hesabsız genişmiqyaslı qurucu­luq ərməğanları, unuda bilməyəcəyimiz xoş xatirələr bizimlə qalır.

2014-cü ildə 2013-cü ili məhz böyük uğurları, həyatımıza gətirdiyi yenilikləri ilə xatırlamağa tam haqqımız var. Geriyə dönüb vidalaşdığımız ilə baxanda qəlbimizdə həmin hisslər baş qaldıracaq. Çünki yola saldığımız il hər birimizin həyatına ayrı-ayrı izlər salıb, həyatımızı daha firavan edib. Hər il olduğu kimi, ötən il də muxtar respublikada infrastrukturun yenidən qurulması, səhiyyə və təhsil müəssisələrinin tikintisi, əhalinin sosial vəziyyətinin daha da yaxşılaşdırılması istiqamətində əhəmiyyətli tədbirlər həyata keçirilib, hər bir sahədə nailiyyətlər əldə edilib. İqtisadiyyatın şaxələndirilməsi, sahibkar­lığın inkişafı, investisiya mühitinin daha da yaxşılaşdırılmasının müsbət nəticələri 2013-cü ildə bir qədər də artıb.

Ardını oxu...

Naxçıvan Muxtar Respublikası Əmək və Əhalinin Sosial Müdafiəsi Nazirliyinin, Ailə, Qadın və Uşaq Problemləri üzrə Dövlət Komitəsinin təşkilatçılığı ilə 31 Dekabr – Dünya Azərbaycanlılarının Həmrəylik Günü və Yeni il bayramı münasibətilə Ahıllar evində tədbir keçirilib. Tədbirdə əmək və əhalinin sosial müdafiəsi naziri Cavid Səfərov, Ailə, Qadın və Uşaq Problemləri üzrə Dövlət Komitəsi sədrinin müavini Aytən Məmmədova və Şahbuz Rayon İcra Hakimiyyəti başçısının müavini Mətanət Məmmədova çıxış edərək ahıllara göstərilən dövlət qayğısından danışmış, Ahıllar evinin sakinlərini bayramlar münasibətilə təbrik etmişlər.    
Çıxışlarda vurğulanmışdır ki, muxtar respublikamızda bütün sahələrdə müşahidə olunan dinamik inkişaf və tərəqqi ahılların da sosial müdafiəsinin günbəgün güclənməsinə səbəb olmuşdur. Göstərilən sosial xidmətlərin səviyyəsi yüksəldilmiş, ahıl vətəndaşların cəmiyyətə inteqrasiya olunmaları istiqamətində həyata keçirilən tədbirlər intensiv xarakter almışdır. Ahıllar evində sakinlərin rahat və fəal həyat tərzində yaşamaları üçün hər cür şərait yaradılmışdır. Onlara mütəmadi olaraq tibbi və sosial reabilitasiya xidməti göstərilir.
Tədbirdə Şahbuz Rayon Mədəniyyət Evinin musiqi kollektivi konsert proqramı ilə çıxış etmiş, ahıllara bayram hədiyyələri təqdim olunmuşdur.

Naxçıvan Muxtar Respublikası
Əmək və Əhalinin Sosial Müdafiəsi Nazirliyinin mətbuat xidməti

Naxçıvan Dövlət Universitetində 31 Dekabr – Dünya Azərbaycanlılarının Həmrəylik Günü və Yeni il bayramı münasibətilə tədbir keçirilib. Tədbirdə çıxış edən universitetin rektoru, professor Saleh Məhərrəmov ali təhsil ocağının tələbə və müəllim heyətini təbrik edərək bildirib ki, ulu öndər Heydər Əliyevin təşəbbüsü ilə təsis edilmiş və ənənəvi bayramlarımızdan birinə çevrilmiş Dünya Azərbaycanlılarının Həmrəylik Günü Azərbaycan xalqının milli birliyini simvolizə edən tarixi əhəmiyyətli bir gündür. Rektor vurğulayıb ki, xalqımızın həmrəylik günü dünyanın 70-dən çox ölkəsində azərbaycanlılar tərəfindən qeyd olunur.
Sonra səhnəyə Şaxta baba və Qar qız dəvət olunub. Tədbirin bədii hissəsində İncəsənət fakültəsinin tələbə və müəllimlərinin bir-birindən maraqlı ifaları alqışlarla qarşılanıb.
Tədbir universitetin Sosial Xidmət Mərkəzində süfrə arxasında davam etdirilib.

Mina QASIMOVA

Naxçıvan Muxtar Respublikası Əmək və Əhalinin Sosial Müdafiəsi Nazirliyinin təşkilatçılığı ilə Məhdud Fiziki İmkanlılar üçün Naxçıvan Regional İnformasiya Mərkəzində keçirilən bayram şənliyi uşaqlara xoş-əhval ruhiyyə bəxş edən əyləncələrlə yadda qalıb. Bayram tədbirində Naxçıvan Uşaq Bərpa Mərkəzində müalicə alan və Regional İnformasiya Mərkəzində tədrisə cəlb edilən sağlamlıq imkanları məhdud 18 yaşınadək uşaqlar iştirak ediblər.
Şənliyə M.T.Sidqi adına Naxçıvan Dövlət Kukla Teatrının kollektivi xüsusi ab-hava qatıb. Teatrın aktyorları uşaqlara Nağı İsmayılzadənin “Ağca və Bozca” tamaşasından səhnəciklər göstəriblər. Şaxta baba və Qar qız uşaqları yeni il bayramı münasibətilə təbrik edərək hədiyyələr veriblər. Sonra rəngarəng musiqi nömrələri səsləndirilib.

Xəbərlər şöbəsi

QƏZETİN BUGÜNKÜ NÖMRƏSİ

4277833
Bu gün
Dünən
Bu həftə
Bu ay
Cəmi
798
5856
30998
109191
4277833

Submit to FacebookSubmit to Google PlusSubmit to Twitter