16 Sentyabr 2019, Bazar ertəsi

Muxtar respublika əhalisinin elektrik enerjisi, istilik və mavi yanacağa olan tələbatının ödənilməsi istiqamətində son illər böyük layihələr həyata keçirilmişdir. Bu həyati vacib məsələlərin həll edilməsi insanların yaşayış səviyyəsinin yaxşılaşdırılması məqsədi daşıyır. İndi ilin bütün fəsillərində, soyuq qış aylarında da naxçıvanlılar heç bir çətinliklə üzləşmirlər. Hər il Naxçıvan Muxtar Respublikası Ali Məclisində payız-qış mövsümünə hazırlıq məsələlərinin müzakirə edilməsi, bu istiqamətdə görülən işlərin təhlili, qarşıda duran vəzifələrin müəyyən olunması artıq bir ənənə şəklini almışdır. 2013-cü il avqust ayının 24-də Naxçıvan Muxtar Respublikası Ali Məclisində 2013-2014-cü ilin payız-qış mövsümünə hazırlıq və qarşıda duran vəzifələrlə əlaqədar keçirilən müşavirədə müxtəlif aidiyyəti sahələr üzrə payız-qış mövsümünə hazırlığın vəziyyəti müzakirə edilmiş, qarşıda duran vəzifələr müəyyən olunmuşdur. Ötən dövr ərzində həyata keçirilən tədbirlər öz bəhrələrini vermişdir. Qış mövsümündə Naxçıvan şəhəri və rayon mərkəzlərindəki ictimai yaşayış binaları, idarə və müəssisələr, təhsil, səhiyyə və digər sosial obyektlər, fərdi mənzillər fasiləsiz olaraq elektrik enerjisi, təbii qaz, su, istilik və digər kommunal xidmət növləri ilə tam təmin edilir.

Ardını oxu...

2013-cü ilin avqust ayında Naxçıvan Muxtar Respublikası Ali Məclisində keçirilən müşavirədə Naxçıvan Muxtar Respublikası Əmək və Əhalinin Sosial Müdafiəsi Nazirliyi qarşısında da bir sıra vəzifələr qoyulmuşdur. Həmin vəzifələrdən biri də hərbi hissələr üçün yun corabların toxunmasının təşkili olmuşdur. Tapşırığın icrasına müvafiq olaraq, 2013-cü ilin sonuna kimi ahıl və fiziki imkanları məhdud vətəndaşlar tərəfindən toxunan 5000 cüt yun corab və 363 ədəd şərf hərbi hissələrə təhvil verilmişdir.
Bu istiqamətdə növbəti tədbir keçirilmiş, fiziki imkanları məhdud vətəndaşlar tərəfindən əsgərlərimiz üçün toxunan 140 ədəd yun şərf  “N” hərbi hissəyə təqdim olunmuşdur.
Məlumat üçün qeyd edək ki, sağlamlıq imkanları məhdud 16 şəxslə bağlanmış müqavilə əsasında, ümumilikdə, 500 ədəd şərf toxunaraq əsgərlərimizə təhvil verilmişdir.

Naxçıvan Muxtar Respublikası
Əmək və Əhalinin Sosial Müdafiəsi Nazirliyinin mətbuat xidməti

Muxtar respublikamızda dinamik inkişafın təmin olunması insanların yaşayış səviyyəsini yüksəldib, demoqrafik vəziyyətə müsbət təsir göstərib. Doğulan uşaqların sayının ilbəil artması ilə yanaşı, son illərdə iki və üç uşaq dünyaya gəlməsi halları da çoxalıb. Babək rayon Yarımca kənd sakini Tağı Nağıyevin ailəsi də bu sevinci yaşayıb. Belə ki, bu ailədə üçüz uşaqlar dünyaya gəlib. Məlumat üçün bildirək ki, üçüz uşaqlardan biri qız, ikisi oğlandır. Həkimlərin dediklərinə görə, uşaqların və ananın səhhəti qənaətbəxşdir.

Ardını oxu...

Azərbaycan Respublikasının Prezidenti cənab İlham Əliyevin 2011-ci il 7 iyul tarixli Sərəncamı ilə təsdiq edilmiş “Azərbaycan gəncliyi 2011-2015-ci illərdə Dövlət Proqramı”nın müvafiq bəndinə əsasən, proqramın əhatə etdiyi dövrdə hər il ölkənin bir rayon və ya şəhərinin “Azərbaycanın gənclər paytaxtı” elan edilməsi nəzərdə tutulmuşdur. “Azərbaycanın gənclər paytaxtı”nın elan edilməsi yerlərdə gənclərlə işin daha da canlandırılması məqsədi daşıyır.
Azərbaycan Respublikası Gənclər və İdman Nazirliyinin təşkilatçılığı ilə həyata keçirilən “Gənc­lər paytaxtı – 2014”ün seçimlərinə artıq start verilir. “Paytaxt” internet səsverməsiylə seçiləcək. Qeyd edək ki, bu səsvermədə iştirak etmək üçün Naxçıvan Muxtar Respublikasından Naxçıvan şəhərinin də namizədliyi irəli sürülmüşdür. Yanvarın 23-dən fevralın 1-dək keçiriləcək səsvermə hamı üçün açıq olan www.genclerpaytaxti.az saytı vasitəsilə reallaşdırılacaq. Səsvermədə yaşadığı yerdən, vətəndaşlığından, yaşından, milliyyətindən asılı olmayaraq, hər kəs Azərbaycanın gənclər paytaxtının seçilməsində iştirak edə bilər. Açıq, şəffaf, bərabər olmaqla, 3 prinsip əsasında aparılan səsvermə zamanı verilən hər səs dərhal nəzərə alınır və şəhərin reytinqini bir xal artırır. Səsvermə başa çatdıqdan sonra ən çox səs toplamış şəhər (rayon) qalib seçilir. Əgər Naxçıvan şəhərini gənclər paytaxtı görmək istəyiriksə, www.genclerpaytaxti.az saytına daxil olub səs vermək lazımdır. Qədim Naxçıvanımızın “Gənclər paytaxtı” seçilməsi şəhərimizdəki gənclərin təşəbbüslərinin və beynəlxalq əlaqələrinin inkişafı üçün növbəti bir stimul olacaq. Həmçinin regionda sosial və iqtisadi fəaliyyət də artacaq. “Gənclər paytaxtı” 1 il müddətinə seçilir. Bu müddət ərzində həmin şəhər (rayon) gənclərin ictimai, siyasi, sosial, iqtisadi və mədəni həyatda fəal iştirakını təmin edir, onların intellektual və yaradıcılıq potensialının artırılmasına, yeni ideya və layihələrinin həyata keçirilməsinə dəstək verir. Əziz naxçıvanlılar, gəlin  hamılıqla bu səsvermədə fəal iştirak edək,  gündən-günə gözəlləşən və müasirləşən Naxçıvan şəhərini  “Gənclər paytaxtı” seçək.

Naxçıvan Muxtar Respublikası
Gənclər və İdman Nazirliyinin mətbuat xidməti

Kənd həyatı sadəliyi və gözəlliyi ilə fərqlənən, həm də özünəməxsus qayğıları olan bir yaşayış tərzidir. Səs-küydən uzaq, yaşıllıq içərisindəki kənd mənzərəsi öz cəlbediciliyi ilə şəhər həyatının intensivliyindən yorulanların sevimli istirahət yeri, təbii bir rekreasiya məkanıdır.
Hələ min illər əvvəl iri şəhərlər meydana gəlməmişdən kəndlər insanların ilk yaşayış məskəni, dədə-baba torpağı olmuşdur. Kəndlərin, əsasən, çay yataqlarında, bərəkətli vadilərdə, yol kənarlarında və hətta ən ucqarlarda da yerləşməsinin özünəməxsus səbəbləri vardır. İnsanlar hazır təbii şəraitdən və coğrafi mövqedən istifadə edə bilmək, habelə təhlükələrdən də qorunmaq üçün müvafiq yurd yerləri seçmiş, beləliklə də, ilk kənd yaşayış yerləri yaranmışdır. Qədim tarixi hadisələrin şahidləri kimi kəndlərimizin adlarında, sakinlərinin həyat tərzində, adətlərində, mətbəxində yaşayan və indiyə qədər bizə gəlib çatmış zəngin irs bu gün də ən qiymətli milli dəyərlərimiz kimi öz əhəmiyyətini qoruyub saxlamaqdadır. Müasir Azərbaycan kəndi dedikdə təkcə sakinlərinin bir-birini yaxşı tanıdığı bir ərazi vahidi deyil, eyni zamanda milli dəyərlərimizin qorunub saxlanıldığı, sosial-mədəni həyatımızın bütün çalarlarına sahib, iqtisadi inkişafda şəhərdən heç də geri qalmayan bir yaşayış yeri başa düşülür.

Ardını oxu...

ARXİV

Sentyabr 2019
Be Ça Ç Ca C Ş B
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6

MÜƏLLİFLƏR

KEÇİDLƏR