19 Oktyabr 2019, Şənbə

Xalqımızın çərəz qidasında cəviz, şabalıd, fındıq, yer cəvizi (araxis), badam, püstə ilə yanaşı, buğda, noxud, mərcimək qovurğası, çöl armudunun qovutu da əsas yer tutur. Hətta yabanı bitən məncalız, çöl qərənfili soğanaqlarının sacda qovrulanda dadı-tamı bir yana, ətri bir yana olur. Bu çərəzlər içərisində küncüd, zəyərək toxumları da qiymətli qidalardandır. Küncüdün ən çox yayıldığı yer Çin, Hindistan və Orta Asiya respublikalarıdır. İstiliksevən bitki olduğundan Naxçıvan torpağında da bitir, bol məhsul verir.

Küncüdün ağ və qara toxumlu növləri vardır. Xüsusən Novruzda, yaz fəslində insan orqanizminin zəiflədiyi vaxt küncüd qovurğası və küncüdün balla yeyilməsi çox faydalıdır. Günəbaxan da daxil edilməklə fərqlənən yeganə bitkidir ki, toxumlarının tərkibində 65 faizədək qiymətli yağ olur. Küncüd yağından sənayedə mal əti konservləşdirilməsində istifadə edilir.

Ardını oxu...

Cəmiyyət inkişaf edir və insanlar yaxşı yaşamaq üçün hər cür maddi nemət və xidmətlərdən istifadə etməyə çalışırlar. Getdikcə genişlənən istehsal və tikinti işləri, nəqliyyat və rabitə əlaqələri, müasirləşən iş və məişət şəraiti artıq çox deyil, on il əvvəlki səviyyədən xeyli fərqlidir. İndi insanlar rahat ömür sürməyi, evdə, işdə, yolda, bir sözlə, hər yerdə qarşılaşa biləcəyi təhlükələrdən sığortalı yaşamağı çox şeydən daha üstün qiymətləndirir, təsadüfi riskli hadisələrə qarşı hazırlıqlı olmağın vacib tələbat olduğunu real olaraq hər yerdə görürlər.
Təsadüfi risklər nədir? Hansı hadisələr insanın rahat həyatı və fəaliyyəti üçün risk yaradan amillər hesab olunurlar? Bu suallara aydınlıq gətirən situasiyalarla, demək olar ki, hər zaman rastlaşa bilərik.

Ardını oxu...

Naxçıvan Muxtar Respublikası Əmək və Əhalinin Sosial Müdafiəsi, Səhiyyə nazirlikləri, Ailə, Qadın və Uşaq Problemləri üzrə Dövlət Komitəsi əməkdaşlarının iştirakı ilə Şahbuz şəhərində yaşayan sağlamlıq imkanları məhdud vətəndaş Qabil Nağıyevin ailəsi ilə görüş keçirilmişdir. Tədbir iştirakçıları xüsusi qayğıya ehtiyacı olan ailənin məişəti, yaşayış vəziyyəti ilə maraqlanmış, ailə üzvləri tibbi müayinədən keçirilmiş, ailəyə ərzaq payı və məişət avadanlığı – paltaryuyan maşın verilmişdir.
Qabil Nağıyev ailə üzvləri adından onlara göstərilən qayğıya görə dövlətimizə minnətdarlığını bildirmişdir.
Qeyd edək ki, Naxçıvan Muxtar Respublikasında xüsusi qayğıya ehtiyacı olan insanların sosial müdafiəsinin gücləndirilməsi daim diqqət mərkəzindədir. Bunun nəticəsidir ki, müvafiq kateqoriyadan olan ailələrə dövlət qayğısı ilbəil artırılır. Xüsusi qayğıya ehtiyacı olan ailələrə evlərində baş çəkmək, onların sosial problemlərinin həllinə köməklik göstərmək artıq ənənə halını almışdır.

Naxçıvan Muxtar Respublikası
Əmək və Əhalinin Sosial Müdafiəsi Nazirliyinin mətbuat xidməti

24 iyun 2011-ci il tarixli “İcbari sığortalar haqqında Azərbaycan Respublikasının Qanunu”na əsasən, Naxçıvan Muxtar Respublikasında həyata keçirilən “Daşınmaz əmlakın icbari sığortası” və “Avtomobil nəqliyyatı vasitəsi sahiblərinin mülki məsuliyyətinin icbari sığortası” üzrə zərərçəkmiş vətəndaşlara sığorta ödənişlərinin verilməsi davam etdirilir. Cari ilin yanvar ayında da bu tədbirlər davam etdirilmiş və Kəngərli rayonunun Qıvraq qəsəbəsində yaşayan Məmmədov Arif Əli oğluna məxsus daşınmaz əmlakın icbari sığortası üzrə yaşayış evinə yanğın nəticəsində dəymiş zərərə görə 7550 manat məbləğində sığorta ödənişi verilmişdir.
Avtonəqliyyat vasitələrinə dəymiş zərərə görə isə bu ay ərzində Culfa rayon sakini İbrahimli Rəşad Hüseyn oğluna 2730 manat, avtonəqliyyat vasitəsi sahiblərinin mülki məsuliyyətinin icbari sığortası üzrə nəqliyyat vasitələrinə dəymiş zərərə görə Naxçıvan şəhər sakini Əliyeva Xuraman Yaşar qızına 1744 manat və Şərur rayon sakini Qafarov Qulu Abdulla oğluna 1250 manat sığorta məbləği ödənilmişdir. Ümumilikdə, yanvar ayı ərzində nəqliyyat vasitələrinə dəymiş zərərə görə 15 avtonəqliyyat vasitəsi sahibinə müxtəlif məbləğlərdə sığorta ödənişləri verilmişdir.

Xəbərlər şöbəsi

Üçüncü minilliyin ikinci onilliyində sosial-iqtisadi inkişafa və mədəni tərəqqiyə nail olan Naxçıvan Muxtar Respublikasında uşaqların müasir bilik və vərdişlərə yiyələnməsi üçün hər cür şərait yaradılır. Onlar üçün müasir tələblərə cavab verən uşaq bağçaları, məktəblər tikilib istifadəyə verilir.
Muxtar respublika sağlamlıq imkanları məhdud uşaqların təhsilə yiyələnməsi sahəsində də yeni çağırışları qarşılamağa hazırdır və bunun üçün adekvat inkişafı təmin edəcək islahatlar aparılmaqdadır. Rasional meyarlara söykənən sosial siyasət panelindəki bu kontekstdən olan təklif və təşəbbüslərin sağlamlıq imkanları məhdud uşaqların cəmiyyətdə özlərini ifadə etməsində, başqa sözlə desək, cəmiyyətə inteqrasiyasında mühüm əhəmiyyəti vardır.

Ardını oxu...

ARXİV

Oktyabr 2019
Be Ça Ç Ca C Ş B
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

MÜƏLLİFLƏR

KEÇİDLƏR