19 Oktyabr 2019, Şənbə

Şahbuz rayonunda ailə əməyinə əsaslanan təsərrüfatların sayının ilbəil çoxalması bölgənin ümumi inkişafına öz müsbət təsirini göstərir. 2019-cu ilin muxtar respublikamızda “Ailə təsərrüfatları ili” elan edilməsi isə belə təsərrüfatlarda çalışan əməksevər insanların sevincini birə-beş artırıb. Şahbuza budəfəki səfərimizdə də rayonun tanınmış ailə təsərrüfatları sahibləri ilə tanış olduq.

İlk üz tutduğumuz ünvan Biçənək kəndi oldu. Məqsədimiz kənd sakini, ötənilki “Ailə təsərrüfatı məhsulları” festivalının qalibi Abbas Hacıyevin təsərrüfatı ilə yaxından tanış olmaq idi. Yaşı 50-ni yenicə adlamış bu zəhmətkeş insan məni yaşadığı evin qarşısında qonaqpərvərliklə qarşılayır. Görüşüb hal-əhval tutduqdan sonra həyətə daxil oluruq. Abbas kişi əli ilə uca dağları, yamacları göstərərək deyir ki, uşaqlıq çağlarım oralarda keçib, hər addımına yaxşı bələdəm. O illərdə ata-anamla cana məlhəm, dərdə dava otlardan toplamaq üçün həmin dağlara, təpələrə az yollanmamışam. Artıq uzun illərdir, bu işlə məşğul olduğum üçün şəfalı bitkiləri yaxşı tanıyır, yığıb-qurutma, saxlama və istifadə qaydalarını gözəl bilirəm. Hər il torpaq oyanan dövrdən başlayaraq tez-tez ailə üzvlərimlə birgə həmin yerlərə üz tuturam. Yığdığımız bitkiləri günün altına sərir, tez-tez çeviririk ki, hər tərəfi qurusun. Onu da deyim ki, faydalı otları səhərin erkən saatlarında yığmaq məsləhət deyil. Bunun üçün şeh qalxmağını gözləməlisən. Səhər saat 11-dən sonra yığılan bitkilər qaralmır, iyini və tərkibini də olduğu kimi saxlayır.
Təsərrüfat adamı səliqəli şəkildə torbalara yığdığı qurudulmuş bitkilər ilə məni yaxından tanış edir. Hər birini ayrı-ayrı göstərərək deyir ki, solmazçiçək, kəklikotu, qantəpər, dazıotu, əvəlik, zirinc və digər şəfalı bitkiləri ötən ilin may, iyun aylarında toplayıb qurutmuşam. Bu nemətləri ara-sıra yol kənarlarına çıxarıram, xüsusilə bölgəmizə üz tutan turistlər həmin bitkilərə böyük maraqla yanaşır, alıb öz qohum-əqrəbalarına pay da aparırlar. Şəfalı bitkiləri qurutmaqla yanaşı, turşu və kompotlarını da hazırlayırıq. İstehsal etdiyimiz məhsulları həftə sonları Naxçıvan şəhərində keçirilən kənd təsərrüfatı məhsullarının satış yarmarkalarına çıxarıram. Yarmarkada alıcı bolluğu səbəbindən qazancım da ürəkaçan olur. Gördüyün bu otların hər birinin faydalı xüsusiyyətləri barədə kəndin yaşlı insanlarından öyrəndiklərimi alıcılara da izah edirəm. Məsələn, həmərsin böyrək iltihabını, qantəpər, əvəlik isə soyuqdəyməni aradan götürür. Yemişan çiçəyi qan-damar sistemi xəstəlikləri, gülxətmi bronxial-astma və öskürək üçün faydalıdır. Çobanyastığı iltihabın qarşısını alır, solmaz­çiçəkdən öd və mədə-bağırsaq xəstəliklərinin müalicəsində istifadə olunur.

Ardını oxu...

Naxçıvan Muxtar Respublikası Dövlət Sosial Müdafiə Fondu iyul ayında da nəzərdə tutulmuş tapşırıqların icrasını təmin etmiş, əmək pensiyaçılarına pensiya ödənişinin vaxtından əvvəl maliyyələşdirilməsi üçün müvafiq tədbirlər həyata keçirmişdir. Bu məqsədlə tələb olunan 11 milyon 753 min manat vəsait pensiyaçıların plastik bankomat kart hesablarına köçürülmüş və ya yerlərdə poçt bölmələri vasitəsilə pensiyaçılara çatdırılmışdır. Eyni zamanda əhaliyə məcburi dövlət sosial sığorta haqları hesabına müavinətlərin də vaxtında ödənilməsi təmin edilmiş, həmin şəxslərin şəxsi hesablarına və ya poçt ünvanlarına 242 min manat vəsait köçürülmüşdür.
Ötən ay müvafiq mərkəzi icra hakimiyyəti orqanı tərəfindən məcburi dövlət sosial sığortahaqqı üzrə fondun xəzinə hesabına 7 milyon 266 min manat vəsait daxil olmuş, pensiya hüququ yaranmış 143 vətəndaşa əmək pensiyası təyin edilmişdir.
Fondun aparatına və yerli orqanlarına müraciət edən vətəndaşlarla iş diqqət mərkəzində saxlanılmış, onların tələbləri araşdırılmış və qanunamüvafiq həll edilmişdir.

Naxçıvan Muxtar Respublikası Dövlət Sosial
Müdafiə Fondunun mətbuat xidməti

Ailə öz üzvlərini formalaşdırıb cəmiyyətə təqdim edən kiçik bir toplum olsa da, milli mentalitetimizdə onun böyük mənəvi çəkisi var. Bu məsuliyyətli yükü daşımaq, demək olar ki, bizim həyat amalımızın əsasını təşkil edir. Ona görə ki, cəmiyyətimizdə hər kəs öz ailəsi üçün çalışır, əsl xoşbəxtliyi bunda görür. Ailəsinə dəyər verib, onu yaşadan isə öz xalqının, dövlətinin gələcəyinə xidmət edir. Çünki o, nümunəvi ailə üzvü kimi cəmiyyətə yararlı nəsil yetişdirir.

Cəmiyyətimizdə nümunəvi ailə dedikdə həm də uzun ömür sürən ailələr nəzərdə tutulur. Onlardan biri də Ordubad rayonunun Bist kəndində yaşayan Tahirovlar ailəsidir. Təməli 70 il bundan öncəyə dayanan bu ailəni, əslində, lap çoxdan tanıyıram. Demək olar ki, özümü və dünyanı dərk etdiyim gündən... Bu ailənin varlığı mənim həyatımda əhəmiyyətli rol oynayıb. Buna görə də 30 illik bir dövrünə şahidlik etdiyim iki insanın birgə keçən ömür hekayəsini yazmağı qərara aldım.
Mahmud Tahirov 1927-ci ildə Nürgüt kəndində doğulub. Qonşu Xurs kəndində dünyaya göz açan Tutu nənənin isə bu il 90 yaşı tamam oldu. Onların taleyi isə 70 il bundan öncə, 1949-cu ilin Novruz bayramında – martın 21-də birləşib.
Əslində, bu iki dünyagörmüş insanı canlı tarix kimi qəbul edirəm. O dövrün ağrılı, acılı, müharibələrlə dolu illərini onların dilindən, xatirələrindən çox eşidib, təsəvvürümdə çox canlandırmışam. Gəlin onlarla sizi də tanış edim. Başlayaq 92 yaşlı Mahmud Tahirovdan...

Ardını oxu...

Muxtar respublikada həyata keçirilən məqsədyönlü islahatlar, iqtisadi və sosial sahədə qarşıya qoyulan vəzifə və tapşırıqların vaxtında yerinə yetirilməsi yeni istehsal sahələrinin və iş yerlərinin açılmasına, məşğulluq səviyyəsinin yüksəlməsinə, müasir infrastrukturun yaradılmasına səbəb olub. İqtisadi sahədə qazanılan nailiyyətlər sosial müdafiə tədbirlərinin də əhatə dairəsinin genişlənməsinə və keyfiyyətinin daha da yaxşılaşmasına müsbət təsir göstərib. Əhalinin həssas qrupuna daxil olan əmək pensiyaçılarının rifah halının yüksəldilməsi ilə bağlı qəbul edilən qərarların muxtar respublikamızda da müvəffəqiyyətlə icrası daim diqqət mərkəzində saxlanılır. Onlara göstərilən xidmətlərin operativliyinin təmin olunması, bu xidmətlərin təqdimedilmə müddətinin azaldılması məqsədilə müxtəlif layihələr həyata keçirilir.
Yaradılmış əlverişli şəraitdən bəhrələnən Naxçıvan Muxtar Respublikası Dövlət Sosial Müdafiə Fondu avqust ayında da pensiyaların maliyyələşdirilməsi sahəsində işləri vaxtından əvvəl başa çatdırıb. Görülmüş tədbirlər nəticəsində bütün növ əmək pensiyaçılarına pensiyaların ödənilməsi tam təmin olunub. Pensiyalar plastik bank kartları vasitəsilə və kənd yerlərində yaşayan pensiyaçıların istəkləri nəzərə alınaraq poçt bölmələri tərəfindən ödənilib. Həmçinin əhaliyə məcburi dövlət sosial sığorta haqları hesabına ödənilən müavinətlər də vaxtlı-vaxtında maliyyələşdirilir.

Ardını oxu...

Müasir dövrümüzdə texnologiya sahəsi sürətlə inkişaf etməkdədir. Yeni texnologiyaların işlənib hazır­lanması və həmçinin müvafiq olaraq kiberhücum metodlarının inkişaf etdirilməsi sistemlərin təhlükəsizliyinin yüksək səviyyədə təmin olunması zərurətini yaradır.
Onu da vurğulamaq lazımdır ki, ideal təhlükəsizlik anlayışı yoxdur və faktiki olaraq hazırda qlobal məkanda təhdidlər kifayət qədər genişdir. Məhz bu faktorları əsas götürdükdə mühitin təhlükəsizliyinin çoxpilləli mexanizm əsasında qurulması ən düzgün seçimdir. Müasir dövrümüzdə gənclərimiz internet şəbəkələrində yayılan oyunların və digər əyləncəli proqramların belə təhlükələrini nəzərə almırlar. Son zamanlar gənclərin sevimlisi olan şəkilləri qocaldan “Face­App” mobil proqramı bu günlərdə sosial şəbəkələrdə, eləcə də həm “AppStore”da, həm də “Google Play”də ən populyar proqramlardan biridir. Təkcə “Google Play”də qeyd olunan proqramı 50 milyondan çox istifadəçi yükləyib. Bu proqram insanları əyləndirir, istifadəçilərə yaşlananda necə olacaqlarını görmək imkanı verir və bu zaman real görüntülər yaradaraq milyonlarla insanı əhatə edən böyük auditoriyanı cəlb edir. Populyarlığın əsas səbəbi də budur.

Ardını oxu...

ARXİV

Oktyabr 2019
Be Ça Ç Ca C Ş B
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

MÜƏLLİFLƏR

KEÇİDLƏR