23 Aprel 2019, Çərşənbə axşamı

 

ARXİV

Aprel 2019
Be Ça Ç Ca C Ş B
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

 

 

LİNKLƏR

 

 

Naxçıvan Muxtar Respublikasının Səhiyyə, Əmək və Əhalinin Sosial Müdafiəsi nazirliklərinin, Ailə, Qadın və Uşaq Problemləri üzrə Dövlət Komitəsinin və Kəngərli Rayon İcra Hakimiyyətinin birgə təşkilatçılığı ilə rayonun Qara­bağlar kəndində yaşayan az­təminatlı və çoxuşaqlı Səfərovlar ailəsinə baş çəkilib.
Görüş zamanı adıçəkilən təşkilatların əməkdaşları bildiriblər ki, muxtar respublikada sosial müdafiəyə ehtiyacı olan bütün kateqoriyalı ailələrə, o cümlədən aztəminatlı ailələrə hər zaman qayğı ilə yanaşılır, onların həyat səviyyəsinin yaxşılaşdırılması və problemlərinin həlli diqqət mərkəzində saxlanılır. Həmçinin aztəminatlı ailələrin sosial rifahını yüksəltmək üçün məşğulluq problemləri həll olunur, onlarla vaxtaşırı görüşlər təşkil edilir, maddi və mənəvi cəhətdən dəstək göstərilir. Bir sözlə, sosial sahəyə qayğının ildən-ilə artırılması ailə­lərimizin rifah halının yüksəlməsi ilə nəticələnir.
Sonra aztəminatlı ailənin yaşayış şəraiti ilə maraqlanılıb, ailə üzvlərinə səyyar tibbi xidmət göstərilib, ərzaq payı verilib və uşaqların ehtiyaclarına uyğun köməkliklər edilib.
Ailənin üzvləri diqqət və qayğıya görə öz minnətdarlıqlarını bildiriblər.

Naxçıvan Muxtar Respublikası Ailə, Qadın və Uşaq Problemləri
üzrə Dövlət Komitəsinin mətbuat xidməti

Ağbulaq İstirahət Mərkəzində muxtar respublikamızın fəal gənc­lərinin iştirakı ilə növbəti “Qış məktəbi”nə start verilib.
Naxçıvan Muxtar Respublikası Gənclər və İdman Nazirliyinin, Gənclər Fondunun, Yeni Azərbaycan Partiyası Naxçıvan Muxtar Respublika Təşkilatının İcra Katibliyinin, həmçinin təşkilatın Heydər Əliyev adına Gənclər Birliyinin və Həmkarlar İttifaqları Şurasının birgə təşkil etdiyi məktəbdə muxtar respublikada fəaliyyət göstərən ali və orta ixtisas təhsili müəssisələrinin tələbələri iştirak edir.
“Qış məktəbi”nin ilk günündə gənclər Ağbulaq İstirahət Mərkəzi ilə yaxından tanış olub, stolüstü idman oyunlarında iştirak edib, süni örtüklü mini-futbol meydançasında futbol oynayıblar. Günün ikinci yarısında “Vətəni tanı” intellektual oyununun ilk mərhələsi keçirilib. Günün sonunda gənclər vətənpərvərlik mövzusunda “Ayla” bədii filminə baxıblar.
Qeyd edək ki, “Qış məktəbi” 8 fevral tarixədək davam edəcək.

Naxçıvan Muxtar Respublikası
Gənclər və İdman Nazirliyinin mətbuat xidməti

Gənclərdə ətraf mühitə sevgi və qayğı hisslərinin yüksəldilməsi məqsədilə Naxçıvan şəhərindəki Atabəylər məhəlləsindəki istirahət parkında “Bir ovuc sevgi” devizi altında tədbir keçirilib.
Keçirilən tədbirin məqsədi ətraf mühitin mühafizəsi ilə bağlı təbliğat işinin gücləndirilməsi, bu işdə gənclərin yaxından iştirakının təmin edilməsi, Naxçıvan şəhərində yerləşən bağlarda quşların qış aylarında sığınacaq və yemlə təchiz olunmasıdır.
Layihənin ideya müəllifi Naxçıvan Müəllimlər İnstitutunun tələbəsi Gülay Quliyevadır.
Gənclərin iştirakı ilə hazırlanan yuvalar və yem qabları istirahət parkı ərazisində ağaclara asılıb, yem qablarına dən tökülüb. Həmçinin gənclərə süni quş yuvalarının hazırlanması haqqında bukletlər paylanılıb. Yem qabları mütəmadi olaraq gənclər tərəfindən yoxlanılacaq, boş yem qabları doldurulacaqdır.
Onu da bildirək ki, qeydiyyatdan keçən 40-a yaxın könüllü gəncin iştirak etdiyi tədbir Gənc­lər və İdman Nazirliyi, Yeni Azərbaycan Partiyası Naxçıvan Muxtar Respublika Təşkilatının Heydər Əliyev adına Gənc­­lər Birliyinin birgə təşkilatçılığı ilə keçirilib.

Naxçıvan Muxtar Respublikası
Gənclər və İdman Nazirliyinin mətbuat xidməti

Əhalinin sosial rifahının yaxşılaşdırılması sahəsində görülən işlərin tərkib hissəsi kimi məşğulluq probleminin həlli mühüm əhəmiyyət kəsb edir. Son illər Naxçıvan Muxtar Respublikasında iqtisadi islahatların əhatə dairəsinin genişlənməsi, istehsal və xidmət sahələrinin fəaliyyətə başlaması yeni iş yerlərinin açılmasına və əhalinin işlə təminatına əsaslı zəmin yaratmışdır. 

Naxçıvan Muxtar Respublikası Ali Məclisi Sədrinin 2016-cı il 11 yanvar tarixli Sərəncamı ilə təsdiq edilmiş “2016-2020-ci illərdə Naxçıvan Muxtar Respublikasında əhalinin məşğulluğunun artırılması üzrə Dövlət Proqramı”nın icrası işaxtaranların səmərəli məşğulluğu üçün əlverişli şərait yaratmış, əmək bazarının tələbinə uyğun peşə hazır­lığının təşkilinə, işaxtaran və işsiz şəxslərin sosial müdafiəsinin güclənməsinə geniş imkanlar açmış, ailələrin özünü­məşğulluq imkanlarını genişləndirmişdir. Dövlət proqramına uyğun olaraq Əmək və Əhalinin Sosial Müdafiəsi Nazirliyi və Dövlət Statistika Komitəsi tərəfindən 2018-ci ilin əvvəlində muxtar respublikanın əmək bazarı təhlil edilmiş, illər üzrə əmək bazarını xarakterizə edən göstəricilər Dövlət Statistika Komitəsinin internet saytında yerləşdirilmişdir. Boş iş yerlərinin toplanmasının təmin edilməsi məqsədilə vergi orqanlarında qeydiyyatdan keçmiş 2320 fiziki və 30 hüquqi şəxs haqqında məlumatlar Vergilər Nazirliyi tərəfindən Əmək və Əhalinin Sosial Müdafiəsi Nazirliyinə göndərilərək təhlil edilmiş, müəyyən edilmiş boş iş yerləri məşğulluq xidmətləri tərəfindən qeydiyyata alınmışdır. Əmək və Əhalinin Sosial Müdafiəsi Nazirliyi işəgötürənlər tərəfindən vakansiyalar haqqında hesabatların təqdim edilməsinə nəzarət daha da artırılmış, yerlərdə mütəmadi olaraq monitorinqlər keçirilmiş, boş iş yerlərinin toplanması təmin edilmiş, İqtisadiyyat Nazirliyi tərəfindən muxtar respublikada fəaliyyət göstərən 110 orta və iri sahibkarlıq subyektlərinə boş iş yerləri haqqında aidiyyəti üzrə məlumat verilməsinə dair maarifləndirmə işləri aparılmışdır.

Ardını oxu...

Naxçıvan Muxtar Respublikası Səhiyyə, Əmək və Əhalinin Sosial Müdafiəsi nazirliklərinin, Ailə, Qadın və Uşaq Problemləri üzrə Dövlət Komitəsinin və Kəngərli Rayon İcra Hakimiyyətinin birgə təşkilatçılığı ilə rayonun Yeni Kərki kəndində yaşayan aztəminatlı və çoxuşaqlı Babayevlər ailəsinə baş çəkilib.
Ailə ilə görüş zamanı adıçəkilən təşkilatların əməkdaşları dövlətimiz tərəfindən aztəminatlı ailələrə göstərilən diqqət və qayğı, əhalinin həyat səviyyəsinin yaxşılaşdırılması, aztəminatlı, xüsusi qayğıya ehtiyacı olan ailələrin sosial təminatlarının gücləndirilməsi istiqamətində ardıcıl olaraq həyata keçirilən tədbirlərdən danışıblar.
Sonra aztəminatlı ailənin yaşayış şəraiti ilə maraqlanılıb, ailə üzvlərinə tibbi xidmət göstərilib, ərzaq payı verilib və uşaqların ehtiyaclarına uyğun köməkliklər edilib. Ailə üzvləri diqqət və qayğıya görə minnətdarlıqlarını bildiriblər.

Naxçıvan Muxtar Respublikası Ailə, Qadın və Uşaq Problemləri
üzrə Dövlət Komitəsinin mətbuat xidməti

QƏZETİN BUGÜNKÜ NÖMRƏSİ

3883051
Bu gün
Dünən
Bu həftə
Bu ay
Cəmi
117
4106
4223
73442
3883051

Submit to FacebookSubmit to Google PlusSubmit to Twitter