22 Aprel 2019, Bazar ertəsi

 

ARXİV

Aprel 2019
Be Ça Ç Ca C Ş B
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

 

 

LİNKLƏR

 

 

Bu gün doğma Naxçıvanın ən çox sevilən məkanlarından biri Ağbulaq kəndidir. Bu məkanda Tanrı dağların hər dərəsini, hər zirvəsini elə yaradıb ki, sanki bu dağ kəndi möhtəşəm qalanı xatırladır.
Bizi əhatə edən dağların, məğrur, başı dik qayaların, zümrüd meşələrin, diş göynədən buz bulaqların, abı-havası şəfa verən yaylaqların əhatəsində yerləşən kənddə ən çox üz tutulan ünvanlardan biri Ağbulaq İstirahət Mərkəzidir. Zəngin və gözəl təbiəti hamını valeh etdiyi kimi, buradakı mükəmməl şərait insanda həm də xoş təəssüratlar yaradır. Məlumat üçün bildirək ki, Ağbulaq muxtar respublikada kənd turizminin tətbiq olunduğu ilk yaşayış məntəqəsidir. Üç yaşayış korpusundan və bir yeməkxana binasından ibarət olan mərkəz iki ildir, istifadəyə verilmişdir. Açılış mərasimində Naxçıvan Muxtar Respublikası Ali Məclisinin Sədri cənab Vasif Talıbov demişdir: “Ağbulaq kəndində istirahət mərkəzinin yaradılması təsadüfi deyil. Hələ keçmiş Sovetlər Birliyi dövründə bu kənddə məktəblilərin yay düşərgələri təşkil olunurdu. Bu, o dövrdə həyata keçirilən mühüm tədbirlərdən biri idi. Bu gün müstəqil Azərbaycanda da xidmət sahələrinin inkişafına, yeni istirahət komplekslərinin tikilməsinə və turizm infrastrukturunun təkmilləşdirilməsinə xüsusi diqqət yetirilir. Ümummilli liderimiz Heydər Əliyevin müəyyənləşdirdiyi yolun dövlət başçısı tərəfindən uğurla davam etdirilməsi nəticəsində Azərbaycanda hərtərəfli sosial-iqtisadi inkişafa nail olunmuş, sabitlik təmin edilmişdir. Bütün bunlar ölkə­mizdə yay və qış turizminin inkişafını daha da sürətləndirir. Ağbulaq İstirahət Mərkəzində də yay və qış turizminin inkişafı üçün əlverişli şərait vardır”.

Ardını oxu...

Naxçıvan Muxtar Respublikasının Mədəniyyət və Turizm Nazirliyinin təşkilatçılığı ilə Şahbuz rayonunun Biçənək kəndində kənd turizmini inkişaf etdirmək məqsədilə maarifləndirici tədbir keçirilib.
Tədbiri giriş sözü ilə Şahbuz Rayon Mədəniyyət və Turizm Şöbəsinin müdiri Sabiq İmanov açaraq keçirilən tədbirin əhəmiyyətindən danışıb.

Ardını oxu...

Asudə vaxtın təşkili formaları arasında təbiətlə birbaşa ünsiyyət halında aktiv səyahət və istirahət növü olan ekoturizm mühüm yer tutur. İnsanın təbiət gözəlliklərinə olan marağı planetin istənilən yerindəki qeyri-adi təbii resurslara doğru onu səyahətə çəkir.

Amma, əslində, turizmin bu növündə qeyri-adi heç nə yoxdur. Məhz hər bir insanın ürəyindəki torpağa məhəbbət hisləridir ki, onun üçün dağ çaylarının ağ örpəkli şəlaləsi dünyanın ən mahir rəssamının əsərindən də cazibədardır. Dağların yüksəkliklərindən göz işlədikcə ümman kimi üfüqlərə baxmaq, dağ yamaclarının nazəndə leylası bulaqların dirilik suyu hər dəfəsində insanı məst edir. Məhz belə təbiət gözəllikləri müasir ekoturizm həvəskarlarını özünə çəkən cazibə qüvvəsidir.
Ekoturizm və ümumiyyətlə, turizm bir yaradıcılıq sahəsidir desək, yanılmarıq. Bəzi insanlar yaradıcı­lığın sirrini yalnız incəsənət və buna yaxın sahələrdə axtarsalar da, amma, əslində, təbiət qədər ikinci bir bənzərsizliyə başqa yerdə rast gəlmək mümkün deyildir. Bu bənzərsizliyin kompozisiyasına uyğun olaraq yeni bir əsər ərsəyə gətirmək isə müasir tələbkar ekoturistə gözlədiyindən artıq heyrətləndirici resurslar və buna müvafiq xidmətlər təklif etmək bacarığıdır. Bu, əlbəttə ki, bir yaz günündə ailə üzvləri və dost-tanışlarla yaşıllığın qucağında gözəl bir süfrə açıb dincəlməklə bitmir. Düzdür, müasir ekoturların müxtəlif reseptləri vardır. Amma bir faktı hamı təsdiq edə bilər ki, təbiət qoynunda keçirilən günün ən yaddaqalan təəssüratı elə həmin gün rast gəldiyimiz qeyri-adi flora, fauna nümunəsi, yaxud unikal təbiət abidəsidir.

Ardını oxu...

Yay fəslinə doğru yaxınlaşdıqca turizm və istirahət məqsədli səyahətlər də artmaqdadır.
Artıq neçə müddətdir ki, Naxçıvanın görməli yerləri, gözəl təbiət guşələri, istirahət və əyləncə mərkəzləri çox sayda turisti özünə cəlb edir. Bəs görəsən bu il vəziyyət necədir? Naxçıvan Muxtar Respublikası Dövlət Statistika Komitəsindən aldığımız məlumata görə, cari ilin yanvar-aprel aylarında muxtar respublikaya 118 min 625 nəfər turist gəlib ki, bu da 2014-cü ilin müvafiq dövrü ilə müqayisədə 4780 nəfər çoxdur. Bu rəqəmlər onu deməyə əsas verir ki, regiona gələn turist səfərlərinin son aylardakı dinamikasında xeyli artım vardır. Belə ki, cari ilin yanvar-mart ayları ərzində Naxçıvana gələn turist sayı 2014-cü ilin müvafiq dövründəki göstəricidən 2,5 faiz çox olduğu halda, bu rəqəm yanvar-aprel ayları üzrə 4,2 faiz artımla müşahidə olunub. Qeyd edək ki, muxtar respublikamıza səfər edən turistlər arasında ölkəmizin digər yerlərindən səyahət edən yerli turistlərlə yanaşı, xarici ölkələrdən gələn turistlərin də sayı artıb. Naxçıvanda servis sektorunda təklif olunan xidmətlərin çeşidinin və keyfiyyətinin artması bu sahəyə öz təsirini göstərən amillərdəndir.

Əli Cabbarov

Muxtar respublikamızın sosial-iqtisadi inkişafında turizm də xüsusi yer tutur. Naxçıvanın zəngin turizm ehtiyatlarının, mövcud turizm mar­şrutlarının imkanlarından istifadə etmək istəyən turistlərin sayı ildən-ilə artmaqdadır. Naxçıvanı yaxından tanıyan turistlər ölkəmizi daha yaxından tanımaq və mənalı istirahət fürsəti əldə edirlər.
Bu il də turizm mövsümü uğurla başlanıb. Belə ki, 2015-ci ilin ötən dövrü ərzində də muxtar respublikamızda turizm sahəsinin inkişafı və təbliği üzrə görülən işlər bu sahənin dinamik inkişafını təmin edib. Əldə olunmuş statistik məlumatlara əsasən, muxtar respublikamıza ölkə­mizin digər bölgələrindən və xarici ölkələrdən, ümumilikdə, 90 min nəfərdən çox turist gəlib ki, bu da 2014-cü ilin müvafiq dövründəki göstəricidən 2,5 faiz çoxdur. Muxtar respublikaya səfər edən turistlərin səyahət motivləri genişdir. Belə ki, bu dövrə aid turist axınlarını təhlil etdikdə xüsusilə yaz fəslinin başlanması və Novruz bayramı ilə əlaqədar insanların səyahətlərə olan meylinin artdığını görməkdəyik. Naxçıvanın tranzit imkanları, müalicə turizmi potensialı da buna təsir edən amillərdəndir. Bölgədə fəaliyyət göstərən servis sektorunun peşəkarlığının artması, Naxçıvan şəhərində və bölgələrdə istirahət və asudə vaxt mərkəzlərinin yaradılması, müasir standartlara cavab verən restoran və yeməkxana şəbəkəsinin təşkili turizmin inkişafını sürətləndirir. Naxçıvana səfər etmiş əcnəbi turistlər isə buradakı təbiət guşələrinə, tarixi abidələr və muzeylərə xüsusi diqqət göstərirlər. Qeyd edək ki, cari ilin aprel ayının əvvəlində Bakı şəhərində keçirilmiş “AITF-2015” 14-cü beynəlxalq “Turizm və səyahətlər” sərgisində muxtar respublikamızın təqdimatı xüsusi maraq doğurub.

 Əli Cabbarov

QƏZETİN BUGÜNKÜ NÖMRƏSİ

3882801
Bu gün
Dünən
Bu həftə
Bu ay
Cəmi
3973
3755
3973
73192
3882801

Submit to FacebookSubmit to Google PlusSubmit to Twitter