23 Sentyabr 2020, Çərşənbə

Moskvada əhaliyə xidmət, mədəniyyət, təhsil və idman, ümumilikdə isə bütün qeyri-istehsal sahələrində məhdudiyyətlərin müddəti mayın 31-dək uzadılıb.

Bu barədə Rusiya paytaxtı merinin Sərəncamı dərc olunub. Eyni zamanda, paytaxt sakinlərinin özünütəcrid müddəti də uzadılıb, restoran və teatrların açılmasından isə hələ söhbət getmir.

Bundan əlavə, mayın 12-dən ictimai nəqliyyatdan istifadə edən sərnişinlər, habelə taksi sürücüləri və sərnişinləri maska taxmalı və əlcək geyinməlidirlər. Bu qaydanı pozanlar 5 min rubl məbləğində (təxminən 115 manat) cərimə olunacaq. Fəaliyyətinə icazə verilmiş müəssisə və təşkilatların da əməkdaşları maska taxmalıdırlar.

Moskva meri Sergey Sobyanin paytaxt sakinlərini mayın 9-a nəzərdə tutulmuş Qələbə Günü münasibətilə təşkil olunacaq atəşfəşanlığa getməməyə çağırıb.

 Fəridə Abdullayeva

AZƏRTAC-ın xüsusi müxbiri

Moskva

ARXİV

Sentyabr 2020
Be Ça Ç Ca C Ş B
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

MÜƏLLİFLƏR

KEÇİDLƏR