20 Oktyabr 2019, Bazar

26 fevral Xocalı faciəsinin 21-ci ildönümü ilə əlaqədar yeniyetmələr və gənclər arasında cüdo üzrə Culfa rayon turniri keçirilib. Turnirin qalibləri 9 çəki dərəcəsində 70-ə yaxın idman­çı arasında müəyyən olunub. İdmançılardan Məhəmməd Yaqublu, Abbas Məmmədov, Emin Nəzərov, Elsevər Məmmədov, Elşad Məmmədov, Telman Muradov, Ələkbər Cəfərov, Adəm Rəhimov və Hikmət Hacıyev yarışda bütün rəqiblərinə qalib gələrək birinci yerləri tutublar. Yer tutan idmançılara Culfa Rayon Gənclər və İdman İdarəsi ilə Uşaq-Gənclər İdman Məktəbinin kubok, medal və diplomları təqdim olunub.

Naxçıvan Muxtar Respublikası
Gənclər və İdman Nazirliyinin mətbuat xidməti

Naxçıvan şəhər ümumtəhsil məktəblərinin şagirdləri arasında isə voleybol üzrə Naxçıvan şəhər birinciliyi keçirilib. Naxçıvan Türk Liseyinin idman zalında baş tutan yarışda 5 komanda iştirak edib.
Olimpiya sistemi ilə keçirilən birincilikdə Heydər Əliyev adına Hərbi Liseyin komandası qalib olub. Naxçıvan Tibb Kollecinin komandası ikinci, Naxçıvan Dövlət Texniki Kollecin voleybolçuları isə üçüncü yerləri tutublar.
Fəxri yerləri tutan komandalara Naxçıvan Muxtar Respublikası Voleybol Federasiyasının kuboku, Naxçıvan Şəhər Gənclər və İdman İdarəsinin diplomları verilib.

Naxçıvan Muxtar Respublikası
Gənclər və İdman Nazirliyinin mətbuat xidməti

“Zərərli vərdişlərə yox deyək, həmişə sağlam olaq” devizi altında boks üzrə yeniyetmələr arasında Ordubad rayon birinciliyi keçirilmişdir. Birincilikdə 3 çəkidə 18 idmançı yarışmışdır. Yarışda müvafiq çəkilərdə Elvin Seyidov, Novruz Sadiqov və Arzu Qasımov birinci yerləri tutmuşlar. Yer tutan idmançılara Ordubad Rayon Gənc­lər və İdman İdarəsinin diplomları verilmişdir.

Naxçıvan Muxtar Respublikası
Gənclər və İdman Nazirliyinin mətbuat xidməti

Fevral ayının 16-17-də Bakı şəhərindəki Hövsan Olimpiya İdman Kompleksində Dünya Karate Konfederasiyasının növləri üzrə Azərbaycan Karate-do Federasiyasının təşkilatçılığı ilə uşaqlar, yeniyetmələr, gənclər və böyüklər arasında Azərbaycan çempionatı keçirilmişdir. 350 idmançının qatıldığı çempionatda muxtar respublikamızın 10 nəfərdən ibarət komandası da iştirak etmişdir. Naxçıvan Muxtar Respublikası Karate-do Federasiyasının yetirmələrindən kontakt karate üzrə 16 yaş qrupunda yarışan Mircavid Seyidov ən yüksək nəticəni göstərərək qızıl medala sahib olmuşdur. Digər idmançılarımızdan 18 yaşdan yuxarı, 14-15, 11 yaş qruplarında tatamiyə çıxan İlkin Şirinov, Xəzər Əliyev və Həşim Nuriyev finalaqədərki görüşlərini uğurla başa çatdırmışlar. Lakin həlledici döyüşlərdə təmsilçilərimiz üstünlüyü əldən verərək ikinci yerlərə layiq görülmüşlər. Çempionatda karatenin iki növündə mübarizə apararaq kontakt karate üzrə qalib olan Mircavid Seyidov karatenin şotokan növü üzrə yarışlarda ikinci yerə layiq görülmüşdür. Yarışda 12 və 18 yaşdan yuxarı yaş qruplarında qüvvələrini sınayan Əkrəm Nəcəfov ilə Samir Sarıyev isə üçüncü yerləri tutmuşlar.
Beləliklə, muxtar respublikamızın idmançıları Dünya Karate Konfederasiyasının növləri üzrə uşaqlar, yeniyetmələr, gənclər və böyüklər arasında keçirilən Azərbaycan çempionatından 1 qızıl, 4 gümüş və 2 bürünc medalla qayıtmışlar. Yarışda fəxri yerləri tutan karateçilərimizə diplom və medallar təqdim olunmuşdur.

Naxçıvan Muxtar Respublikası 
Gənclər və İdman Nazirliyinin mətbuat xidməti

Naxçıvan Muxtar Respublikası Güləş Federasiyası və Naxçıvan Şəhər Gənclər və İdman İdarəsinin təşkilatçılığı ilə 26 fevral Xocalı faciəsinin 21-ci ildönümü ilə əlaqədar sərbəst və yunan-Roma güləşi üzrə Naxçıvan şəhər turniri keçirilib. Turnirdə, ümumilikdə, 17 çəki dərəcəsində 90-a yaxın idmançı mübarizə aparıb.
Fəxri yerləri tutan idmançılara diplomlar verilib.

Naxçıvan Muxtar Respublikası
Gənclər və İdman Nazirliyinin mətbuat xidməti

ARXİV

Oktyabr 2019
Be Ça Ç Ca C Ş B
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

MÜƏLLİFLƏR

KEÇİDLƏR