27 Yanvar 2020, Bazar ertəsi

2013-cü ilin muxtar respublikamızda “Heydər Əliyev ili” elan olunması ilə əlaqədar Ordubad rayon ümumtəhsil məktəblərinin komandaları arasında “Heydər Əliyev – 90” devizi altında futbol birinciliyinə start verilib. Rayon Gənclər və İdman İdarəsi və Təhsil Şöbəsinin təşkilatçılığı ilə keçirilən yarışa 3 zona üzrə 18 komanda qatılıb. Qələbə uğrunda olimpiya sistemi ilə öz qüvvələrini sınayan komandalar arasında fərqlənənlər əvvəlcə zona yarışlarında müəyyənləşdiriləcək. Zona yarışlarında birinci və ikinci yerləri tutan komandalar həlledici mərhələdə mübarizəni davam etdirəcəklər. Birincilik aprel ayının sonlarınadək davam edəcək.

Naxçıvan Muxtar Respublikası
Gənclər və İdman Nazirliyinin mətbuat xidməti

Xalqımızın ümummilli lideri Heydər Əliyevin 90 illik yubileyi münasibətilə Babək Rayon İcra Hakimiyyətinin tədbirlər planına əsasən, ümumtəhsil məktəbləri arasında mini-futbol turnirinə start verilib.
Yarış başlanmazdan əvvəl rayon Təhsil Şöbəsinin metodisti Müslüm Vəliyev, rayon İcra Hakimiyyəti başçısının müavini Abbas Əliyev çıxış edərək ulu öndərin elmə, təhsilə, o cümlədən idmana göstərdiyi qayğıdan danışıblar.
Dörd zona üzrə keçirilən turnirin ilk görüşü Nehrəm kənd 1 nömrəli tam orta məktəbin komandası və Güznüt məktəbliləri arasında olub. Bu oyun 3:0 hesabı ilə Nehrəm məktəblilərinin qələbəsi ilə yekunlaşıb. Çeşməbasar futbolçularının Nehrəm kənd 2 nömrəli tam orta məktəbin komandasıyla qarşılaşması 4:1 hesabı ilə birincilərin xeyrinə yekunlaşıb. Babək qəsəbə tam orta məktəbi ilə Nehrəm kənd 3 nömrəli tam orta məktəbin komandasının görüşü 4:3 hesabı ilə nəticələnib. Babək qəsəbə tam orta məktəbi və Nehrəm kənd 1 nömrəli tam orta məktəbin komandasının qarşılaşması 4:0 hesabı ilə başa çatıb. Finala Çeşməbasar və Babək qəsəbə tam orta məktəblərinin futbolçuları çıxıb.
Xatırladaq ki, hər zonada 6 komanda iştirak edir. Zonalar üzrə birinci, ikinci yerləri tutanlar finala vəsiqə qazanırlar. Turnirin final mərhələsi mayın 8-də keçiriləcək.

Xəbərlər şöbəsi

Naxçıvan şəhərindəki Şahmat Mərkəzində şəhər ümumtəhsil məktəbləri şagirdlərinin iştirakı ilə şahmat yarışı keçirilib. Yarışı Naxçıvan Şəhər Təhsil Şöbəsi, Gənclər və İdman İdarəsi təşkil edib.
Ümummilli liderimiz Heydər Əliyevin 90 illik yubileyi münasibətilə keçirilən yarışda şəhər məktəblərindən 68 məktəbli ağ-qara taxtada qalib olmaq üçün qüvvəsini sınayıb. Olimpiya sistemi üzrə keçirilən yarışın təşkilində məqsəd ümumtəhsil məktəblərində şahmat dərslərinin keçilməsini təbliğ etmək, şahmatı məktəblilər arasında daha da kütləviləşdirmək, şahmatçılar arasında idman və dostluq əlaqələrini inkişaf etdirməkdən ibarət olub.
Yarışın nəticələri isə ən çox Naxçıvan şəhər 8 nömrəli tam orta məktəbin şahmatçılarını sevindirib. Belə ki, onlar bu zəka oyununda ən yaxşı olduqlarını yaxşı oyun nümayiş etdirməklə sübut edərək birinci olublar. Naxçıvan şəhər 10 nömrəli məktəbin şahmatçıları “mat” etməkdə rəqiblərindən yalnız bircə addım geridə qalıblar və yarışı ikinci yerlə başa vurublar. 5 nömrəli tam orta məktəbin şagirdləri isə bu yarışdan “5” ala bilməyiblər və üçüncülüklə kifayətlənməli olublar.
Qaliblərə Naxçıvan Şəhər Gənclər və İdman İdarəsinin və Təhsil Şöbəsinin diplomları verilib.

Xəbərlər şöbəsi

Naxçıvan Dövlət Universitetində ümummilli lider Heydər Əliyevin anadan olmasının 90 illik yubileyinə həsr edilmiş “Universiada – 2013” idman yarışlarına start verilib. Bu münasibətlə keçirilən mərasimdə universitetin rektoru, akademik İsa Həbibbəyli çıxış edərək Azərbaycanda idmanın inkişafına göstərilən diqqət və qayğıdan, 18 mart 2013-cü il tarixdə Naxçıvan Muxtar Respublikası Ali Məclisində bədən tərbiyəsi və idmanın hazırkı vəziyyəti ilə bağlı keçirilən müşavirədə qarşıya qoyulan vəzifələrdən danışıb. Naxçıvan Dövlət Universitetinin idman sahəsində qazandığı uğurlara diqqət çəkən rektor idmanın kütləviliyinin təmin olunması, tələbələrin asudə vaxtlarının səmərəli təşkili, Azərbaycan birinciliyində uğur qazanacaq sabit komandaların formalaşdırılması kimi zəruri məsələlərdən bəhs edib.

Ardını oxu...

Martın 18-də Naxçıvan Muxtar Respublikası Ali Məclisində bədən tərbiyəsi və idmanın hazırkı vəziyyəti və qarşıda duran vəzifələrlə bağlı keçirilən müşavirədə Ali Məclisin Sədri muxtar respublikada idmanın stend və sportinq atıcılıq növünün inkişafı, bu idman növü ilə yanaşı, hava və ekstremal idman növünün fəaliyyətinin təşkili üçün hər cür şəraitin mövcud olduğunu önə çəkib. Müşavirədə hər iki idman növü üzrə təşkilati işlərin görülməsi və yeni idman federasiyalarının yaradılması qərara alınıb.
Müşavirədən dərhal sonra Naxçıvan şəhərində “Hədəf” və “Qələbə” adlı iki atıcılıq idman klubu yaradılıb. Yaradılmış bu iki idman klubu əsasında Naxçıvan Muxtar Respublikası Atıcılıq Federasiyasının təsis yığıncağı keçirilib. Yığıncaqda Naxçıvan Muxtar Respublikası Dövlət Gömrük Komitəsinin sədri, gömrük xidməti general-leytenantı Asəf Məmmədov Naxçıvan Muxtar Respublikası Atıcı­lıq Federasiyasının sədri seçilib.

Ardını oxu...

ARXİV

Yanvar 2019
Be Ça Ç Ca C Ş B
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

MÜƏLLİFLƏR

KEÇİDLƏR