15 Avqust 2020, Şənbə

Muxtar respublikada ordu quruculuğu sahəsində həyata keçirilən məqsədyönlü tədbirlərin həcmi getdikcə genişlənir. Çünki zabit və əsgərlərin məişət və xidmət şəraitinin yaxşılaşdırılması üçün görülən işlər orduda mənəvi-psixoloji durumun təmin olunmasında başlıca amildir.

Bu tədbirlər cari ildə də davam etdirilir. Belə ki, ötən illərdə Şərur rayonunda inşasına başlanılan Daxili Qoşunların hərbi hissəsində infrastruktur obyektləri və 3-cü Sərhəd Zastavası təhvilə hazırlanır.
Böyük bir ərazini əhatə edən sahədə zirzəmi ilə birlikdə 5 mərtəbədən ibarət yaşayış binasında hərtərəfli məişət şəraiti yaradılıb, inşaat işləri həyata keçirilərkən bütün müasir tələblər və standartlar nəzərə alınıb. Digər bir obyekt isə zirzəmi ilə birlikdə 2 mərtəbədən ibarət yeməkxana binasıdır. Əsgər və zabitlərin keyfiyyətli qidalarla təminatı üçün burada da hərtərəfli şərait yaradılır.
Zirzəmi ilə birlikdə 6 mərtəbədən ibarət olan qərargah binası da müasir görkəmi ilə diqqəti çəkir. Ərazidə digər obyektlər də inşa edilib. Belə ki, zabit və əsgərlərin ixtiyarına qarovul şəhərciyi, silah-sursat binası və camaşırxana, yanacaqdoldurma məntəqəsi, açıq və qapalı qarajlar, yuma, təmir və akkumulyator sexləri, texniki buraxılış məntəqəsi veriləcək.
Həyata keçirilən belə kompleks tədbirlər əminliklə deməyə əsas verir ki, yeni quruculuq töhfəsi hərbçilərin xidməti vəzifələrini daha yüksək səviyyədə yerinə yetirmələrinə stimul olacaq.

Xəbərlər şöbəsi

ARXİV

Avqust 2020
Be Ça Ç Ca C Ş B
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

MÜƏLLİFLƏR

KEÇİDLƏR