18 Aprel 2019, Cümə axşamı

 

ARXİV

Aprel 2019
Be Ça Ç Ca C Ş B
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

 

 

LİNKLƏR

 

 

Naxçıvan Muxtar Respublikası Dövlət Nəqliyyat Xidməti 2019-cu ilin birinci rübündə muxtar respublika əhalisinə göstərilən avtonəqliyyat xidməti səviyyəsinin yüksəldilməsi istiqamətində bir sıra tədbirlər həyata keçirmişdir. Hesabat dövründə avtovağzalların fəaliyyəti diqqətdə saxlanılmış, sərnişinlərə xidmətin səviyyəsinin yüksəldilməsi üçün tədbirlər görülmüş, sürücülərin ayda iki dəfə qrup şəklində muzeylərə ekskursiyaları və seminar-müşavirələr təşkil olunmuşdur.
Ötən dövrdə Naxçıvan-İqdır-Naxçıvan marşrutunda gündəlik sərnişindaşıma xidməti həyata keçirilmişdir. Sərnişinlərin rahatlığını təmin etmək üçün Naxçıvan-Bakı marşrutunda işləyən avtobuslardan birinin hər gün Şərur və Culfa avtovağzallarından yola salınması, Şahbuz və Ordubad avtovağzallarında isə bu avtobusa bilet satışı işi davam etdirilmişdir. 2019-cu ilin ilk üç ayında Naxçıvan-Bakı-Naxçıvan marşrutu ilə Naxçıvandan Bakıya 4 min 525, Bakıdan Naxçıvana isə 4 min 806 sərnişin daşınmışdır.
Naxçıvan Muxtar Respublikası Ali Məclisi Sədrinin tapşırığına uyğun olaraq sərnişinlərin vaxt itkisinin azaldılması məqsədilə Naxçıvan-Bakı-Naxçıvan marşrutunun axşam reysləri də təşkil edilmişdir. Türkiyə Respublikası ilə Naxçıvan Muxtar Respublikası arasında turların təşkil olunması üçün Türkiyənin “Babək Turizm” və “Ata-Tur Turizm” firmaları ilə danışıqlar aparılmış, sərnişin­daşıma fəaliyyəti göstərilməsi üçün müqavilələr bağlanılmışdır.

Ardını oxu...

Aprelin 16-da Naxçıvan Biznes Mərkəzində Avropa İttifaqının maliyyələşdirdiyi “Qadınların Dayanıqlı İnkişaf üçün Səlahiyyətləndirilməsi” layihəsinin açılış konfransı olub.
Tədbirdə giriş sözü ilə çıxış edən Naxçıvan Muxtar Respublikası Baş Nazirinin müavini və maliyyə naziri Səbuhi Məmmədov bildirib ki, BMT-nin İnkişaf Proqramının maliyyə dəstəyi də daxil olmaqla, Avropa İttifaqının maliyyələşdirdiyi “Qadınların Dayanıqlı İnkişaf üçün Səlahiyyətləndirilməsi” layihəsi muxtar respublikanın qadın sakinlərinin maliyyə savadlılığının və idarəetmə vərdişlərinin yüksəldilməsinə, eyni zamanda gəlir mənbələri qismən məhdud olan qadınların sahibkarlıq fəaliyyətinə təşviq edilməsinə xidmət edir.

Ardını oxu...

Culfa rayonunun təsərrüfat adamları cari ilin məhsulu üçün ötən ilin payızında 6399 hektar sahədə taxıl əkini aparıblar. Bunun da 5381 hektarı buğda, 1018 hektarı arpadır.
Torpağa daimi iş yeri və gəlir mənbəyi kim baxan bölgənin təsərrüfat adamları mart ayının ilk günlərindən başlayaraq qısa müddətdə 250 hektardan artıq sahədə yaz əkinləri üçün şum qaldırıblar.
İkinci çörək sayılan kartof əkini üçün rayonda geniş imkanlar vardır. Dizə, Gülüstan, Camaldın, Bənəniyar kəndlərində, ümumilikdə, 6 hektardan artıq sahədə kartof əkini aparılıb. Dağətəyi kəndlərdə isə əkinə hazırlıq işləri görülür. Camaldın, Ərəzin, Kırna, Bənəniyar kəndlərində 8,1 hektardan artıq sahədə noxud, Gülüstan və Bənəniyar kəndlərində isə 0,5 hektara yaxın sahədə sarımsaq əkilib.
Təsərrüfatçılar tərəfindən 36 hektardan artıq sahəyə yonca toxumu səpilib. Camaldın, Yaycı kəndlərində bu sahənin genişləndirilməsinə diqqət yetirilir.
Soğan əkini üçün daha çox əlverişli olan Yaycıda ailə təsərrüfatçıları 6,7 hektar sahədə səpin aparıblar.
Son zamanlar ailə təsərrüfatlarında meyvəçiliyin inkişafı sürətləndirilib və mart-aprel aylarında 5 hektara yaxın sahədə meyvə bağı salınıb. Ailə təsərrüfatlarında meyvəçiliyi genişləndirən təsərrüfatçı İlyas Məmmədov Gülüstan kəndində icarəyə götürdüyü 3 hektar bələdiyyə torpağında yerli şəraitə uyğun 1700 ting əkərək yeni meyvə bağı salıb. Natiq Məmmədov isə Camaldın kəndində 1,2 hektar sahəni bağ üçün ayırıb. Əbrəqunus kəndində də meyvəçiliyin inkişaf etdirilməsinə maraq artıb. Təsərrüfat adamı Əliqulu Əsgərov 0,5 hektar sahədə 300 ədəd meyvə tingi əkib. Kırna kənd sakini Fatma Əliyeva isə qızılgül əkininə üstünlük verir. O, ailə təsərrüfatında 0,2 hektar sahədə 350 ədəd qızılgül kolu əkini aparıb.

Hüseyn ŞƏKƏRƏLİYEV

Əlverişli torpaq və iqlim şəraiti ilə seçilən Şahbuz rayonunda 100-ə yaxın ailə təsərrüfatı mövcuddur. Onlardan biri də Ayrınc kənd sakini Sürəyya Quliyevanın başçılıq etdiyi təsərrüfatdır.
Ağır fiziki qüvvə tələb edən əkin-biçindən söhbət gedərkən ilk olaraq kişilər yada düşür. Ancaq Sürəyya xanım öz zəhməti və əzmkarlığı ilə sübut edib ki, bu işlər, sadəcə, qol gücü ilə əldə olunmur. Polad iradə, əzmkarlıq, zəhmətkeşlik, torpağa bağlılıq istər kişi olsun, istər qadın, insanı qarşıya qoyduğu məqsədlərə aparır. Bu zəhmətkeş qadın uzun illərdir ki, torpağa mehr salıb, halal zəhmətinə güvənib. Hər sevincini, şirin arzularını toxuma qarışdırıb torpağa səpib, yaşıl tarlaların, bol məhsullu zəmilərin başına pərvanə kimi dolanıb. Bu qayğıdan, nəvazişdən sanki torpaq da xoşhal olub, onun çəkdiyi zəhmətin, axıtdığı alın tərinin əvəzini səxavətlə qaytarıb, yetirdiyi məhsulun bərəkətini birə-min edib.
1956-cı ildə rayonun Kükü kəndində anadan olan Sürəyya xanım hazırda Ayrınc kəndində yaşayır. O, Naxçıvan Dövlət Universitetində təhsil alıb. 25 il bağça müdiri vəzifəsində işləyən Sürəyya xanımın təsərrüfat sahəsinə marağı isə gənc yaşlarından yaranıb.

Ardını oxu...

Dünən Naxçıvan Biznes Mərkəzində Naxçıvan Muxtar Respublikasının 95 illik yubileyinə həsr olunmuş tədbir keçirilib. Naxçıvan Muxtar Respublikası Ali Məclisi Sədrinin 2019-cu il 21 yanvar tarixli Sərəncamı ilə təsdiq edilmiş “Naxçıvan Muxtar Respublikasının 95 illik yubileyinə həsr olunmuş Tədbirlər Planı”na əsasən muxtar respublikanın sosial-iqtisadi inkişafı ilə bağlı keçirilən bu tədbirdə əvvəlcə iqtisadiyyat naziri Famil Seyidov çıxış edib. Bildirib ki, 95 illik yubileyini yüksək nailiyyətlərlə qeyd edən Naxçıvana muxtariyyət verilməsi torpaqların müdafiəsi ilə yanaşı, bu qədim diyarın inkişafını da təmin edib.
Qeyd olunub ki, muxtar respublika iqtisadiyyatının inkişafında və sosial-mədəni həyatında əsaslı dönüş mərhələsi ulu öndər Heydər Əliyevin 1969-cu ildə Azərbaycanda hakimiyyətə gəlməsi və yorulmaz fəaliyyəti ilə bağlıdır. Belə ki, 1970-1985-ci illərdə muxtar respublika iqtisadiyyatının müxtəlif sahələrində 783 milyon manatlıq əsas fondlar yaradılıb, Araz çayı üzərində Su Elektrik Stansiyası, Alt Trikotaj Məmulatları Fabriki, yeni mineral su zavodu, Şüşə Qablar Zavodu, şərabçılıq müəssisələri tikilib istifadəyə verilib.

Ardını oxu...

QƏZETİN BUGÜNKÜ NÖMRƏSİ

3865953
Bu gün
Dünən
Bu həftə
Bu ay
Cəmi
3468
4264
14343
56344
3865953

Submit to FacebookSubmit to Google PlusSubmit to Twitter