16 Fevral 2019, Şənbə

 

  • 3-1.jpg
  • 3-2.jpg
  • 3-3.jpg
  • 3-4.jpg
  • 3-5.jpg
  • 3-6.jpg
  • 4-1.jpg
  • 4-2.jpg
  • 4-3.jpg
  • 4-4.jpg
  • 4-5.jpg
  • 4-6.jpg
  • 4-7.jpg
  • 4-8.jpg
  • 4-9.jpg
  • 4-10.jpg
  • 5-1.jpg
  • 5-2.jpg
  • 5-3.jpg
  • 5-4.jpg
  • 5-5.jpg
  • 5-6.jpg
  • 5-7.jpg
  • 5-8.jpg
  • 5-9.jpg
  • 5-10.jpg
  • 5-11.jpg
  • 5-12.jpg
  • 6-1.jpg
  • 6-2.jpg
  • 6-3.jpg
  • 6-4.jpg
  • 6-5.jpg
  • 6-6.jpg
  • 6-7.jpg
  • 6-8.jpg
  • 6-9.jpg
  • 6-10.jpg
  • 6-11.jpg
  • 6-12.jpg

 

ARXİV

Fevral 2019
Be Ça Ç Ca C Ş B
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 1 2 3

 

 

LİNKLƏR

 

 

Şərur həm ərazisinə, həm əhalisinin sayına görə muxtar respublikamızın ən iri rayonlarındandır. Rayonda əkin sahələrindən səmərəli istifadə edilir.
Bitkiçilik bu yerlərin əzəli məşğuliyyətidir. Şərur rayonu əksər ərzaq məhsulları ilə nəinki özünü təmin edir, hər il muxtar respublika paytaxtının bazarlarına da xeyli məhsul çıxarır. Bölgədə, əsasən, taxıl, kartof, qarğıdalı, günəbaxan, tərəvəz, meyvə, üzüm, paxlalı və bostan bitkiləri yetişdirilir. Sahibkarlığa geniş meydan açıldıqca insanların əməyə həvəsi, çöllərin isə barı-bərəkəti artır.
Ötən ilin göstəriciləri də dediklərimizi təsdiqləyir. 2012-ci ildə Şərurda 28 min 230 ton taxıl, 9774 ton kartof, 1510 ton paxlalı, 2125 ton qarğıdalı, 76,3 ton günəbaxan, 19 min 454 ton tərəvəz, 17 min 971 ton meyvə, 1401 ton üzüm, 5218,2 ton bostan məhsulları istehsal edilmişdir.
Rayonda heyvandarlığa olan marağın nəticəsidir ki, qaramalın sayı 33 min 150, davarın sayı 115 min 790, quşların sayı 229 min 950 başa çatdırılmışdır. Ət, süd, yumurta və yun istehsalının göstəriciləri də yüksəlmişdir. 2012-ci ildə rayon üzrə 5970 ton ət (diri çəkidə), 26 min 190 ton süd, 178,1 ton yun, 20 milyon 100 min ədəd yumurta istehsal olunmuşdur. İstər bitkiçilik, istərsə də maldarlıq məhsullarının çoxalması nəzərə alınaraq rayonda 400 tonluq soyuducu anbar tikilib istifadəyə verilmiş, emal müəssisələri yaradılmışdır.

Ardını oxu...

Ölkəmizdə həyata keçirilən ekoloji siyasətin əsas istiqamətlərinə uyğun olaraq, muxtar respublikamızda da təbiəti mühafizə və əlverişli ekoloji mühitin yaradılması istiqamətində ardıcıl və məqsədyönlü tədbirlər həyata keçirilir, ayrı-ayrı ərazilərdə yaşıllıq zolaqları salınır.
“2012-2015-ci illərdə Naxçıvan Muxtar Respublikasında meyvəçiliyin və tərəvəzçiliyin inkişafı üzrə Dövlət Proqramı”na uyğun olaraq, həyata keçirilən kompleks tədbirlər ekoloji əhəmiyyəti ilə yanaşı, iqtisadi səmərəliliyi də önə çəkmiş, tarixi meyvəçilik təsərrüfatlarının bərpa olunmasına əlverişli şərait yaratmışdır. Bunun nəticəsidir ki, ötən il və bu ilin yaz əkini mövsümündə 350 hektardan çox ərazidə meyvə bağları salınmışdır. Xüsusilə orta dağlıq və dağlıq ərazilərdə, bitki örtüyünün nisbətən seyrək yayıldığı və səhralaşmaya meyilli ərazilərdə meyvə bağlarının salınmasına üstünlük verilmişdir.

Ardını oxu...

Hər il olduğu kimi, 2013-cü ilin ötən dövrü ərzində də muxtar respublikada sahibkarlıq subyektlərinə verilən kreditlər davam etdirilib. Naxçıvan Muxtar Respublikası İqtisadi İnkişaf Nazirliyinin Sahibkarlığa Kömək Fondundan aldığımız məlumata görə, müxtəlif istehsal sahələrinin yaradılması üçün istifadə ediləcək 31 layihənin reallaşdırılması məqsədilə 1 milyon 176 min manat kredit verilib.
Cari ildə muxtar respublikada bağ sahələrinin genişləndirilməsi üçün reallaşdırılacaq layihələr çoxluq təşkil edir. Belə ki, Naxçıvan Muxtar Respublikası Ali Məclisi Sədrinin 2012-ci il 14 fevral tarixli Sərəncamı ilə təsdiq olunmuş “2012-2015-ci illərdə Naxçıvan Muxtar Respublikasında meyvəçiliyin və tərəvəzçiliyin inkişafı üzrə Dövlət Proqramı”ndan irəli gələn vəzifələrin yerinə yetirilməsi üçün bağçılıq təsərrüfatı üzrə 11, üzümçülük təsərrüfatı üzrə 3, limon istixanası üzrə 3 layihəyə kreditlər verilib.
Kreditlərin verilməsi davam etdirilir.

Xəbərlər şöbəsi

Muxtar respublikamızda iqtisadiyyatın ayrı-ayrı sahələrinin daha da inkişaf etdirilməsi məqsədilə yeni layihələr həyata keçirilir, müxtəlif emal və sənaye müəssisələri yaradılır. Sahibkarlıq fəaliyyətinə yaradılan münbit şəraitdən bəhrələnərək son illər həyata vəsiqə alan istehsal müəssisələrindən biri də “Gəmiqaya Sənaye Kompleksi” Məhdud Məsuliyyətli Cəmiyyətinin oksigen, azot və asetilen istehsalı müəssisəsidir.
Müəssisənin sahə rəisi Vasif Xəlilov qeyd etdi ki, oksigen istehsal edən müəssisə əvvəllər Naxçıvan Muxtar Respublikasında mövcud olmuşdur. Lakin artan tələbatın ödənilməsi məqsədilə layihəyə uyğun Naxçıvan şəhərində ayrılmış ərazidə istehsal müəssisəsi üçün yeni bina inşa olunmuş, oksigen istehsalı ilə yanaşı, quru və maye azot istehsalı sahəsi də fəaliyyətə başlamışdır.
2010-cu ilin aprel ayından fəaliyyətə başlayan oksigen və quru azot istehsalı sahəsində yüksək keyfiyyətli məhsul istehsalı üçün hər cür şərait yaradılmışdır. Oksigen istehsalı sahəsində Sloveniya istehsalı olan müasir texnoloji avadanlıqlar quraşdırılmışdır. İlkin mərhələdə oksigen kompressorla sorulub hava çənlərinə, oradan da oksigenhazırlayıcı avadanlığa ötürülüb oksigen çəninə yığılır. Buradan isə ABŞ istehsalı olan xüsusi nasoslarla oksigen balonlarına doldurulur. Avadanlığın istehsal gücü saatda 72 kubmetrdir. Quru azot istehsalı sahəsində isə Almaniya və Sloveniyadan alınmış istehsal gücü saatda 30 kubmetr olan müasir avadanlıqlar qurulmuşdur.

Ardını oxu...

Muxtar respublikanın qaynar həyat ritminə çevrilən tikinti-quruculuq tədbirlərinin coğrafiyası cari ildə bir qədər də genişləndirilib. Bu tədbirlərdən ənənəvi olaraq mədəniyyət sahəsinə də xeyli pay düşüb. Hazırda muxtar respublikada bir neçə ünvanda yeni mədəniyyət obyektləri inşa olunur, mövcud binalarda yenidənqurma və əsaslı təmir işləri aparılır. Belə obyektlərdən biri də Naxçıvan şəhərinin “İstiqlal” küçəsində yerləşən Bəhruz Kəngərli Muzeyinin binasıdır. 2012-ci ilin iyun ayından “Gəmiqaya” Məhdud Məsuliyyətli Cəmiyyətinin bir qrup inşaatçısı binanın əsaslı təmiri ilə məşğuldur. İş icraçısı Süleyman Rüstəmovdan aldığımız məlumata görə, binanın özülünü möhkəmləndirmək üçün əlavə inşaat tədbirləri aparılıb. Əsaslı təmir işlərini keyfiyyətlə həyata keçirən inşaatçılar binanın çardaq hissəsini yenidən qurublar. Obyektdəki bütün qapı-pəncərələr yeniləri ilə əvəz olunub. Binanın döşəmə və tavanı yenilənib, kommunikasiya xətləri dəyişdirilib.
Binanın yerləşdiyi ərazidə abadlıq işləri görülür. Bu tədbirləri isə Naxçıvan Şəhər Abadlıq və Təmir-Tikinti İdarəsinin inşaatçıları həyata keçirirlər.

Xəbərlər şöbəsi

QƏZETİN BUGÜNKÜ NÖMRƏSİ

3698791
Bu gün
Dünən
Bu həftə
Bu ay
Cəmi
1042
2209
14689
39883
3698791

Submit to FacebookSubmit to Google PlusSubmit to Twitter