16 Sentyabr 2019, Bazar ertəsi

Naxçıvan Muxtar Respublikasında iqtisadiyyatın bütün sahələrində olduğu kimi, bank-kredit fəaliyyəti istiqamətində də uğurlu nəticələr əldə edilir. Müasir bank xidmətlərinin təşkil olunması, ayrı-ayrı sahələrə verilən sərfəli kreditlər müxtəlif yeni istehsal və xidmət sahələrinin yaradılmasında, əhali məşğulluğunun təmin edilməsində mühüm əhəmiyyətə malikdir. Ölkəmizin nüfuzlu banklarından biri olan “Naxçıvanbank” Açıq Səhmdar Cəmiyyəti də yarandığı 2008-ci ildən başlayaraq bu istiqamətdəki fəaliyyətini uğurla davam etdirməkdədir. Cari ilin ilk yarısının nəticələri də bunu deməyə əsas verir.
Naxçıvanbankdan aldığımız məlumata əsasən hazırda bank 5 filial və 1 mübadilə şöbəsi ilə muxtar respublikamızın bütün ərazisində əhaliyə bank xidmətləri göstərir. 2019-cu ilin ötən 6 ayı ərzində də bank fəaliyyətinin bütün sahələri üzrə mühüm irəliləyişlər əldə edilib. Belə ki, muxtar respublikada 2019-cu ilin “Ailə təsərrüfatları ili” elan edilməsi ilə əlaqədar mövcud ailə təsərrüfatlarının fəaliyyətlərini inkişaf etdirməsi və yeni yaradılan belə təsərrüfatlara maliyyə dəstəyi göstərilməsi məqsədilə qeyd olunan təsərrüfat subyektlərinə güzəştli kreditlər təklif edilməkdədir. Bankın sərfəli şərtlər və ən aşağı faiz dərəcələri ilə təklif etdiyi bir sıra kreditlər real sektorun genişlənməsinə mühüm töhfə verib. Belə ki, Naxçıvanbank tərəfindən 2019-cu ilin ilk 6 ayı ərzində sənaye sahəsinə 4 milyon 585 min, tikinti sahəsinə 3 milyon 295 min, kənd təsərrüfatına 2 milyon 992 min, ipotekaya 747 min, biznesin inkişafına 1 milyon 711 min və istehlak üçün 14 milyon manat həcmində kredit verilib. Ümumilikdə isə 1 iyul 2019-cu il tarixə bankın kredit portfeli 76 milyon 182 min manat həcmində olub ki, bu da ötən dövrdə “Naxçıvanbank” ASC-nin uğurlu fəaliyyətinin mühüm göstəricisi kimi qeyd oluna bilər.

Ardını oxu...

Bəşəriyyət yaranandan ana təbiət insanoğlunun xidmətindədir. Çünki Ulu Tanrı dağı, çölü, meşələri, dəniz və gölləri, torpağı özündə cəmləşdirən Yer kürəsini insanların, bütövlükdə isə bütün canlıların yaşaması üçün yaradıb. Bu baxımdan bəşəriyyətin var­olma səbəbi Təbiətdir. Ancaq təəssüflər olsun ki, bu gün bəşəriyyətin qlobal fəsadlarından sayılan ekoloji problemlərlə üz-üzə qalması da danılmazdır. Ekoloji problemlər – müxtəlif ekoloji amillər nəticəsində təbiətin strukturunun və funksiyasının dəyişməsi nəticəsində yaranan problemlərdir.
Hamıya məlumdur ki, texnologiya inkişaf etdikcə təbiətdə oksigen ehtiyatı azalmağa, karbon qazı isə əksinə, çoxalmağa doğru gedir. Elmi-texniki inqilab əsri hesab edilən XX əsrdən başlayaraq qazanxana və sənaye müəssisələrindən, hərəkət zamanı milyonlarla avtomobillərdən xaric olan zərərli qazlar, müasir layihələr üçün yaşıl bitki örtüyü sahələrinin məhv edilməsi və digər amillər təbiətin tarazlığını pozaraq anomal hava şəraitinin yaranmasına səbəb olur və bu proses indi də davam edir. Bunu hamı təsdiq edər ki, dünyanın istənilən ölkəsində, məsələn, yüz il bundan əvvəl olan təmiz hava indi mövcud deyil. Və yaxud iki yüz il bundan əvvəl insanlar məişət tullantılarının nə olduğunu bilmirdilər, indi isə bu cür tullantılar ekoloji problemlər sırasında ilk yerlərdən birini tutur. Belə misalların sayını dəfələrlə artırmaq olar.

Ardını oxu...

Naxçıvan şəhərindəki Mərkəzi bazarda ənənəvi kənd təsərrüfatı məhsullarının satışı yarmarkası davam edir. Burada olarkən çeşid müxtəlifliyi və bolluq diqqətimi cəlb etdi. Hazırda muxtar respublikada yetişən meyvə-tərəvəzlərin böyük əksəriyyətinin məhsul dövrü olduğundan satıcılar keyfiyyətli, təzə-tər məhsulları münasib qiymətə satışa çıxarırlar. Bu da mənim kimi, bütün alıcıların ürəyincədir.

Bazarı ucuzluq və bolluq içində görəndə bir daha əmin olursan ki, muxtar respublikada aqrar sahənin inkişafı prioritet istiqamət kimi diqqətdə saxlanılır. Çünki diyarımızın iqtisadiyyatının əsasını təşkil edən kənd təsərrüfatı əhalinin ərzaq təhlükəsizliyinin təmin olunmasında mühüm rol oynayır. Həyata keçirilən meliorativ tədbirlər nəticəsində əkinəyararlı yeni torpaq sahələri əkin dövriyyəsinə qatılır, dövlət tərəfindən ailə təsərrüfatlarına, torpaq mülkiyyətçilərinə subsidiyalar verilir, texnika və gübrələrlə təminat kənd təsərrüfatının inkişafına xidmət edir. Bu inkişafın ən mühüm göstəricilərindən biri də bazar və ticarət obyektləri, o cümlədən hər həftəsonu şahidi olduğumuz bol-bərəkətli yarmarkalardır.
Bir məqamı da unutmayaq ki, artıq süfrələrimizin dadı olan bir çox yerli məhsullarımız nəinki indi, ilin bütün fəsillərində əlçatandır. Düzdür, hər məhsulu öz mövsümündə dadmaq daha ləzzətlidir. Amma yerli məhsullarımız o qədər keyfiyyətli olur ki, qışın soyuğunda da istifadə etdikdə dadından doymaq olmur. 5-10 il bundan öncəni xatırlayaq... Məhsulların yetişən dövrünü gözləyirdik ki, nübar edək. Tək-tük mağazalarda bəzi məhsullara rast gələrdik. O da mövsümü olmadığına görə od qiymətinə. Qiyməti bir yana qalsın, həm də xaricdən gətirildiyindən yerli məhsul qədər dadlı və keyfiyyətli deyildi. Günümüzdə isə xiyar, pomidor, göyərti məhsullarından tutmuş bərəkətli torpaqlarımızın dadına dad qatdığı bir çox meyvə-­tərəvəzləri ilin bütün fəsillərində ucuz qiymətə əldə edə bilirik. Hətta muxtar respublikamızdan kənarda yaşayan qohum-­əqrəba, dost-tanışın da bu nemətlərdən pay gözləməsi diyarımızın ləziz təamlarının keyfiyyətindən xəbər verir.

Ardını oxu...

Şərur Rayon Rabitə İdarəsindən aldığımız məlumata görə, bölgədə 2 mərkəzi olmaqla, 45 kənddə ATS fəaliyyət göstərir. Bu telefon stansiyalarından 12 min 775 abonent istifadə edir. 2019-cu ilin ilk 6 ayı ərzində idarə tərəfindən 183 yeni telefon xətti çəkilib, abonentlərin sayı 12 min 775-ə çatdırılıb. İnternet istifadəçilərinin sayı 5193-dür. Bu da ötən ilin müvafiq dövrü ilə müqayisədə 363 nəfər çoxdur.
Bəhs olunan müddət ərzində rayonun bir sıra kəndlərində təmir işləri aparılıb, müxtəlif tutumlu kabellər çəkilərək rabitə şəbəkəsinin demontaj və montaj işləri yerinə yetirilib, abonentlərin rabitə xidmətindən yüksək səviyyədə istifadə etmələri üçün ATS-lərin xətt şəbəkələri yenidən qurulub. İstismarda olan 46 generator qurğusunun yağları dəyişdirilib, 3 generator təmir edilib. Bütün generatorların, akkumulyatorların sazlığı yoxlanılaraq mövsümə hazır vəziyyətə gətirilib.

Ardını oxu...

Şahbuz Rayon İcra Hakimiyyətində rayonunda keçirilən müşavirəni giriş sözü ilə rayon İcra Hakimiyyətinin başçısı Rəfael Babayev açıb.
Bildirilib ki, Ali Məclis Sədri tərəfindən verilmiş tapşırıqların icrasına uyğun olaraq muxtar respublikamızın bütün bölgələri ilə yanaşı, Şahbuz rayonunda da torpaqlardan səmərəli istifadə diqqətdə saxlanılır. Ötən müddətdə rayonda əkinəyararlı torpaq sahələrinin müəyyənləşdirilərək əkin dövriyyəsinə daxil edilməsi istiqamətində ardıcıl tədbirlər davam etdirilib, bələdiyyə torpaqlarından istifadə vəziyyəti və onlara nəzarət işi diqqətdə saxlanılıb. Nəticədə, 2016-2018-ci illərdə 6,99 hektar torpaq sahəsində qanunsuz inşa edilmiş 103 tikili sənədləşdirilərək vətəndaşların mülkiyyətinə verilib, qanunsuz zəbt edilmiş 14,46 hektar torpaq sahəsi əvvəlki vəziyyətinə qaytarılıb. Bundan əlavə, 2019-cu ilin altı ayında 0,73 hektar torpaq sahəsində qanunsuz inşa edilən 3 tikili sənədləşdirilərək vətəndaşların mülkiyyətinə verilib, zəbt olunmuş 0,37 hektar torpaq sahəsi əvvəlki vəziyyətinə qaytarılıb.

Ardını oxu...

ARXİV

Sentyabr 2019
Be Ça Ç Ca C Ş B
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6

MÜƏLLİFLƏR

KEÇİDLƏR