23 Aprel 2019, Çərşənbə axşamı

 

ARXİV

Aprel 2019
Be Ça Ç Ca C Ş B
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

 

 

LİNKLƏR

 

 

Azərbaycan Respublikasının Prezidenti İlham Əliyev sentyabrın 4-də ölkəmizin cənub bölgəsinə səfəri çərçivəsində Salyan rayonuna gəlmişdir. Azərbaycan Respublikasının Prezidenti İlham Əliyev sentyabrın 4-də Salyanda Heydər Əliyev Mərkəzinin, Salyan Rayon İcra Hakimiyyətinin yeni inzibati binasının açılışlarında iştirak etmiş, Salyanda Bayraq Meydanında yaradılan şəraitlə tanış olmuşdur.

*    *    *

Sentyabrın 4-də Azərbaycan Respublikasının Prezidenti İlham Əliyev Salyana səfərini başa çatdıraraq Biləsuvar rayonuna gəlmişdir. Azərbaycan Respublikasının Prezidenti İlham Əliyev sentyabrın 4-də Biləsuvar şəhərinə içməli suyun verilməsi mərasimində, Heydər Əliyev Mərkəzinin, Yeni Azərbaycan Partiyası rayon təşkilatının yeni inzibati binasının açılışlarında iştirak etmiş, rayon İcra Hakimiyyətinin yeni inzibati binasında yaradılmış şəraitlə tanış olmuşdur.

*    *    *

Azərbaycan Respublikasının Prezidenti İlham Əliyev sentyabrın 4-də Biləsuvara səfərini başa çatdıraraq Cəlilabad rayonuna gəlmişdir. Azərbaycan Respublikasının Prezidenti İlham Əliyev Cəlilabadda Qarazəncir-Qarakazımlı-Bayxanlı avtomobil yolunun, “Fidan” körpələr evi-uşaq bağçasının, Cəlilabad Rayon Mərkəzi Xəstəxanasının açılışlarında iştirak etmişdir.

*    *    *

Həmin gün Azərbaycan Respublikasının Prezidenti İlham Əliyev Yardımlı və Masallı rayonlarında da bir sıra sosial obyektlərin açılışlarında iştirak etmişdir.

AzərTAc

Sentyabrın 4-də Azərbaycan Milli Elmlər Akademiyasının Naxçıvan Bölməsinin Elektron kitabxanasının açılışı olmuşdur.
Naxçıvan Muxtar Respublikası Ali Məclisinin Sədri Vasif Talıbov açılış mərasimində iştirak etmişdir.
Tədbirdə çıxış edən Azərbaycan Milli Elmlər Akademiyasının Naxçıvan Bölməsinin sədri, akademik İsmayıl Hacıyev demişdir ki, bu gün muxtar respublikada elmin inkişafına hərtərəfli qayğı göstərilir. Azərbaycan Milli Elmlər Akademiyasının Naxçıvan Bölməsinə də bu qayğıdan pay düşmüş, bölmənin maddi-texniki bazası gücləndirilmiş, əməkdaş­ların fəaliyyəti üçün lazımi şərait yaradılmışdır. Bu gün istifadəyə verilən elektron kitabxana da bu sahədə həyata keçirilən tədbirlərin davamıdır. Yaradılan şərait əməkdaşların öz elmi tədqiqatlarını səmərəli aparmalarına, onların elmi fəaliyyətinin daha da gücləndirilməsinə imkan verəcəkdir. Akademik İsmayıl Hacıyev yaradılan şəraitə görə kollektiv adından minnətdarlığını bildirmiş, bundan sonra daha da səylə çalışacaqlarına söz vermişdir.

Ardını oxu...

Muxtar respublikada müasir xidmət növlərinin yaradılması, dövlət idarələrində vətəndaşlara göstərilən texniki xidmətlərin müasir standartlar səviyyəsində qurulması diqqət mərkəzində saxlanılır. Vətəndaşların biometrik pasportlarının hazırlanması da bu istiqamətdə həyata keçirilən tədbirlərin davamıdır.

Sentyabrın 4-də Naxçıvan Muxtar Respublikası Daxili İşlər Nazirliyinin Pasport-Qeydiyyat və Miqrasiya Şöbəsində ilk biometrik pasportun təqdimatı olmuşdur.

Ardını oxu...

Azərbaycan Respublikasının Prezidenti İlham Əliyev sentyabrın 3-də İtaliya Respublikasının ölkəmizdəki səfiri Ciampaolo Kutillonun etimadnaməsini qəbul etmişdir.
Diplomat etimadnaməsini Prezident İlham Əliyevə təqdim etdi.
Sonra Azərbaycan Prezidenti İlham Əliyev səfirlə söhbət etdi.
Dövlətimizin başçısı Azərbaycan ilə İtaliya arasında ikitərəfli əlaqələrin uğurla inkişaf edərək tərəfdaşlıq səviyyəsinə qalxdığını vurğuladı. İtaliya Respublikası Nazirlər Şurasının Prezidenti Enriko Lettanın ölkəmizə tarixi səfərini və səfər zamanı aparılan müzakirələri məmnunluqla xatırlayan Prezident İlham Əliyev əlaqələrimizin daha da möhkəmləndirilməsi baxımından bu səfərin önəmini qeyd etdi.
Səfir Ciampaolo Kutillo Azərbaycanda gedən sürətli inkişaf proseslərinin onda dərin təəssürat yaratdığını dedi.

*    *    *

Azərbaycan Respublikasının Prezidenti İlham Əliyev sentyabrın 3-də Belçika Krallığının ölkəmizdəki səfiri xanım Karen Petitin,Yunanıstan Respublikasının ölkəmizdəki səfiri Dimitrios Tsounqasın, Niderland Krallığının ölkəmizdəki səfiri Robert Jan Qabrielsenin etimadnamələrini qəbul etmişdir.

AzərTAc

Azərbaycan Respublikasının Prezidenti İlham Əliyev avqustun 30-da Binəqədi rayonundakı 135 və 248 nömrəli orta məktəblərin binalarının əsaslı təmir və yenidənqurmadan sonrakı vəziyyəti ilə tanış olmuşdur.
Prezident İlham Əliyev əvvəlcə Binəqədi rayonundakı 135 nömrəli orta məktəbin binasının əsaslı təmir və yenidənqurmadan sonrakı vəziyyəti ilə tanış oldu.
Dövlətimizin başçısı məktəbin təmirdən əvvəlki vəziyyətini əks etdirən fotolardan ibarət stendə baxdı.
Prezident İlham Əliyevə məlumat verildi ki, 1970-ci ildə istifadəyə verilən məktəbdə dövlət proqramına uyğun olaraq, əsaslı təmir və yenidənqurma işləri yüksək standartlara uyğun şəkildə həyata keçirilmişdir. Məktəbin elektrik və kommunikasiya xətləri yeniləri ilə əvəz olunmuş, müasir istilik sistemi quraşdırılmışdır. 1020 şagird yerlik məktəbin bütün sinif otaqları, idman və iclas zalları, yeməkxanası tam təmir olunmuş, həyətdəki açıq idman meydançası əsaslı şəkildə yenidən qurulmuşdur. Məktəbdə dərslər bir növbədə aparılacaqdır.
Sonra Prezident İlham Əliyev 248 nömrəli orta məktəbdə həyata keçirilən əsaslı təmir və yenidənqurma işləri ilə tanış oldu. Burada görülən işlər barədə dövlətimizin başçısına məlumat verildi. Məktəbin 1969-cu ildə istifadəyə verildiyi qeyd olundu. Bildirildi ki, 1020 şagird yerlik bu orta məktəbin 41 sinif otağı vardır. Dərslər bir növbədə keçirilir. Bütün sinif otaqları, fənn kabinetləri, idman və iclas zalları yüksək standartlar səviyyəsində təmir edilmişdir. Məktəbin işıq və istilik sistemi ən müasir tələblər səviyyəsindədir.
Dövlətimizin başçısı sinif otaqlarına, ayrı-ayrı fənn kabinetlərinə baxdı, idman və iclas zallarında yaradılan şəraitlə yaxından tanış oldu.
Məktəbin həyətindəki açıq idman meydançası da yenidən qurulmuşdur. Bu təhsil ocağının ərazisində də abadlıq və quruculuq işləri həyata keçirilmişdir.

AzərTAc

QƏZETİN BUGÜNKÜ NÖMRƏSİ

3883053
Bu gün
Dünən
Bu həftə
Bu ay
Cəmi
119
4106
4225
73444
3883053

Submit to FacebookSubmit to Google PlusSubmit to Twitter