NAXÇIVAN :

21 Aprel 2026, Çərşənbə axşamı

Aqrar sığorta fəaliyyəti üzrə müstəqil ekspert sertifikatı almaq istəyənlər üçün imtahan təşkil ediləcək

...

Aprelin 26-da Dövlət İmtahan Mərkəzi (DİM) aqrar sığorta fəaliyyəti üzrə müstəqil ekspert sertifikatı almaq istəyən və Aqrar Sığorta Fondunun keçirdiyi təlimləri müvəffəqiyyətlə başa vurmuş namizədlər üçün test imtahanı təşkil edəcək.

Mərkəzdən  bildirilib ki, imtahan DİM-in elektron imtahanlar korpusunda təşkil ediləcək.

İmtahan vermək üçün 23 nəfər müraciət edib.

Namizədlər imtahana buraxılış vərəqəsini və şəxsiyyət vəsiqəsinin əslini mütləq təqdim etməlidirlər. Göstərilən sənədlərdən biri olmadıqda və ya onlar arasında uyğunsuzluq olduqda namizəd imtahana buraxılmayacaq.

Nəşr edilib : 21.04.2026 11:12