Azərbaycan dili fənnindən imtahan keçirilib

Bu gün Dövlət İmtahan Mərkəzi tərəfindən orta məktəblərin 11-ci və 9-cu siniflərini rus bölməsi üzrə bitirən şagirdlər və bu il rus bölməsi üzrə ali və orta ixtisas təhsili müəssisələrinə sənəd verən abituriyentlər üçün Azərbaycan dili fənnindən imtahan keçirilib.
"Şərq qapısı" xəbər verir ki, Naxçıvan şəhər 14 nömrəli tam orta məktəbdə keçirilən imtahanda, ümumilikdə, 76 şagird və abituriyent iştirak edib. İmtahanın idarə olunmasına 1 imtahan rəhbəri, 8 nəzarətçi cəlb olunub.
Qeyd edək ki, saat 10:00-da başlanan imtahan 1 saat 30 dəqiqə davam edib.