NAXÇIVAN :

10 May 2026, Bazar

Ceyhun Bayramov: Əfsuslar olsun ki, Ermənistanda hələ də Azərbaycana qarşı revanşist düşüncəli şəxslər var

...

Ermənistan indi böyük siyasi proses astanasındadır. Məlumdur ki, iyunun 7-də Ermənistanda parlament seçkiləri keçiriləcək. Ermənistan parlament respublikası olduğundan həmin seçkilər o ölkə üçün çox önəmlidir. Hökumətin formalaşması seçkilərin nəticələrindən asılıdır. Belə demək olarsa, gərgin mübarizə gedir. Bu istiqamətdə müxtəlif alətlərdən istifadə olunur.

"Şərq qapısı" xəbər verir ki, bunu jurnalistlərə açıqlamasında xarici işlər naziri Ceyhun Bayramov söyləyib.

Nazir fikirlərinə davam edərək deyib: “Əfsuslar olsun ki, Ermənistan siyasi dairələri arasında hələ də Azərbaycana qarşı revanşist düşüncəli şəxslər var. Onlar məhz bu istiqaməti seçkiqabağı kampaniya zamanı da büruzə verirlər. Hər birimiz başa düşürük ki, bunun Ermənistan üçün heç bir müsbət nəticəsi ola bilməz. Güman edirik ki, Ermənistan seçicisi də bunları düzgün qiymətləndirib öz seçimini edəcək. Azərbaycan hər zaman prosesləri diqqətlə izləyir. Biz bu və ya digər qrupların çıxışlarını nəzərdən keçirərək siyasətimizi ilk növbədə Azərbaycanın milli maraqlarına uyğun həyata keçiririk. Ölkəmizin güclü, qüdrətli olması, regionun lider dövləti olaraq hər zaman bir neçə addım öndə olmasını təmin etmək bizim milli maraqlarımıza uyğundur və əminəm ki, belə də olacaq”.

Nəşr edilib : 10.05.2026 14:10