NAXÇIVAN :

19 Aprel 2026, Bazar

Dövlət Xidmətində Özbəkistan nümayəndə heyəti ilə müzakirələr aparılıb

...

Azərbaycanda rəsmi səfərdə olan Özbəkistan Müdafiə Nazirliyinin nümayəndə heyəti Səfərbərlik və Hərbi Xidmətə Çağırış üzrə Dövlət Xidmətini (SHXÇDX) ziyarət edib. Azərbaycan Müdafiə Nazirliyinin təşkilatçılığı ilə keçirilən görüşdə qurumların rəhbər şəxsləri iştirak ediblər.

"Şərq qapısı" xəbər verir ki, SHXÇDX-dən verilən məlumata görə, görüşdə hərbi xidmətə çağırış prosesi, tibbi şəhadətləndirmə, möhlət hüququ, dinc dövrdə və müharibə dövründə səfərbərlik hazırlığı, proseslərin avtomatlaşdırılması, rəqəmsallaşma və bir sıra digər mühüm məsələlər müzakirə olunub, qonaqları maraqlandıran suallar cavablandırılıb.

Bundan başqa, yerli struktur bölmələrin birinə yerində baxış keçirilib, tibbi şəhadətləndirmə prosesi də daxil olmaqla ümumilikdə iş prosesi ilə tanışlıq olub.

Sonda qonaqlara rəmzi hədiyyələr təqdim edilib.

Nəşr edilib : 10.12.2025 14:50