NAXÇIVAN :

23 Sentyabr 2026, Çərşənbə

Naxçıvanda daşınmaz əmlak sahəsində elektron müraciətlərin sayı 93 faiz artıb

...

Naxçıvan Muxtar Respublikası İqtisadiyyat Nazirliyi yanında Əmlak Məsələləri Dövlət Xidmətinə hesabat dövründə hüquqi və fiziki şəxslər, o cümlədən notariat ofisləri tərəfindən, ümumilikdə, 9 123 elektron müraciət daxil olub.
“Şərq qapısı” Naxçıvan Muxtar Respublikası İqtisadiyyat Nazirliyinə istinadən xəbər verir ki, ötən ilin müvafiq dövrü ilə müqayisədə elektron müraciətlərin sayında 93 faiz artım qeydə alınıb.
Qeyd edək ki, elektron xidmətlərin vahid platforma üzərindən təqdim edilməsi xidmətlərə çıxış imkanlarını asanlaşdırmaqla yanaşı, vaxta qənaət etməyə, işlərin tam şəffaf və rahat şəkildə həll olunmasına da kömək edir.

Nəşr edilib : 23.09.2026 10:12