Naxçıvanda havanın temperaturunun 5-8°C aşağı enəcəyi gözlənilir

Naxçıvan Muxtar Respublikası Ekologiya və Təbii Sərvətlər Nazirliyinin Hidrometeorologiya Mərkəzindən "Şərq qapısı"na verilən məlumata əsasən 27-30 avqust tarixlərdə muxtar respublika ərazisində hava şəraitinin dəyişkən olacağı gözlənilir.

Dağlıq ərazilərdən başlayaraq bəzi yerlərdə fasilələrlə yağış yağacağı və şimşək çaxacağı ehtimal olunur.

Şərq küləyi əsəcək, küləyin sürəti 5-10 m/san, bəzi yerlərdə arabir 15-20 m/san-dək güclənəcək.

Havanın temperaturunun əvvəlki günlərlə müqayisədə 5-8°C aşağı enəcəyi ehtimal olunur.

Nəşr edilib : 27.08.2026 11:02

PAYLAŞ: