Naxçıvanda Miri Yusifin konserti maraqlı anlarla yadda qalıb

Naxçıvan Şəhər İcra Hakimiyyətinin təşkilatçılığı ilə Naxçıvan şəhərinin Heydər Əliyev prospektində keçirilən “Snow fest – Qış festivalı”nın son günü maraqlı anlarla yadda qalıb.
“Şərq qapısı” xəbər verir ki, festival böyük izdihamla müşayiət olunub. Azərbaycanın Xalq artisti Miri Yusif hit mahnıları ilə dinləyicilərinə əsl bayram ab-havası yaşadıb.
Dünya Azərbaycanlılarının Həmrəyliyi Günü və Yeni il bayramı Naxçıvanda “Snow fest – Qış festivalı” sayəsində yüksək coşqu ilə qeyd edilib. Qeyd edək ki, festival çərçivəsində digər populyar ifaçıların iştirakı ilə maraqlı konsert proqramı, əyləncəli şoular, tamaşalar təqdim olunub.