NAXÇIVAN :

13 Oktyabr 2026, Çərşənbə axşamı

Naxçıvanda təhsilverənlərin sertifikatlaşdırılması prosesinin ikinci dövriyyəsi üzrə müsahibə mərhələsinə başlanılıb

...

Müsahibə mərhələsi 12-22 oktyabr tarixlərdə Naxçıvan şəhər 11 nömrəli tam orta məktəbdə təşkil olunacaq.
“Şərq qapısı” xəbər verir ki, bu mərhələdə 2026-cı il mayın 2-3-də və 10-11-də keçirilmiş test imtahanlarında uğur qazanmış 2436 təhsilverənin iştirakı nəzərdə tutulur.
Müsahibə zamanı namizədlərin bilikləri və peşəkar fəaliyyətləri müəyyən edilmiş meyarlar əsasında qiymətləndirilir. Qiymətləndirmənin nəticələrinə əsasən 20 və daha çox bal toplayan namizədlər müsahibə mərhələsində uğur qazanmış hesab ediləcəklər.
Xatırladaq ki, test imtahanında keçid balını toplayan şəxslərin əməkhaqqına 10 faiz, 51 bal və daha yüksək nəticə əldə edən şəxslərin əməkhaqqına isə 35 faiz əlavə tətbiq ediləcək.

Nəşr edilib : 12.10.2026 20:24