NAXÇIVAN :

28 Avqust 2026, Cümə

Qazaxıstan hökuməti istefaya gedib

...

Baş nazir Olcas Bektenovun rəhbərlik etdiyi Qazaxıstan hökuməti istefaya gedib.

"Şərq qapısı" xəbər verir ki, hökumətin istefası barədə fərmanı Prezident Kasım-Jomart Tokayev imzalayıb.

Ölkənin yeni Konstitusiyasına əsasən, hökumət yeni seçilmiş parlament qarşısında səlahiyyətlərini dayandırır.

Konstitusiyanın 69-cu maddəsinin 1-ci bəndinə və “Qazaxıstan Respublikasının Hökuməti haqqında” Konstitusiya Qanununun 4-cü maddəsinə uyğun olaraq, hökumətin yeni seçilmiş Qurultay (parlament) qarşısında səlahiyyətlərini dayandırması ilə əlaqədar Prezident Tokayev qərara alıb ki, hazırkı hökumət üzvləri Nazirlər Kabinetinin yeni tərkibi təsdiqlənənə qədər vəzifələrini icra edəcəklər.

Yeni milli parlamentə seçkilər avqustun 23-də keçirilib. Hakim “Adilet” partiyası 71,17 faiz səs toplayaraq Qurultayda 110 deputat mandatı əldə edib.

Kasım-Jomart Tokayevin sözlərinə görə, hökumətin yenilənməsinin məqsədi sırf işdən çıxarmalar və ya “media kontenti” yaratmaq deyil, hökumətin fəaliyyətinə “ciddi təkan” verməkdir. O vurğulayıb ki, modernləşmə fasiləsiz aparılmalıdır, bu, mürəkkəb prosesdir və hökumət bu prosesdə mühüm rol oynayır.

Nəşr edilib : 28.08.2026 11:50