NAXÇIVAN :

01 Oktyabr 2026, Cümə axşamı

Xəzərdə güclü küləklə bağlı gəmilərə xəbərdarlıq edilib

...

Dövlət Dəniz və Liman Agentliyinin (DDLA) Gəmi Hərəkətinin İdarəedilməsi Mərkəzi Xəzər dənizində gözlənilən güclü küləklə əlaqədar gəmilərə xəbərdarlıq edib.

DDLA-dan bildirilib ki, oktyabrın 2-si gündüz saatlarından Xəzər dənizinin akvatoriyasında şimal-qərb və şimal küləyinin güclənəcəyi və oktyabrın 3-ü səhərədək davam edəcəyi gözlənilir.

Proqnoza əsasən, həmin müddətdə küləyin sürəti 18-23 metr/saniyə olacaq, arabir 25-28 metr/saniyəyədək, açıq dənizdə isə 30 metr/saniyəyədək güclənəcək. Güclü külək nəticəsində dalğanın hündürlüyünün 2-3 metrə çatacağı, hava şəraitinin sonrakı inkişafında isə 3,5-5,5 metrədək yüksələcəyi proqnozlaşdırılır. Bununla əlaqədar Xəzər dənizində fəaliyyət göstərən gəmi və digər dəniz nəqliyyatı vasitələrinin heyətlərinə hava şəraitini nəzərə almaları və təhlükəsizlik tədbirlərinə ciddi riayət etmələri tövsiyə olunur.

Nəşr edilib : 01.10.2026 15:21