Azərbaycan və Latviya arasında aqrar sahədə əməkda...
16:28 14.05.2025
0
0
0
MDB-də kosmosdan hərbi üstünlük əldə etmək məqsədilə istifadəyə qarşı mübarizənin vacibliyi qeyd olunub
Minskdə MDB ölkələri nümayəndələrinin "Silahlanmaya nəzarət, tərk-silah və silahların yayılmaması məsələləri" mövzusunda XİN-lərarası məsləhətləşmələr keçirilib.
"Şərq qapısı"nın MDB İcraiyyə Komitəsinə istinadən verdiyi məlumata görə, məsləhətləşmələrdə Azərbaycan, Belarus, Qazaxıstan, Qırğızıstan, Rusiya, Tacikistan, Özbəkistan və MDB İcraiyyə Komitəsinin nümayəndələri iştirak ediblər.
İştirakçılar silahlanmaya nəzarət, tərk-silah və silahların yayılmaması sahəsində vəziyyətin beynəlxalq təhlükəsizliklə bağlı vəziyyətdən asılı olduğunu vurğulayıblar.
"Bu sahədə səmərəli irəliləyiş üçün əlverişli şərait yaratmaq məqsədilə etimad mühitinin və müqavilə-hüquqi bazanın effektivliyinin bərpası istiqamətində ciddi kollektiv səylərin göstərilməsi, dövlətlərarası fundamental ziddiyyətlərin əsas səbəblərinin aradan qaldırılmasına diqqət yetirilməsi tələb olunur", - məlumatda qeyd olunub.
Xarici siyasət idarələrinin nümayəndələri Nüvə Silahlarının Yayılmaması Müqaviləsi platformasından müqavilə ilə əlaqəsi olmayan siyasi məqsədlərə nail olmaq üçün istifadə edilməsinə qarşı çıxıblar.
Tərəflər 2026-cı ildə Tərk-silah məsələləri üzrə Birgə Konsultativ Komissiyanın iclasında kosmik fəzada silahlanma yarışının qarşısının alınması məsələsinin müzakirəsinə maraq ifadə ediblər.
Nəşr edilib : 14.05.2025 12:37
Digər xəbərlər
