Naxçıvanda “Uşaqların rəngli dünyası-2026” festivalı keçirilir

Hazırda Naxçıvan şəhərində, Heydər Əliyev Mədəniyyət və İstirahət Parkında 1 iyun – Uşaqların Beynəlxalq Müdafiəsi Gününə həsr olunmuş “Uşaqların rəngli dünyası-2026” festivalı keçirilir.
"Şərq qapısı" xəbər verir ki, festival Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsinin və Naxçıvan Şəhər İcra Hakimiyyətinin təşkilatçılığı, Naxçıvan Muxtar Respublikası Təhsil, Mədəniyyət və Gənclər və İdman nazirliklərinin dəstəyi ilə baş tutur. Festival çərçivəsində uşaqlar üçün zəngin əyləncə proqramları təşkil olunub. Tədbirdə yaradıcılıq sərgiləri, musiqi və rəqs nömrələri, intellektual oyunlar, müxtəlif müsabiqələr və maraqlı təqdimatlar nümayiş etdirilir.