NAXÇIVAN :

08 Iyun 2026, Bazar ertəsi

NDU Beynəlxalq Kembric Məktəbində beynəlxalq Eynşteyn Olimpiadası keçirilib

...

NDU Beynəlxalq Kembric Məktəbində Almaniya mərkəzli beynəlxalq Eynşteyn Olimpiadasının ilk mərhələsi keçirilib.
"Şərq qapısı" xəbər verir ki, olimpiadada muxtar respublikanın müxtəlif ümumtəhsil məktəblərindən 60-a yaxın şagird iştirak edib.
İlk mərhələdə iştirakçılar riyaziyyat fənni üzrə məntiqi düşünmə, analiz və problem həlletmə bacarıqlarını nümayiş etdiriblər. Ardınca təşkil olunan ikinci mərhələdə isə şagirdlər “Science” fənni üzrə biliklərini sınayaraq elmi dünyagörüş və praktik düşüncə qabiliyyətlərini ortaya qoyublar.
Olimpiadanın əsas məqsədi şagirdlərin elmə marağını artırmaq, onların məntiqi və analitik düşünmə bacarıqlarını inkişaf etdirmək, eyni zamanda beynəlxalq təcrübəyə inteqrasiyasını dəstəkləməkdir.

Nəşr edilib : 17.05.2026 19:26