NAXÇIVAN :

01 May 2025, Cümə axşamı

Azərbaycan və Böyük Britaniya enerji sahəsində strateji tərəfdaşlığı müzakirə edib

...

Azərbaycan və Böyük Britaniya enerji sahəsində strateji tərəfdaşlığı və investisiya imkanlarını müzakirə edib.

"Şərq qapısı" xəbər verir ki, bunu energetika naziri Pərviz Şahbazov “X” sosial şəbəkəsindəki hesabında bildirib.

Nazir bildirib ki, Londonda Birləşmiş Krallığın biznes və ticarət üzrə dövlət katibinin müavini, xidmətlər, kiçik bizneslər və ixrac naziri Qaret Tomasla səmərəli görüş keçirib.

“Enerji sahəsində strateji tərəfdaşlığımızı və investisiya imkanlarını, eləcə də iqtisadi-ticari əlaqələrimizin inkişafı üzrə aktual məsələləri müzakirə etdik”, - deyə P. Şahbazov qeyd edib.

Nəşr edilib : 30.04.2025 18:09