NAXÇIVAN :

29 Iyul 2026, Çərşənbə

Finlandiyada yaşayan azərbaycanlılar “Sabah” komandasına dəstək olublar

...

UEFA Çempionlar Liqasının II təsnifat mərhələsi çərçivəsində Finlandiyanın Kupio şəhərində keçirilən KuPS – “Sabah” oyununda Azərbaycan təmsilçisi rəqibini 2:0 hesabı ilə məğlub edib.

"Şərq qapısı" xəbər verir ki, Helsinkidən təxminən 390 kilometr məsafədə yerləşən Kupio şəhərində baş tutan qarşılaşmanı izləmək üçün Finlandiyanın müxtəlif bölgələrində yaşayan azərbaycanlı azarkeşlər bir araya gəliblər.

Səfər Finlandiyadakı Azərbaycan Evinin rəhbəri Ülviyyə Cabbarovanın təşkilatçılığı ilə reallaşıb. Azarkeşlər oyun boyu komandamızı böyük ruh yüksəkliyi ilə dəstəkləyiblər.

Qarşılaşmadan sonra göstərdiyi dəstəyə görə “Sabah” komandası tərəfindən Ülviyyə Cabbarovaya klubun rəsmi forması hədiyyə edilib.

Bu görüş Finlandiyada yaşayan azərbaycanlıların öz komandalarına sədaqətini, həmçinin birlik və həmrəylik ruhunu bir daha nümayiş etdirib.

Nəşr edilib : 29.07.2026 00:15