Birinci rübdə 80 minədək mülkiyyət hüququnun dövlə...
15:37 21.04.2026
0
0
0
Naxçıvan şirkətləri “Xəzər Tikinti Həftəsi”ndə məhsullarını nümayiş etdirir
Oktyabrın 14-də Bakı Ekspo Mərkəzində regionun ən iri sənaye tədbirlərindən biri olan “Xəzər Tikinti Həftəsi” öz işinə başlayıb.
Naxçıvan Muxtar Respublikası İqtisadiyyat Nazirliyinin mətbuat xidmətindən "Şərq qapısı"na bildirilib ki, inşaat sektorunda nüfuzlu beynəlxalq platforma hesab olunan bu tədbir çərçivəsində “BakuBuild”, “Rebuild Karabakh”, “Aquatherm Baku”, “Plastex Caspian” və “Road&Traffic” sərgiləri keçirilir. Builki sərgilərdə 17 ölkədən 299 şirkət iştirak edir.
AZPROMO və Naxçıvan Muxtar Respublikası İqtisadiyyat Nazirliyinin birgə təşəbbüsü ilə muxtar respublikada fəaliyyət göstərən 4 istehsalçı şirkətin “Rebuild Karabakh” sərgisində iştirakı təmin olunub. Bu şirkətlərdən “Cahan Sənaye Kompleksi” MMC və “Azelektrod” MMC AZPROMO-nun vahid stendində yer alıb. “Reges Tikinti Materialları” MMC və “Arkoz” Holding isə sərgidə fərdi stendlərlə çıxış edir.
Nümayiş olunan məhsullar sırasında PVC qapı və pəncərə profilləri, PPR borular və fitinqlər, panel radiatorlar, travertin və daş məmulatı, mebel, sement, əhəng, gips, alçipan profilləri, sement əsaslı yapışdırıcılar, su və istilik sistemləri boruları, elektrodlar və digər inşaat materialları yer alır. Ümumilikdə, Naxçıvan istehsalçıları tərəfindən 20-dən çox məhsul təqdim olunur.
Nəşr edilib : 15.10.2025 15:53
Digər xəbərlər
