NAXÇIVAN :

11 Avqust 2026, Çərşənbə axşamı

Naxçıvanda birinci yarımildə narkotiklə əlaqəli 8 cinayət faktı aşkarlanıb

...

Naxçıvan Muxtar Respublikasında ictimai təhlükəsizliyin təmin edilməsi, cinayətkarlığın qarşısının alınması və hüquq qaydalarının möhkəmləndirilməsi istiqamətində polis əməkdaşları tərəfindən son 6 ay ərzində kompleks əməliyyat-axtarış və profilaktik tədbirlər həyata keçirilib.
 Naxçıvan Muxtar Respublikası Daxili İşlər Nazirliyinin mətbuat xidmətindən "Şərq qapısı"na bildirilib ki, nəticədə, müxtəlif hüquqazidd əməllərin törədilməsində şübhəli bilinən şəxslər müəyyən edilərək saxlanılıb və barələrində qanunvericiliyə uyğun tədbirlər görülüb.
 Ticarət obyektlərindən, mənzillərdən və digər ərazilərdən pul, qızıl-zinət əşyaları, əlvan metallar, məişət əşyaları oğurlamaqda şübhəli bilinən 89 nəfər məsuliyyətə cəlb olunub.
 Muxtar respublika ərazisində narkotik vasitənin təsiri altında nəqliyyat vasitəsini idarə edən 11 nəfər saxlanılıb.Bununla yanaşı, qeyd edilən dövr ərzində narkotiklə əlaqəli 8 cinayət faktı aşkarlanıb, şübhəli şəxslər barəsində məsuliyyət tədbirləri görülüb.
 Polis əməkdaşları tərəfindən yabanı halda bitmiş 19,218 ton çəkidə 230 min 632 ədəd çətənə və xaş-xaş kolu aşkarlanaraq məhv olunub. Bu istiqamətdə qətiyyətli mübarizə davam etdirilir.

Nəşr edilib : 06.08.2026 12:54