NAXÇIVAN :

21 Aprel 2026, Çərşənbə axşamı

Naxçıvanlı şahmatçılar Malatyada uğur qazanıblar

...

Türkiyənin Malatya şəhərində “Altın Kayısı” beynəlxalq açıq şahmat turniri keçirilib. 8-ci dəfə təşkil olunan ənənəvi yarışda 11 ölkədən 96-sı xarici və 390-ı yerli olmaqla, ümumilikdə 486 şahmatçı mübarizə aparıb.

Turnirdə Naxçıvan Muxtar Respublikasından 10 şahmatçı iştirak edib. Onlardan üçü uğurlu nəticəyə nail olub.

Yarışın A qrupunda çıxış edən Urfan Sevdimaliyev və Pərviz Qasımov ilk onluğa düşərək mükafatçılar sırasında yer alıblar. B qrupunda isə veteran şahmatçımız Bahəddin Hətəmov uğurla çıxış edərək 3-cü yerə layiq görülüb.

Qeyd edək ki, Türkiyənin Bitlis şəhərində start götürən "Betav Open" beynəlxalq turnirində də Naxçıvan şahmatçıları iştirak edir. Bu yarışda 20 idmançı ilə təmsil olunuruq.

Nəşr edilib : 02.09.2025 16:25