NAXÇIVAN :

03 May 2026, Bazar

Xocalıda yanğın törədən şəxs saxlanılıb

...

Yanvarın 13-də Xocalı rayonunun Dağyurdu kəndi ərazisində yanğın hadisəsi törədən şəxs polis əməkdaşları tərəfindən müəyyən edilib.

"Şərq qapısı" xəbər verir ki, Daxili İşlər Nazirliyinin mətbuat xidmətinin regional qrupundan bildirilib ki, araşdırmalar nəticəsində yanğının Xocalı rayonundakı fermalardan birində çoban işləyən, 1977-ci il təvəllüdlü Babaxan Əhmədovun siqaret kötüyünü yerə atması nəticəsində baş verdiyi məlum olub.

Hadisə nəticəsində ümumilikdə 5 hektar sahədə biçilmiş əkin sahəsi və kol-kos yanıb.

Babaxan Əhmədov barəsində protokol tərtib olunaraq baxılması üçün məhkəməyə göndərilib.

Nəşr edilib : 13.01.2026 17:40