NAXÇIVAN :

10 Sentyabr 2026, Cümə axşamı

Astanada türk dövlətlərinin daxili işlər nazirləri bir araya gəliblər

...

Qazaxıstanın paytaxtı Astana şəhərində Türk Dövlətləri Təşkilatına üzv ölkələrin daxili işlər nazirlərinin görüşü başlayıb.

"Şərq qapısı" Qazaxıstan Daxili İşlər Nazirliyinə istinadla xəbər verir ki, görüş bu ölkənin daxili işlər naziri Yerjan Sadenovun sədrliyi ilə keçirilir.

Görüşün gündəliyində cinayətkarların axtarışı sahəsində əməkdaşlıq, həmçinin kibercinayətkarlığa, transmilli mütəşəkkil cinayətkarlığa, ekstremizmə, insan alverinə və qanunsuz miqrasiyaya qarşı mübarizə məsələləri yer alır.

Əsas diqqət praktiki əməkdaşlığa və konkret birgə qərarlara yönəldilib.

Nəşr edilib : 10.09.2026 17:43