NAXÇIVAN :

13 Noyabr 2026, Cümə

Doqquz ayda 25,2 milyard manatlıq 4404 repo əqdi bağlanıb

...

Cari ilin 9 ayı ərzində ümumi həcmi 25,2 miilyard manat olan 4404 repo əqdi bağlanıb.

"Şərq qapısı" Mərkəzi Bankın "Pul Siyasəti İcmalı"na istinadla xəbər verir ki, əməliyyatların ümumi həcminin 84 faizi bankların iştirakı ilə həyata keçirilib. Müddət strukturuna görə isə repo əqdlərinin 91 faizini 6-8 günlük əməliyyatlar təşkil edib. Repo əməliyyatları üzrə ortaçəkili faiz dərəcəsinin rüblər üzrə azalma meyli davam edib. Belə ki, orta faiz dərəcəsi ilin birinci rübündə 6 faiz təşkil etdiyi halda, ikinci rübdə 5,68 faizə, üçüncü rübdə isə 5,17 faiz səviyyəsinədək enib.

Ümumilikdə, cari ilin 9 ayında repo əqdləri üzrə orta faiz dərəcəsi 5,71 faiz təşkil edib ki, bu da 0,9 faiz bəndi azdır.

Nəşr edilib : 13.11.2026 17:49