NAXÇIVAN :

27 Iyun 2025, Cümə

Naxçıvan Dövlət Universitetinin professoru dünyasını dəyişib

...

Naxçıvan Dövlət Universitetinin professoru, Azərbaycan Respublikasının Əməkdar müəllimi Babayev Yasin Nağı oğlu vəfat edib.
"Şərq qapısı" xəbər verir ki, Yasin Babayev 1948-ci il iyunun 20-də Ordubad şəhərində anadan olub. 1965-ci ildə orta məktəbi, 1971-ci ildə Bakı Dövlət Universitetinin Kimya fakültəsini bitirib. 
1967-1976-cı illərdə Azərbaycan SSR Elmlər Akademiyasının (indiki adı ilə AMEA) Qeyri-üzvi və fiziki kimya institutunda laborant, baş laborant, mühəndis vəzifələrində çalışıb. 1976-cı ildən Naxçıvan Dövlət Universitetində çalışan alim 1978-ci ildə namizədlik dissertasiyası müdafiə edərək kimya elmləri namizədi, 2005-ci ildə isə doktorluq dissertasiyası müdafiə edərək kimya üzrə elmlər doktoru elmi dərəcəsini alıb. 1986-cı ildə dosent, 2010-cu ildə professor elmi adlarına layiq görülüb. 2007-ci ildə Azərbaycan Respublikasının Əməkdar müəllimi fəxri adına layiq görülüb.
Alimin 167 elmi məqaləsi, ikisi dərslik olmaqla, 4 kitabı, 4 patenti çap olunub. 3 fəlsəfə doktorunun elmi rəhbəri olub, onlarla tələbənin təlim-tərbiyəsində mühüm rol oynayıb, pedaqoji və elmi biliklərini əsirgəməyib.
Allah rəhmət eləsin!

Nəşr edilib : 21.06.2025 13:14