Naxçıvanda “Qərbi Azərbaycan: tarixi, mədəniyyəti və böyük qayıdış” respublika elmi konfransı keçirilir YENİLƏNƏCƏK

Naxçıvan Muxtar Respublikası Nazirlər Kabineti, Azərbaycan Milli Elmlər Akademiyası, AMEA Naxçıvan Bölməsi, Qərbi Azərbaycan İcması, Naxçıvan Dövlət Universiteti və AMEA A.A.Bakıxanov adına Tarix və Etnologiya İnstitutunun birgə təşkilatçılığı ilə Naxçıvanda “Qərbi Azərbaycan: tarixi, mədəniyyəti və böyük qayıdış” respublika elmi konfransı keçirilir.
Konfrans başlamazdan əvvəl Ümummilli Lider Heydər Əliyevin Naxçıvan şəhərindəki abidəsi önünə gül qoyulub, sonra Heydər Əliyev Muzeyi ziyarət edilib.
Daha sonra AMEA Naxçıvan Bölməsinin Elmi Kitabxanasında Qərbi Azərbaycanla bağlı təşkil olunmuş sərgiyə baxış olacaq.
Konfransın plenar iclası Naxçıvan Şəhər İcra Hakimiyyətinin iclas zalında baş tutacaq.

Qeyd edək ki, konfrans öz işini günün ikinci yarısında 5 bölmə iclası üzrə davam etdirəcək, bölmə iclaslarında, ümumilikdə, 61 elmi məruzə təqdim olunacaq.