NAXÇIVAN :

07 Noyabr 2026, Şənbə

BMT rəsmisi: Bakıda qurduğumuz tərəfdaşlıqlar ən böyük nailiyyətlərimizdən və dəyərli imkanlarımızdan biridir

...

Son iki gün ərzində biz çoxsaylı və bir-biri ilə əlaqəli çağırışların mövcud olduğu dövrdə idarəetmənin gələcəyini müzakirə etdik. Birinci gün rəqəmsal transformasiyanın mürəkkəb reallıqlarını, vətəndaşların dəyişən gözləntilərini və qlobal böhranları nəzərdən keçirdik. Müəssisələrin və qurumların necə daha dayanıqlı, çevik, innovativ və hər şeydən əvvəl insan mərkəzli olmalı olduğunu araşdırdıq.
“Şərq qapısı” xəbər verir ki, bunu BMT-nin Baş katibinin iqtisadi və sosial məsələlər üzrə müavini Li Junhua “BMT İdarəetmə İnnovasiyaları Sammiti: Gələcəyə Hazır Təsisatların İnkişafı” adlı beynəlxalq sammitin bağlanış mərasimində çıxış edərkən deyib.
"Bu gün isə diqqətimizi baxışlardan konkret fəaliyyətə yönəltdik, praktiki nümunələri təhlil etdik, innovasiyaların real və geniş miqyasda tətbiq oluna bilən həllərə necə çevrilə biləcəyini araşdırdıq. Bakıda qurduğumuz tərəfdaşlıqlar ən böyük nailiyyətlərimizdən və dəyərli imkanlarımızdan biridir. Bu əlaqələr gələcək təcrübə mübadiləsi, əməkdaşlıq və birgə fəaliyyət üçün möhkəm zəmin yaradır", - deyə Baş katibin müavini vurğulayıb.

Nəşr edilib : 06.11.2026 19:08